關於26頁賭博輸錢果PART 同埋生活費

2025決心破產

想問下26頁 P.7 賭博輸錢果條, 係under "自營作業" 入面, 咁其實我唔係自營作業, 呢part 洗唔洗填?
以我所以條例係你用左一筆本來用來營商既錢黎賭先有問題
因為本人之前係極度嚴重既賭徒, 呢幾年加埋輸左成千萬都有, 淨係馬會近2年拎返黎既投注紀錄宦有2千幾頁pdf, 馬會我諗呢2年都最少輸左5,600萬, 仲未計賭場呢d無紀錄無得計,  我係天文數字破產既

咁我想請教下, 其實呢part要填得幾準呢?? 雖然我拎左馬會近2年所有投注紀錄, 但真係多到好難計, 加上賭場果d又計唔到,  其實係咪填個大約數落去就得架喇?? let say係咪填500萬落去就ok 有冇師兄有經驗佢會唔會真係好清楚咁計你?


另外, 本人以前係6位數字高收入人士 (所以先借到咁多黎賭), 但因為破產問題, 已經唔會再做得返呢行, 而因為屋企最近發生左事, 我係呢3個月都無得做野住, 破產都係報失業, 但我絕對唔係想躺平唔做野, 我目標係最少想搏命搵返每月3,4萬 (的士又好, 地盤又好) 但問題黎喇, 我想問破產主任見我果刻我失業, 係咪通常都會批極少生活費俾我? 如果我3個月後一搵到工有收入即時搵返主任, 會唔會幫我review呢? 因為我聽叱度好多師兄講造d主任係拉來搵去都搵唔到..... 因為屋企有小朋友, 同埋租樓, 父母亦年紀好大要照顧, 開支都非常大

nakamura

你揾咁多都係上繳益外判架咋

hkjames

師兄請教下馬會記錄點申請

一個傻人

頒令後如果搵到嘢做有收入就可以同主任/受託人重新傾生活費嘅

Reborn818

26頁既P.7你上去交文件時問清楚佢，可以到時先填。
至於賭博既銀碼，當然冇可能可以寫到好精準，但我覺得，如果師兄你條數有返咁大去老破，你寫返同你貸款相近嘅數目會比較好（證明你真係輸晒），反正你係有證有據又係真事。
你喺呢度見到同學仔成日抱怨嗰啲外判，其實嗰兩個都係我哋所叫既殺手，兩間都係債權人指定佢哋做你嘅受托人，但其實即使跟嗰兩間嘢，我見有啲同學仔都冇乜特別事，你又唔使杞人憂天，根本而家跟邊個都未知。
其實你正式頒令後，如果你仍然係無業狀態，一般都唔會點同你傾生活費，傾都係粗略俾一個數字。到你到時有正職嗰陣時，可以再同佢傾過冇問題嘅。

Dck89

關於賭博果到  你可以交文件果陣同佢講  佢會寫返重點幾時開始借錢再因賭博還唔到   

OTTO

生活費就肯定比佢地計到草都無條生架啦 換轉個角度諗吓
如果你係個主任會點屈揼砌條友先 可能你仲猛料啲 再無人性既都講得出;P
你爆得有咁上下數目 換轉係我都認為你身有屎 凶下你煩下你搞下你屈下你 等你跌返多少出黎
不過師兄有本事借到咁既數目 有本事落注賭咁大 見過咁既銀碼既人就算身有屎都應該識變通既
月入過十皮  有咁既收入可以懷疑你人品 但我唔會懷疑你既智慧囉
師兄都講到 目標3-4皮 渣的士 撈地盤 心態上或者都覺得破得產仲還條毛咩
報失業 長期下去又搞吓你 吹下你揾工 煩過閪 ，
其實我覺得報長散最穩陣 進可攻退可守 無鬼唔會死人既
你都有講之前月入十皮 破左做唔返果份工
你照同主任講 依加有工咪做囉，無都無辦法架啦 包保激鳩到佢噴血
一個月揾返8-9千蚊帳面數好啦 佢計你洗費幾多 你就帳面數揾幾多 反正都係你自己黑商作業
如果你無吞兄食弟既 以你圈子人默整扮掃地既工 三兩皮應該無咩問題既
人係跌底過衰左先知痛既 你都知道賭錢 係搞到你落得今日咁下場既原因啦 無人會傻到衰多次掛
我係唔會叫你戒賭既 人係始終要有寄託 你唔賭咪又走去搞其他野
之後玩細啲啦 10蚊 20蚊 8串1 ;P刀仔鋸大樹過下癮算啦
我諗依度好多師兄都經歷過 揾幾皮都未夠MIN PAY 揾廿皮又係拎填數清袋 果啲日子係時候過去啦
我就係因為覺得自己好撚勁 好有上進心 就係衰左先睇化晒
依加諗返都覺得自己ON9 何苦要有車有樓呢 生意做大做強呢
每個人都有佢地自己既故事 原來做人好簡單架咋 我依加揾千零蚊日 一樣飲飲食食 沖涼揼骨KTV
揾千零蚊日 如果拎黎還錢真係還到死都還唔晒  但拎黎飲飲食食都仲係幾爽
最緊要揾到自己條路 破左產真係條條生路 大把路行
大不了4年+4年 最多都係玩足8年啫 仲諗咁多做乜呀
師兄 一個結束先係一個新開始呀!!!

Bsm

OTTO 發表於 6-9-2025 12:08
生活費就肯定比佢地計到草都無條生架啦 換轉個角度諗吓
如果你係個主任會點屈揼砌條友先 可能你仲猛料啲  ...

師兄，啱聽

timmoz

賭咁大，唔報準確到十萬位都幾肯定實俾受託人搞鳩你，要你解釋再解釋，撚幾年既大有人在。