|
|
本帖最後由 lovekk2 於 15-9-2025 15:10 編輯
因為中左詐騙, 所以不得不入學
7月頭時經三姓申請入學, 直到8月19日正式頒令有渣X, 兄弟卡, X銀行, UX信用卡, hx信用卡, wxlend, crefxx, <<<<<最驚尾兩間.........
過程中, 出左臨令後, ux信用卡打來過, wxlend, crefxx都沒有騷擾過我
因為是經律師樓搞的, 所以我相信佢地一定fax晒畀咁多間財仔及銀行
但為避免麻煩, wxlend到期數後幾日再send一次臨令畀佢地, 佢地都只係覆已登記, 之後就正式頒令前寄過信來&打來問過一下, 是不是19號頒令, 正令定臨時令?
crefxx就正令出左後見有到期數, 佢地有個語音電話打來, 我就wtsapp返查冊畀佢地, 佢地都無打過來, 更加沒有所謂的上門為避免有信寄去屋企, 申請左郵政轉遞服務, 但唔知點解間唔中都有d信寄左去我屋企(律師樓&破署d信都係去左我屋企), 所以呢個服務都麻麻地.....
8月21日就上左黃關交文件, 過程也順利, 剩係唔記得印身份證copy, 收左我$3
交完文件就要諗保留戶口定開新戶口了
最初是申請了保留中x戶口, 不過主任說了要僱傭合約同埋銀行戶口最新交易日的結餘證明, 但中x網上銀行入唔到, 之前的月結單又只到6月(主任話唔得), atm機又無show日期, 申請結餘又要畀$100
太麻煩, 所以就打畀主任, 問佢改開新戶口, 開新戶口手續簡單好多, 只需提供僱傭合約就可以, 之後就上金鐘拎開戶口, 我揀左大貓開戶, 過程都不難, 態度又好好, 亦沒有最低存款限制
開戶後就要打大佬了, 等緊傾生活既時候, 9月15日收到破署既信, 話10月尾要開大會...........T_T............唉!!!
開大會有無咩要留意, 係咪一定係畀指定外判跟, 會唔會有例外?
希望開大會過程順利, 無風無浪咁過呢4年!!!!!
PS. 由申請到頒令, 都沒有收到任何騷擾電話, 更不要說上門.......所以同學仔們不用太擔心
現階段暫時主任跟緊, 中途轉左另一個主任.......
|
|
狗仔卡
发表于 15-9-2025 15:06:20
提升卡
置頂卡
沉默卡
喧囂卡
變色卡
顯身卡