|
|
大家好呀, 小妹6月3日舉手, 7月22日頒左令, 當中有D分享整合左, 希望可以幫到各位同學仔, 如果有咩係有唔啱既, 希望其他同學仔幫手指正下
舉手後會即時凍結戶口的銀行- 最快應該都係中銀, 第二日都即刻收到通知
會在頒令後先會凍結戶口的銀行 (中間時間仲可以用到e-banking (即網上銀行))
東亞 - 我22號頒令, 25號就凍左
渣打 - 25號凍
痕生 - 好多同學仔都分享過應該係可以用到頒令
以下係有提款卡但係無e-banking的銀行, 如果無需要用到e-banking的同學仔可以考慮一下
1. 東X - 要預約時間開戶, 開戶時間銀行聲稱要一星期
2. 小新 - 要預約時間開戶, 開戶時間銀行聲稱要一星期
3. 中銀 - 因為知道無e-banking, 所以無問過要幾耐先開到戶
以下係有提款卡亦有e-banking的銀行
1. 渣X - 之前有同學仔分享過, 如果本身有渣戶口, 可以係E-banking 申請個純儲蓄戶口 (但要入一千), 然後再申請保留戶口
如果要拎開戶信的話, 要等一個月先可以開到戶口, 急住出糧的同學仔就要考慮埋呢樣野
2. 痕生 - 好多同學仔都分享過話痕生係可以用e-banking, 但都係要預約開戶
3.招商永龍 - 要預約開戶, 大概一小時搞掂, 係提款卡要等寄 (中間時間去分行拎錢要HK$20一次手續費) 提款卡大概要兩至三星期先會收到, 即時戶口可以入錢入票, 即時做埋e-banking登記 [小妹最後選擇左呢間]
因為小妹問的銀行都唔算話太多, 所以都係整合左以上的資料, 希望可以令到其他同學仔少D迷茫
好多師兄師姐話可以預約左頒令個日拎埋開戶信/保留戶口信, 因為我係頒令後先收到第二封信 (直接外判既信), 所以我頒令當日打俾主任佢係話我一定要搵返受託人拎信, 佢唔會出信俾我, 所以如果係第一封信寫明話頒令當日或翌日再以書面通知的同學仔, 要有心理準備戶口凍結得比較耐, 或者早D做好準備. 但有時好多野都係人算不如天算, 總之大家都係一步步咁行, 逐樣問題去解決, 總會解決到既
大家都加油, 日子總會越過越好
|
|