今日上咗律師樓登記，真的要入學了

Hellohello521 · 发表于 15-7-2025 16:30:40

心情其實極度焦慮、沉重。

有啲問題想問各位師兄，謝謝解答

1) 只得恒x 有牙齒印，請問銀行戶口大概會凍結幾耐？如果之後轉虛銀做出糧戶口可以嗎？

2) 有份危疾保險，裏面有人壽成份，受益人係屋企人，申破之後成份危疾保險都會冇咗，咁入邊啲錢係會被破署拎去還債？

3) 而家補交文件中，31號又要供邦 x and 恒x ，而家呢個case我究竟仲供唔供好？我怕佢哋會上公司

3

Reborn818 · 发表于 15-7-2025 18:36:08

1. 銀行戶口凍結時間每間都唔一樣，虛銀都會一樣凍埋，用唔到的，到正式頒令後，所有銀行戶口都會被收檔，你可以保留一個儲蓄戶口或開一個新嘅儲蓄戶口俾出糧用（但係要同主人或者外判申請佢俾信你你先開到）
2. 係，份保險要cut無得留，正常入邊啲現金價值，破署是會充公擰去還債，呢樣你可以問清楚你律師。
3. 31號要供痕生同幫人，正常當然係唔供，留返啲錢俾自己用好過啦，睇情況你31號前都應該有臨令，應該無問題的。
痕生要過期六十日先會交收數，所以你唔使擔心，至於幫人，你一出臨令，雖然律師會幫你通知佢哋，如果你仲係擔心，就將嗰臨令個三頁文件，直接喺佢嘅網upload上去（佢網站咪可以upload文件上去嘅）
焦慮同不安係正常的，換另外一個角度諗，以後可以重新做人四年後就係一條好漢，咁就會開心啲㗎

Hellohello521 · 发表于 15-7-2025 23:22:08

超級謝謝reborn 師兄解答????????????

Hellohello521 · 发表于 15-7-2025 23:26:59

如果我選擇保留戶口的話，到時都要問主任或者外判拎解凍信對嗎？所以我要預計下個月出嘅糧，一係就現金支票、一係就等開返個戶口

Reborn818 · 发表于 15-7-2025 23:38:29

如果公司可以俾你出糧出現金票，咁就唔好搞個戶口了，頒令後情願嗱嗱聲，搵主任出信開過新戶口好過。

Hellohello521 · 发表于 16-7-2025 15:42:27

謝謝師兄突然醒起自己有個耀才戶口買賣過$1000幾百嘅牛熊證，但係而家結餘係$0 係咪都要同律師申報埋？

CKC · 发表于 16-7-2025 16:14:14

唔使擔心,邦x 唔會上公司,收到臨時令,佢地會寄封信去你屋企,叫你聯絡佢地睇下點樣俾個優惠利率清數,唔使理佢就得.

Reborn818 · 发表于 16-7-2025 18:59:34

Hellohello521 發表於 16-7-2025 15:42
謝謝師兄突然醒起自己有個耀才戶口買賣過$1000幾百嘅牛熊證，但係而家結餘係$0 係咪都要同律師申報埋？ ...

搵律師搵就申報埋囉，其實正常最好就係呈請前，取消晒所有證券行戶口既，但我懶惰冇理佢。（因為我自己入學無搵律師的）

Hellohello521 · 发表于 16-7-2025 20:06:15

Reborn818 發表於 16-7-2025 18:59
搵律師搵就申報埋囉，其實正常最好就係呈請前，取消晒所有證券行戶口既，但我懶惰冇理佢。（因為我自己入 ...

咦師兄，我以為破處會check到晒????????

Hellohello521 · 发表于 16-7-2025 20:07:37

CKC 發表於 16-7-2025 16:14
唔使擔心,邦x 唔會上公司,收到臨時令,佢地會寄封信去你屋企,叫你聯絡佢地睇下點樣俾個優惠利率清數,唔使理 ...

謝謝你們解答，我會將危疾保險轉持有人，咁我有機會可以繼續保留份保險
多謝你哋安慰啊，暫時得我媽咪知我申破，而且我又唔打算同任何朋友講，所以心情還是處於非常不安及焦慮 thank you so much!

Reborn818 · 发表于 16-7-2025 21:37:16

Hellohello521 發表於 16-7-2025 20:06
咦師兄，我以為破處會check到晒????????

咁要check check到嘅，但只要個股票戶口入邊真係冇資產就無所謂。
香港咁多大大細細股票行，我哋只係一個普通人無啦啦佢都唔會特登去check我哋，況且成份28C，有寫股票要申報，但冇話有股票戶口就要申報。

		自动登录	找回密码
密码			註冊