長洲覆核王果單野

nakamura

乜唔係話破產條例只係唔俾破產期內持有馬會戶口，但冇話唔俾賭博咩？點解長洲覆核王會因為賭博俾人加監延長破產期？

Reborn818

破管署准許破產人士可保留生活費，只係俾供破產人士及其要照顧家人的生活開支，其餘的法例上是要全部上繳的。破產人士若有多餘錢參與賭博 ，就必須要解釋錢從何處來。
咁如果你同法官講，我餐餐食麵包食杯麵啲錢，留返嚟賭錢，咁可能唔罰你加監，但你伙食費嗰度會減到有咁少得咁少囉（反正你都唔使食咁多）。
咁其實如果你有證明，係我屋企人俾錢我賭嘅，咁佢都冇你辦法嘅。（法例有冇話唔俾破產人賭錢）

失控的人

睇報到好似話四年冇交報表，乜都唔理，主任申請加佢監

timmoz

賭博都係唔得，錢多只能乖乖上繳，馬會用現金劵俾人踢爆都會告得入，正如搭的士俾人捉到一樣。只要破產官唔鍾意，可以搵唔同理由加監或者判監，要搞一個人大把方法。

kikij

署方代表指郭在破產期間仍賭錢，亦少報實際收入約9.1萬元和8000元剩餘資金，聆案官考慮有關情況後，在郭缺席下令延長他的破產期1.5年。

Reborn818

馬會用現金券同搭的士，除非現場捉到你應嘅啫，就算走去篤你灰都冇用㗎

kikij

佢係少報收入為主 擺明佢唔上繳 又咁出位先比人搞姐

Reborn818

失控的人 發表於 8-7-2025 18:34
睇報到好似話四年冇交報表，乜都唔理，主任申請加佢監

條友係賭錢同報少收入，都係加監十八個月咁大把。

Reborn818

kikij 發表於 8-7-2025 18:37
佢係少報收入為主 擺明佢唔上繳 又咁出位先比人搞姐

都係，條友甘出名

timmoz

kikij 發表於 8-7-2025 18:37
佢係少報收入為主 擺明佢唔上繳 又咁出位先比人搞姐

呢度都好多咁既人，以為現金糧就唔報稅唔上繳，跟住原來稅局有紀錄...全部查到都會搞

nakamura

Reborn818 發表於 8-7-2025 18:37
馬會用現金券同搭的士，除非現場捉到你應嘅啫，就算走去篤你灰都冇用㗎

好多年前有位破產中人士一注獨中六合彩三千幾萬頭獎，然後即刻去申請解除破產，點解佢又得？又冇人去質疑佢賭博？而唔係充公晒佢頭獎果幾千萬當上繳還債？

nakamura

timmoz 發表於 8-7-2025 18:47
呢度都好多咁既人，以為現金糧就唔報稅唔上繳，跟住原來稅局有紀錄...全部查到都會搞 ...

外判迫你攞稅單咪穿煲，唔叫就過骨

Reborn818

nakamura 發表於 8-7-2025 19:26
好多年前有位破產中人士一注獨中六合彩三千幾萬頭獎，然後即刻去申請解除破產，點解佢又得？又冇人去質疑 ...

你唔係蠢到咁？
我屋企人中，跟住幫我俾，咁我有冇權？如果我有晒證據，用咩質疑我？

Reborn818

nakamura 發表於 8-7-2025 19:26
好多年前有位破產中人士一注獨中六合彩三千幾萬頭獎，然後即刻去申請解除破產，點解佢又得？又冇人去質疑 ...

假設我當係我自己買，跟住佢質疑我去賭博，甘又如何呢？最最最大不了佢咪加我監唔俾我解破囉。
法律佢冇權去充公我喺六合彩中返嚟嘅錢，同埋我總欠債幾多加埋所有利息手續費，我清哂就得，之後我亦都唔需要再上繳。
簡單來說，唔理你係咪中六合彩，只要你喺四年內還得晒你所有嘅欠債，雖然你仲咩夠期解破，但你豆零都唔使再去上繳俾佢。

Reborn818

有時覺得好多同學仔啲邏輯勁奇怪，破產又唔係犯法，又唔係罪犯，成日有人覺得欠上繳又要坐監又要啦又要鎖，出境又要外判批准，甚至中六合彩啲錢都要俾人充公。
大佬，真係咪玩。

失控的人

Reborn818 發表於 8-7-2025 18:40
條友係賭錢同報少收入，都係加監十八個月咁大把。

香港D法官真係好人⋯⋯

nakamura

Reborn818 發表於 8-7-2025 20:02
有時覺得好多同學仔啲邏輯勁奇怪，破產又唔係犯法，又唔係罪犯，成日有人覺得欠上繳又要坐監又要啦又要鎖， ...

外判屈慣錢，再加唔合理生活費同無聲無色凍結出糧戶口，平時有事打去想揾佢地都難，揾到仲要極差態度對你，夠期張不反又拖好耐都唔捨得俾人，呢D手法都係人神共憤！

Reborn818

nakamura 發表於 8-7-2025 20:35
外判屈慣錢，再加唔合理生活費同無聲無色凍結出糧戶口，平時有事打去想揾佢地都難，揾到仲要極差態度對你 ...

你完全係問非所答
大把同學仔咪又係無驚冒險，又過咗四年
人類有時怨氣太重都會影響自己運氣磁場

Ncrtqrtq

其實出現金糧又點會報稅？除非你做個間公司出現金但拎你個名個人頭去報稅，其實好多做現金糧都唔會有稅報。

timmoz

Ncrtqrtq 發表於 14-7-2025 15:33
其實出現金糧又點會報稅？除非你做個間公司出現金但拎你個名個人頭去報稅，其實好多做現金糧都唔會有稅報。 ...

有古怪受託人自然會派一隊人去搞跟蹤，搜集證據，搞到人有錢收。隨時叫人上去叫俾搵工紀錄同解畫，仲要係辦公時間。欺詐受託人係刑事，假聲明假文書聲稱無業都係。無事就無事，一出事唔係講玩。