破產署電子申請開立出糧戶口問題

zitawong

本人今日5月13號頒令，公司30號出糧，但公司規定20號前要更新到新出糧戶口，但係今日頒令後立即打俾破產署主任拎開新戶口信，打算開恆生，本身用緊招商永隆一卡通出糧，本來以為可以即刻約到破產署主任拎到開戶信，但破產署主任話要排隊，唔可以插隊，可選擇到金鐘交僱傭合約同糧單，或電子申請開立戶口，以下問題想請教各位師兄

1.只能排隊？不可即日取得開戶信嗎？問過破產署受託人係邊個，係破產署定外判，佢話未知

2.今日5月13號頒令，招商永隆一卡通大概幾時會涷結戶口？因為破產官話如果出糧時永隆涷結得切戶口就會彈回頭筆錢，未涷結得切就會hold住筆錢，有入無出，而家好驚招商永隆佢涷結唔切

3.電子申請開立戶口問題，破產署寄左封信黎，俾左個qr code我，我已經今日下午即時向破產署交左電子申請開立戶口，仲email左合約同糧單俾破產主任，有無師兄用過電子申請，大概幾時會拎得開戶信，我知一係親身領取或郵寄，我打算親自領取，慳返啲時間

4.恆生開戶問題，拎到信去開戶後，去總行搞，要否預約，可否walk in,我見呢度有人話可以即日拎到提款卡同密碼，而家係咪都係甘？同埋係咪要即時喺櫃檯入錢落戶口開通戶口先可以自動轉賬到出糧？要入幾錢?

5.生活費問題，我交申請破產呈請書時無填到要供養子女，收到信初次會面係上永聯交文件，但無話永聯係受託人，甘樣個生活費仲有無得加返供養子女？

新入學，唔好意思，甘多野問，好感激你地能睇到呢度，請多多指教

祝大家一切順利，入學順利，出糧順利，早日畢業！

Ckck88520

首先如果係跟主任，先要搵到個主任約時間，例如（電郵，電話、網上申請拎開戶信、搵到之後記得同佢講情況緊急）我嘗試過直接踩上去門口電話搵主任、但主任放假，之後有其他人聽，我同佢講到個情況好急之後佢搵咗第二個主任幫我出張開戶信！

zitawong

哇，你就好，我個主任唔俾

Ckck88520

開恆生，上網預約，嗰個日子之前佢會打俾你、總行開有啲師兄話易啲，我去總行開，反正我開唔到，最後開左去北角開左中銀

zitawong

甘你咪要重新拎過封信囉，本身拎左恆生，再轉中銀信？幾時嘅事？

Waizoe

通知完主任第二日上去就拎到信，冇揀大行開戶有機會等幾日，獅子個陣問要2個星期。所以極速搵小新開戶 兩個半鐘內搞掂