破產＋失業＋病 未開庭 。。好煩好多問題。。

30歲廢青

本人患有嚴重憂鬱症，最近因失業於6月申請破產。我不知道未來4年該如何處理相關報表，也看到一些POST提到外判可能會強迫還債人工作。
但我因工作壓力曾差點自殺，現時跟本無法應付工作。
同時，由於失業，我無法負擔每兩週約3,000元的精神科診症和藥物費用，陷入「無錢看病→無法工作→無收入」的惡性循環。
雖然我尚未正式入學，但到時該如何回應外判？
另外，每年的報表應該怎麼寫？我預計每天都會待在家，沒有什麼開支。

timmoz

報表填收入，拎綜援醫療資助都填落去收入，支出填飲食醫療交通等，中間差價寫由邊個資助。要醫生出證明不合適工作，否則受託人未必接受你既講法。

Reborn818

timmoz 發表於 4-7-2025 16:37
報表填收入，拎綜援醫療資助都填落去收入，支出填飲食醫療交通等，中間差價寫由邊個資助。要醫生出證明不合 ...

如果佢26號嗰度已經填失業，好大機會都係破署跟返，就算比外判，只要有醫生紙就俾佢都唔使驚。

Reborn818

唔使擔心，唔使諗咁多無謂嘢住，先搞掂破產，然後步一步行。
唔好諗啲太負面嘅，你社工跟你嗎？

失控的人

入咗學先，我相信冇野做唔會拉你坐監⋯⋯

30歲廢青

timmoz 發表於 4-7-2025 16:37
報表填收入，拎綜援醫療資助都填落去收入，支出填飲食醫療交通等，中間差價寫由邊個資助。要醫生出證明不合 ...

住公屋 屋企人有工作都可以拎綜援醫療資助？之前睇開私家診所

30歲廢青

Reborn818 發表於 4-7-2025 17:08
如果佢26號嗰度已經填失業，好大機會都係破署跟返，就算比外判，只要有醫生紙就俾佢都唔使驚。 ...

我舉手個陣已經失業3個月了 所以寫了 0

30歲廢青

失控的人 發表於 4-7-2025 17:26
入咗學先，我相信冇野做唔會拉你坐監⋯⋯

我唔想煩。。見到啲師兄話每個星期都要解釋。我唔想出門口。。。

Reborn818

30歲廢青 發表於 4-7-2025 17:46
我唔想煩。。見到啲師兄話每個星期都要解釋。我唔想出門口。。。

唔一定會搞到咁惡劣，通常如果個個禮拜俾人捉上去要佢解畫點解唔做嘢，一般好大機會係明知佢玩嘢（做做吓嘢突然間話失業有冇證明俾佢哋，有冇咩疾病證明可以話自己做唔到嘢）。
其實我建議你叫私家醫生refer你去政府醫院跟，因為好多嘢如果你要福利處支援，或者實質證據俾破產管理署睇，只有政府醫院開出嚟嘅醫生紙，佢哋先冇得唔信。（福利署申請任何嘢，一定要政府醫生醫生紙，同埋政府醫院入邊本身已經有醫療社工）

Reborn818

如果你正式頒令時係失業，大部份機會都係破處主任暫時跟住，有啲會寄信嚟象徵式寫個生活費俾你，有啲直頭費事理你。

Bsm

樓主師兄唔好諗咁多啦，一步一步嚟。我有朋友屋企人都有精神病放完產之後精神病高好返仲搵到份工依家每月上繳$2000左右。凡事向好嗰邊諗啦。

30歲廢青

Reborn818 發表於 4-7-2025 17:55
唔一定會搞到咁惡劣，通常如果個個禮拜俾人捉上去要佢解畫點解唔做嘢，一般好大機會係明知佢玩嘢（做做吓 ...

謝謝你。。咁可能我要搵多次睇開個個醫生問下佢意見。。。又要3千????

30歲廢青

Reborn818 發表於 4-7-2025 17:58
如果你正式頒令時係失業，大部份機會都係破處主任暫時跟住，有啲會寄信嚟象徵式寫個生活費俾你，有啲直頭費 ...

明白 咁可能無其他師兄咁多野煩 因為我一早失了業已經

Reborn818

30歲廢青 發表於 4-7-2025 21:33
謝謝你。。咁可能我要搵多次睇開個個醫生問下佢意見。。。又要3千????

唉，三千….香港私家專科收費真係CSL。
或者你試下甘，你用醫管局嘅HA Go app去預約你屋企附近嘅健康院睇咗門診先，見醫生嗰陣時講到有幾嚴重得咁嚴重，一般如果嚴重個案佢肯寫urgent俾你的話，兩個禮拜左右就可以去見專科，到時就所有關於你嘅情緒問題，全部去返政府醫院跟進，咁就可以所有嘅證據，亦可以去醫院問醫療社工，睇吓有乜嘢資源可以幫助到你。
但Ha go 預約要有少少技巧（我好多朋友同事都約到講撚晒粗口），你打開個App 係預約普通科門診，通常你揀完地方之後你會見全部都係滿，其實佢個系統係，每個鐘更新一次，即係如果你要約聽日下午六點，你今日下午六點正就要入去搶（系統可預約未來24小時），一入去見滿，就再更新，玩多幾次後生仔應該唔難掌握。
外母70幾歲都學得識（佢話唔想成日煩我），所以我覺得你應該冇問題的。
人生百苦，唯有自渡。

Reborn818

30歲廢青 發表於 4-7-2025 21:34
明白 咁可能無其他師兄咁多野煩 因為我一早失了業已經

是的，所以你真係唔使咁擔心唔使胡思亂想。

30歲廢青

Reborn818 發表於 4-7-2025 22:24
是的，所以你真係唔使咁擔心唔使胡思亂想。

唉 又有野煩了
入左紙但未聆訊，銀行打黎問我有無諗過搞重組個啲，同埋話"你個筆大數（接近100萬）先借左半年都未有喎，啲錢去左邊呀？"，好似暗示會告我咁
我又口吃口疾疾咁答佢 "無番工重組唔到，我已經破左產，再打比我我會同破產處投訴" 好似身有屎咁。。。
唉唔知會唔會告我。。。好煩。。。

Joanwong111

唔係三個月新數應該唔會有問題既, 師兄唔好諗太多, 關關難過關關過, 加油, 無咩解決唔到

30歲廢青

Reborn818 發表於 4-7-2025 17:58
如果你正式頒令時係失業，大部份機會都係破處主任暫時跟住，有啲會寄信嚟象徵式寫個生活費俾你，有啲直頭費 ...

如果個額都7位數會唔會都會搞我。。我又好驚了。。唉

Uny333

30歲廢青 發表於 14-7-2025 17:51
如果個額都7位數會唔會都會搞我。。我又好驚了。。唉

我都係7位 當初都好似您咁驚
最緊要銀行果邊有還過下款 唔會告你欺詐，我精神狀態同你差不多 但我未睇到醫生，如果你一直有睇開，其實你可以叫返醫生開返張診斷證明俾你到時俾埋主任睇，佢嘅責任一定會叫我哋做嘢搵工 ，但搵唔到都吹你唔脹 唔係犯法。

Reborn818

30歲廢青 發表於 14-7-2025 17:42
唉 又有野煩了
入左紙但未聆訊，銀行打黎問我有無諗過搞重組個啲，同埋話"你個筆大數（接近100萬）先借 ...

你啲錢你解釋到佢左邊，其實係冇問題嘅，銀行慣性想試吓可唔可以減少損失啫。
所以你如果E Banking仲開到，你download返晒所有近一年嘅月結單先啦，到時破產處真係問，起碼你有晒月結單喺手，唔使俾錢去銀行度再申請拎。
如果你啲錢係炒爆或者輸晒，你有證據㗎嘛，放鬆啲啦唔使擔心。