多謝聯盟，令我決心入學

米保保

5月頭個時搵左6c傾過，本身諗住做IVA，但要供8年，加埋差唔多1球，仲未計6c費5萬，我心諗供完首期都已經比到????。自己開始爬文，之後下定決心就埋出糧時間約左6c 5月尾宣誓。6c話今日應該會收到臨令，希望快啲出到。

Wexxxx 40萬 <- 睇左咁耐，應該最麻煩
Cerxxx 4萬
Antxxxx 2萬
Ux 8萬
Aexx 10萬

根據聯盟巴打所講，得we仔出左臨令仲會追數，仲追得好勁，會上公司同屋企拍門，會寄信，瘋狂打電話，而其他4間應該收到臨令就唔係咁追。為左份工同屋企人，我6月頭比左1期we仔，希望佢唔好pass去收數。現時得ant未過期，其他都打電話/wts/sms追數，都係同佢地講等緊臨令，收到會再send比佢地。大家一齊加油，4年後又重新做人????

乂紅眼

米保保 發表於 9-6-2025 17:15
6c應該都幫你交左去we仔, 我都煩緊維仔個度, 希望淨係上門攝紙仔

我同你一樣，互相更新情報

Wkww1123

我都有we仔30萬，遲左一個月，應該交左收數，6c 今日先通知排左期，7月22上庭，想問使唔使send文件比we仔，
仲有我都 維x 都追得好勁

Reborn818

We 仔你無過期數？其實你無過期數應該會好好多。個人經歷，我欠佢條數多你d d，呈前冇過期數，因為我自己搞冇搵律師，出咗臨令後，我將份呈請副本速遞上去佢哋財務部（費事煩一陣又話收唔到），因為舊公司已經摺埋，所以我唔使擔心佢搞公司，呈請後啲無謂電話我亦都冇接，（有聽留言，但又唔覺佢哋有打嚟）係有一封大字報寄黎屋企，但我完全冇理佢，冇人上門冇人拍門亦冇人攝信。瘋狂追數，嗰啲我覺得應該係過咗期，已交收數。至於呈請後係有機會佢會想屈多你比一期，但至於俾唔俾，理唔理佢，睇吓你自己去衡量。
Cerxxx，訊息同電話留言都幾煩㗎。

Reborn818

另，我呈請後無立即通知佢，係到下期差唔多到期前幾日先速遞上去，離正式頒令大概兩星期左右。（等佢無甘多時間搞咁多嘢。）

米保保

所有都無過期數，一直都順供緊，但係我真係太怕we仔，話晒我條數都唔算細，同埋我公司資料上網就搵到

米保保

另外，6c會幫我通知晒所有欠債人，所以都係要面對，我想快啲有頒正式令日子，快啲捱過呢段時間

lung916

師兄 你同我差不多一樣 也是本身想做iva 但又要還成球野

欠wexxxx 40萬
crexxx 8萬
xwxxxx 16萬
ux   8萬
上星期出佐臨時令

所以師兄 你唔係一個人面對 我差不多都同你同步進行同一間公司追數！大家一起加油！
大家都係一時失意，捱過佐一切都會好！

米保保

聯盟真係好有愛，捱過咗就無事！再有新消息

Reborn818

米保保 發表於 4-6-2025 12:03
所有都無過期數，一直都順供緊，但係我真係太怕we仔，話晒我條數都唔算細，同埋我公司資料上網就搵到 ...

開頭我都好似你咁諗，諗住甘大條數，但後尾諗諗吓，喺we記有得咁大條數，根本已經係佢嘅舊客仔啦，一路佢打嚟續借更新，計埋之前俾佢嘅利息，不停續新。但以我經歷，只要冇過期數，係擲去收數，佢哋唔會太亂嚟，始終呈請後都係灰色地帶，一般只係睇吓R唔R到多一期啫。

乂紅眼

大家一樣 我去到7月中先頒令

失控的人

乂紅眼 發表於 4-6-2025 14:46
大家一樣 我去到7月中先頒令

C兄分享下律師到宣誓完可以做D乜？律師會幫手做D乜？

乂紅眼

差welxxx 48萬  crexxx 13萬  其他銀行合共 22萬 今日有臨令 we仔就仲未遲交 未有電話炸我 不過應該差唔多 cre就收到後即打俾我 又話交收數公司搞 本身都驚 不過諗諗吓 由選擇開始就已經預佐 只有放開心情 比人知咪直認囉 我係失敗佐呀 無計 面子已經事小 只要可以暫時了結債務 我仲可以重新開始 依兩個月要面對既野 咪當磨鍊囉 起碼仲有重生機會 加油呀師兄 諗下暫時解決欠債問題 其實仲好過供8年 係依段時間反省下自己未來點行

乂紅眼

失控的人 發表於 4-6-2025 14:49
C兄分享下律師到宣誓完可以做D乜？律師會幫手做D乜？

宣誓完就一直等律師入紙 跟住佢會send 臨令比你 同fax哂過去你欠既債權人度
其後就等頒令 律師會代你上庭（最難過既時間開始）無野可以做

整個流程 係你交哂所有文件比佢
佢會幫你填好入紙 同 上庭
你預由見面到入紙 都要成2-3個星期

CEEPO

總括一句,入咗紙就ok,到時有邊間追數,或追上公司,又或者上屋企門口貼大字報就預咗先！屋企門口裝定好cctv,電話騷擾轟炸屋企/親人/公司或者諮詢嘅就一定預咗！過渡時期忍三幾個月，你就會守得雲開見月明！！，到正式聆出咗！你就會明白破產並不是大不了嘅事！起碼晚晚瞓得好！唔使每月跑生跑死生左借右借冚數！！

timmoz

做過we仔，追數打爆公司例牌野，電話講下粗口，判出去個班真係亂黎，咩都會做最多唔淋你，自己睇路，仲惡過二線，唔使理佢地。

timmoz

CEEPO 發表於 5-6-2025 04:43
總括一句,入咗紙就ok,到時有邊間追數,或追上公司,又或者上屋企門口貼大字報就預咗先！屋企門口裝定好cctv, ...

正確，就好似大耳窿咁，預左俾人搞，個心情準備好，無野好驚。又唔會要條命，好快解破。要知道，窮L惡，破L更惡！

失控的人

乂紅眼 發表於 4-6-2025 22:32
宣誓完就一直等律師入紙 跟住佢會send 臨令比你 同fax哂過去你欠既債權人度
其後就等頒令 律師會代你上庭 ...

聽日去宣誓，有D緊張，希望平安渡過冇人上屋企就好了

Reborn818

失控的人 發表於 5-6-2025 07:23
聽日去宣誓，有D緊張，希望平安渡過冇人上屋企就好了

咪聽D智障講啦，唔怪之成日喺度白白痴痴，仲話自己做過we仔，我咪又係收過一封信(仲要寄黎）甘大把，今時今日咩時代，周圍都係監控，電話撳個掣就錄音，有哂合法人放債牌照，呈請後我又唔信佢夠膽做啲咩，啲垃圾收數最叻咪又得把口。
We仔試過有個傻仔呈請後追數，係電話人哋俾人錄晒音，後尾嗰事主報警又去牌照處投訴，結果咪又係死狗咁打返俾人求人哋撤銷。
就算上屋企佢咪，最多叫你收信，咪聽佢講啦，點夠膽喺度叫囂，佢夠膽咪攞個電話拍低佢，我又唔信佢夠膽郁手，分分鐘佢仲驚過你啲咁嘅廢柴。

Reborn818

timmoz 發表於 5-6-2025 06:38
做過we仔，追數打爆公司例牌野，電話講下粗口，判出去個班真係亂黎，咩都會做最多唔淋你，自己睇路，仲惡過 ...

我先唔信，呢收數廢柴最叻得把口講，
我收過一千零一封信，仲要貼郵票寄黎上門都未敢，收數就收到咁樣，人唔笑狗都吠鳩你哋啦。
電話我就唔知佢有冇打嚟啦，但就算打嚟我唔聽留言都未敢啦，炸電話？咪玩啦，敢咩？唔怪之得你啲口氣成日食咗屎咁啦，原來做過we仔。

Reborn818

Wkww1123 發表於 5-6-2025 14:18
我都有we仔30萬，遲左一個月，應該交左收數，6c 今日先通知排左期，7月22上庭，想問使唔使send文件比we仔， ...

We仔有過期數，正常收數實會chur你，要你起碼清左過期，至於你理唔理佢，你自己睇情況決定啦。不過老實講，如果已經呈請，佢哋來來去去咪又係得把口兇吓你，至於打上公司，你自己睇吓處唔處理到囉。（不過如果你想處理，你直接打去佢公司帳務部傾，因為照我所知呢間野入邊好多害群之馬）
三姓會幫你通知所有，你申報左既債權人。
維記如果交收數都煩架，你已呈請有Number佢收到應該會好啲嘅。