準備入學，但係未補齊資料

Hellohello521

好焦慮
準備入學，但係而家未補齊文件未有得宣誓
皆因將危疾份保險轉主權人，有機會可以留返份保險
但係未收到通知成功轉名

31號要供邦 x
上個月卡數 min pay冇供
我好驚 好擔心收數

Hellohello521

同埋都想問呢 ，Payme 冇連結銀行戶口，到時佢哋會唔會check我Payme 嘅交易紀錄？

失控的人

聽C兄講，payme破產之後用唔到，轉用支付寶啦，我宣誓之後已經冇用payme

失控的人

邦人同銀行有No會停追數，我果時每間銀行同邦人都收過一次信，電話就冇聽過，不過一日最多都係三到四電話，淨係渣記有留言，其他都冇乜，唔使驚快D有No就可以拖住先，頒令之後就見蕉拆蕉，呢度大把C兄C姐會幫到你，有乜上來問

Hellohello521

多謝師兄，咁穩陣啲係唔係宣誓前都唔好用PayMe？

Hellohello521

I mean 所有用自己電話號碼註冊嘅電子支付

timmoz

全部支付工具，你個人實名既，7年內紀錄全部會交哂去破處。金管局一知你破就會將資料交俾其他部門。有鬼野實捉到。

timmoz

Hellohello521 發表於 25-7-2025 16:27
多謝師兄，咁穩陣啲係唔係宣誓前都唔好用PayMe？

個人消費唔影響，收錢過錢梗係唔好啦，當轉移資產架。

失控的人

Hellohello521 發表於 25-7-2025 16:27
多謝師兄，咁穩陣啲係唔係宣誓前都唔好用PayMe？

有錢轉走曬先，中銀宣誓幾日就停，總之宣誓前所有銀行D錢㩒曬出來，payme D C兄話一定用唔到，所以你衣家開始習慣下唔用了

失控的人

timmoz 發表於 25-7-2025 16:39
個人消費唔影響，收錢過錢梗係唔好啦，當轉移資產架。

夾錢食飯幫手買野收錢又當轉移資產？個個月一千幾百個人破產，邊鬼個咁得閒查你呢D 一千幾百蚊數？你又跳出來嚇新人，你都好得閒

Joanwong111

都唔洗太擔心既, 我初初係咁收到D收數電話都好驚, 然後又收到信, 一封攝門一封寄, 之後就咩都無, 可能有我又無聽, 只要你唔係二線/電話數/卡仔數都應該唔會有D咩, 如果收數佬打黎嚇得太過分, 記得錄音, 然後去投訴

有關持牌放債人的投訴

可向以下部門提出投訴：

香港警務處牌照課放債人牌照組
地址:        香港灣仔軍器廠街1號警察總部警政大樓12樓
電話:        (852) 2860 3574
傳真:        (852) 2200 4514
公司註冊處放債人註冊辦事處
地址:        香港金鐘道66號金鐘道政府合署13樓
電話:        (852) 2867 2634
電郵:        [email protected]
傳真:        (852) 2530 9001

Reborn818

份保險有無現金價值？如果冇的話，你就快啲睇吓保險公司嗰度搞咩咁耐都轉唔到名。如有，你份28C睇吓點申報返上去，如果唔係就交26頁嗰陣時同文件嗰個講聲，問佢點樣寫返上去。
PayMe如果你同大貓冇牙齒印可以一路用到頒令，但正式頒令後三日就會停。
無啦啦冇人會check你PayMe，假設你頒令後，破產管理處有疑問要理解畫，而你有啲數喺PayMe度轉來轉去，咁可能要你自己提供返俾佢作為證據解釋，所以唔好本末倒置。

Reborn818

timmoz 發表於 25-7-2025 16:38
全部支付工具，你個人實名既，7年內紀錄全部會交哂去破處。金管局一知你破就會將資料交俾其他部門。有鬼野 ...

你又喺度噏乜鳩，七年內紀錄全部會提供去破產處？？金管局你一破產就會交去破署？？哈哈哈，今次係余偉文同你講定你發夢嗰陣時聽到㗎？算吧啦你，返去做你個達文西繼續研發你個乜鳩錄音感應器好過啦。

Reborn818

Hellohello521 發表於 25-7-2025 16:27
多謝師兄，咁穩陣啲係唔係宣誓前都唔好用PayMe？

其實宣誓前冇嘢㗎，如果你只係正常買嘢，同細額轉帳如夾錢食飯，都冇人會去理你啦。
如果你同大貓冇牙齒印，Payme 係一直可以正常用到頒令前，但我唔知你連咗邊個銀行戶口，因為大部份銀行戶口你呈請都會凍結，所以就唔太建議再用（如果仲有少量餘額就建議你嗱嗱聲同埋佢）

Reborn818

銀行數會過期，60日先交收數，所以都唔使驚，幫人就算交收數，有臨令佢都即刻停，不過我建議你嗱嗱聲搞掂佢安心啲囉。

Reborn818

失控的人 發表於 25-7-2025 16:45
夾錢食飯幫手買野收錢又當轉移資產？個個月一千幾百個人破產，邊鬼個咁得閒查你呢D 一千幾百蚊數？你又跳 ...

其實我哋應該體諒佢，佢自己一大堆電話數黑財數俾人追到傻咗，所以而家咪心理反射要成日出嚟嚇吓人先開心囉。

Reborn818

Hellohello521 發表於 25-7-2025 16:28
I mean 所有用自己電話號碼註冊嘅電子支付

呈請前其實用咩都冇所謂，一般購物夾錢食飯細數無人會理你。
其實所有個人電子支付，唔理你係唔係破產，你交易太頻繁，同太多大細數出入都一樣有機會被凍的。

失控的人

Reborn818 發表於 25-7-2025 18:39
呈請前其實用咩都冇所謂，一般購物夾錢食飯細數無人會理你。
其實所有個人電子支付，唔理你係唔係破產， ...

C兄，如果被人凍左個支付寶系米要等破完產先可以解凍到？

timmoz

失控的人 發表於 25-7-2025 16:45
夾錢食飯幫手買野收錢又當轉移資產？個個月一千幾百個人破產，邊鬼個咁得閒查你呢D 一千幾百蚊數？你又跳 ...

可免則免啦，細額就話解釋到，大額梗係唔好啦，唔通話自己下下食鮑魚咩？反正都計劃入學，唔好留咁多手尾跟之後俾人周。人地幾時周無人知，周到出事又要搞一大輪，好得閒咩。只係叫人小心d，有咩嚇唔嚇。咩都驚點生存？

timmoz

Reborn818 發表於 25-7-2025 18:24
你又喺度噏乜鳩，七年內紀錄全部會提供去破產處？？金管局你一破產就會交去破署？？哈哈哈，今次係余偉文 ...

打去破產署熱線個到d人都係咁答啦…政府要查有咩查唔到。