聯名居屋問題

CCC666 · 发表于 8-8-2025 11:14:46

各位師兄師姐好
我已申請入學，未正式頒令，但有層聯名居屋，已經斷供兩期，但銀行打黎提我繼續供款，之前一直係我供。
想問下係咪層樓基本上留唔住？
定係可以同銀行嗰邊傾，話叫我太太繼續供？
因為我唔知道近期呢啲情況，佢會一定強拍間屋，定係會畀你繼續住。
唔該各位師兄師姐。

Reborn818 · 发表于 8-8-2025 12:13:43

一般會被強拍，但你太太可以同受託人傾用合理價錢買埋你個份業權。
如果你打算甘做，最好搵律師搞。

CCC666 · 发表于 8-8-2025 12:28:01

Reborn818 發表於 8-8-2025 12:13
一般會被強拍，但你太太可以同受託人傾用合理價錢買埋你個份業權。
如果你打算甘做，最好搵律師搞。 ...

而家就係諗緊叫唔叫我太太繼續供，
因為已經斷供兩期，正常再唔供，喺正式令到之前，都可能畀人收樓，
但如果佢係唔係都會強拍嘅，咁係咪唔供好過？
因為呢刻要買返果一半業權，亦都冇咁多錢，
但如果你話佢冇咁快拍賣，照供落去，都可以繼續住住先嘅，咁又唔同，所以而家就係頭痛緊，供定唔供好。

Reborn818 · 发表于 8-8-2025 12:33:03

至於係咪強拍，你到時可以搵受託人傾，不過其實最主要睇你意願，或者搵三姓問問意見

CCC666 · 发表于 8-8-2025 12:43:10

Reborn818 發表於 8-8-2025 12:33
至於係咪強拍，你到時可以搵受託人傾，不過其實最主要睇你意願，或者搵三姓問問意見 ...

我就係搵三姓搞，但佢哋話間屋一定會冇，亦都叫我唔使再供，個感覺就係叫我直接放棄間屋，
我當然想留到間屋，我太太繼續供，之後再睇下有冇機會，買得返果一半業權，
所以而家都唔知點好，三姓嗰邊就叫我唔好供，但我見好多個案，又好似話可以繼續住，繼續供，之後先傾

Reborn818 · 发表于 8-8-2025 13:36:02

如三姓講到咁，可能佢認為你負債數目，同你樓按比率，同你家庭收入，計過數覺得無得傾留唔到。
睇吓有無其他同學可以幫到你。

timmoz · 发表于 8-8-2025 15:33:15

唔好發夢啦，只有一個選擇就係老婆市價買返另一半業權就可以住。你個部分已經係負資產，供黎都哂氣，變左拎黎還債。三姓已經好保守架啦！

失控的人 · 发表于 8-8-2025 21:21:04

止洩啦，你申破前有冇同老婆相量下？

		自动登录	找回密码
密码			註冊