急急急破產官代理追還錢

小叔叔 · 发表于 3-6-2025 08:58:43

急急急事緣朋友幾年前入學,個時疫情都等左成年先見個律師批生活費. 咁之前個一年要償還既款項自然就要係剩低既3年入面分期償還.
但係呢年幾入面個朋友又失業, 所以亦都還唔足.

而家個朋友仲有幾個月畢業, 跟佢個間律師樓話仲欠佢呢幾萬蚊要係呢幾個月還埋俾佢.
因為我朋友當初填左表應承左會分期償還.
仲話如果還唔到債權人有可能反對佢畢業.

各位師兄, 想問有無遇過呢D事? 如何應對?
試問一個入緊學既人, 點會無啦啦有幾萬蚊還俾你呢?
我感覺呢間律師樓似收數公司多過破產官代理多D喎

wclun · 发表于 3-6-2025 09:44:19

第一..你朋友簽左還錢
第二代理最多可以加你4年
第三叫你朋友同代理再聯絡有沒方法再拉長D

Reborn818 · 发表于 3-6-2025 09:47:42

點會冇遇過啲咁嘅事？上繳不足係一定唔會俾你畢業㗎啦。冇得選擇，一係清晒佢，如果唔係就加監，破產條例最多加多四年，即係簡單來說，就算你欠佢十萬九千七，頂盡八年，你都會解破，
唔係呢間律師樓，喺間間外判，甚至破產主任都會係同一個做法。

小叔叔 · 发表于 3-6-2025 12:44:52

樓上2位師兄都係親身經歷?

咁如果我朋友都無野做咁點會有額外錢俾?

Reborn818 · 发表于 3-6-2025 12:59:51

小叔叔發表於 3-6-2025 12:44
樓上2位師兄都係親身經歷?

咁如果我朋友都無野做咁點會有額外錢俾?

犯法要俾人告，要親身經歷先知？
坐頭等冇去比頭等價錢，俾人罰錢使唔使經歷先要知？
護照就嚟到期，走去旅行人，唔俾你上飛機，咁要唔要經歷先會知？
冇嘢做冇錢上繳，外判又點會理你？等於你上到庭，同個法官講，我唔識字我冇讀過書，唔知咁樣係犯法，你覺得佢會唔會睬你？
自己打電話，去同外判睇吓點樣可以簡單D解決啦，好彩嘅就只係加監幾個月，等於之前所講，再大不了只係成個破產期八年啫。

Reborn818 · 发表于 3-6-2025 13:15:48

唔知你失業時，有冇同個外判講，如無，睇吓佢肯唔肯俾你提供之前，真係失業既時段嘅證據俾佢，睇吓佢有可以同你再計過數。
想順利畢業，無計，係要靠佢哋，所以除咗同佢哋傾，根本就冇其他辦法。

小叔叔 · 发表于 3-6-2025 13:24:16

無野做就一定有申報啦. 因為無入錢幾個月, 外判都一定會追問啦. 所以我覺我奇怪姐.

因為破得既, 總數欠過百萬, 唔通又一定要還清晒先俾你解破咩?

Reborn818 · 发表于 3-6-2025 13:33:24

搵外判要求同佢對數啦，對完數咪知究竟係點解會欠佢幾萬蚊囉。
咪又喺度九唔搭八，欠上繳唔俾你畢業，同你破產之前嘅債務，有咩關係？

Reborn818 · 发表于 3-6-2025 13:37:27

自己走去稅務局，印返之前啲收入出嚟，睇吓究竟你所謂嘅失業時段，係唔係真係失業。如果係真係，就攞張嘢去同佢對數，如果稅務局show出嚟你所謂嘅失業期間有收入，甘就…..

Yuyuyuu · 发表于 3-6-2025 13:51:33

其實係度問黎都無用，叫你朋友直接同外判傾啦。總之有欠上繳可以分期還，還唔清就延長破產期。如果一早無做野就要外判傾返。

欠一百萬 · 发表于 3-6-2025 15:49:43

你第一年有工作, 就要上繳, 比你分期還你又唔還咪反對你解破囉.

xxx369 · 发表于 3-6-2025 16:08:55

敢如果開吾足工吾過生活費, 系咪就吾洗上繳？亦吾會因為敢加監？

Reborn818 · 发表于 3-6-2025 16:43:29

xxx369 發表於 3-6-2025 16:08
敢如果開吾足工吾過生活費, 系咪就吾洗上繳？亦吾會因為敢加監？

大哥，如果你本身上報收入只夠你生活費，已協議好你不用上繳，甘你當然唔會有欠款出現。
但加監除咗欠款，仲可以有其他原因的，百萬師兄已在另一個主題，列得清清楚楚，自己去睇吓。

小叔叔 · 发表于 10-6-2025 19:51:02

最新update, 我個friend 問佢, 如果解左破點解仲要還, 對方支吾以對, 無正面回應. 佢淨係話可以俾我個friend係隨後個一年分期還俾佢地.

我覺得呢間外判想混水摸魚撈多一筆錢自己袋就真

timmoz · 发表于 10-6-2025 21:44:32

小叔叔發表於 10-6-2025 19:51
最新update, 我個friend 問佢, 如果解左破點解仲要還, 對方支吾以對, 無正面回應. 佢淨係話可以俾我個frien ...

見到有傻仔肯還錢，梗係咬住肥豬肉。你個朋友應該係簽左還款協議，受託人先有條件俾解破信。正常有欠款情況下，無可能解破到。你朋友都唔係咩好人，有野隱瞞。

小叔叔 · 发表于 10-6-2025 21:50:23

岩岩去左"畢業祝福"個版睇到幾個師兄分享, 都真係要還某D尾數, 先可以拎到不反對信. 乜而家D外判係咁樣CAP水? 咁我完左4年, 我再入錢俾間外判, D錢係會分俾債主定係間外判自己袋先???

Reborn818 · 发表于 10-6-2025 22:09:44

小叔叔發表於 10-6-2025 21:50
岩岩去左"畢業祝福"個版睇到幾個師兄分享, 都真係要還某D尾數, 先可以拎到不反對信. 乜而家D外判係咁樣CAP ...

你同外判對咗數未？如未，你憑咩話人哋cap水呢？你覺得呢佢cap數你咪去破產處投訴佢囉，喺度講有咩用咩？

Reborn818 · 发表于 10-6-2025 22:15:19

你頭一年有野做，頭一年上繳佢俾之後三年分期，我假設你之後三年失業，後三年完全唔使上繳，咁你之前有嘢做嘅上繳，你都要還返晒俾佢㗎，佢俾你分期頭一年既上繳你清哂？你唔係甘傻以為之後冇嘢做，之前嗰啲都唔使俾啩？

攪到我頭痛 · 发表于 10-6-2025 23:05:09

小叔叔發表於 10-6-2025 21:50
岩岩去左"畢業祝福"個版睇到幾個師兄分享, 都真係要還某D尾數, 先可以拎到不反對信. 乜而家D外判係咁樣CAP ...

你咁懷疑嘅，咪同朋友講乜都唔好理囉，上唔上繳無人迫你朋友，睇下到時點啦，可能無事呢

Reborn818 · 发表于 10-6-2025 23:16:18

攪到我頭痛發表於 10-6-2025 23:05
你咁懷疑嘅，咪同朋友講乜都唔好理囉，上唔上繳無人迫你朋友，睇下到時點啦，可能無事呢 ...

明顯而家佢，係欠頭一年有野做既上繳。
外判講得出點會係假，其實有啲個案可以俾咗不反對通知書佢先，之後再俾佢分期俾返之前啲上繳（反正佢只係外判，來來去去錢都係破產管理處，佢唔俾好似欠稅咁，方佢會走得甩咩）

		自动登录	找回密码
密码			註冊

急急急 破產官代理 追還錢

急急急破產官代理追還錢