找回密码
 註冊
查看: 3128|回复: 20

請求各位意見DRP? 差銀行80幾萬

[复制链接]
发表于 19-2-2025 13:09:19 来自手机 | 显示全部楼层 |阅读模式
你好,各位,

請大家比比意見我應該點做好?

本人現況如下:-

1,恆x 結餘轉換 4/72期 供$8744 (本連息欠60萬未還)
2,恆x 卡數 欠28000 (還minpay)
3,渣x 卡數 欠235000 (還minpay)

我人工大約25000左右
每月大約需要給家庭支出$14500元。

現在的問題是2條卡數已吃力,想請教本人申請DRP是否合適,謝謝?

有打過電話去恆x問drp,佢地話最小要供夠6期先有機會做到。

渣x佢地客戶就叫我send mail 比資料先再問。

係自己衰,不停loop,只有賭賭賭,個心好痛,對吳住屋企人,老婆同埋個仔,但我吳可以死,因為只會害身邊人,現在晚晚望到佢地我就好內疚。
佢地未知我差銀行錦多錢。

我個心已經心亂如麻,請教各位意見?
應該等多2個月再同恆x申請,
而現在渣x係咪應該申請左先?
发表于 19-2-2025 13:17:43 来自手机 | 显示全部楼层
師兄試下照同渣x申請左先啦,能夠減輕還款壓力就及早行動。我都等緊渣x消息,一齊加油!
发表于 19-2-2025 17:22:43 来自手机 | 显示全部楼层
結餘轉戶個利息甘平?未連息60個72期8744?
 楼主| 发表于 19-2-2025 18:59:48 来自手机 | 显示全部楼层
連埋息 629568
 楼主| 发表于 2-3-2025 21:43:00 来自手机 | 显示全部楼层
好痛苦,吳知點算,我填渣打張表格,計完數發現每月流動資金已經負數,點計都吳掂,應該點做好? 25000 收入 14500 幫太太供樓 8744 供恆x  p loan 剩返1千幾百生活費  我呢個請況,破吳破到產? 最近呢幾個月都有大盡馬會數,會吳會比法庭告呢??
发表于 2-3-2025 23:45:50 来自手机 | 显示全部楼层
Keungalex 發表於 2-3-2025 21:43
好痛苦,吳知點算,我填渣打張表格,計完數發現每月流動資金已經負數,點計都吳掂,應該點做好? 25000 收入 ...

我都申請左渣x drp,可以同你講少少。你唔需要擔心,填完支出大過收入係好正常,正正因為入不敷支,所以先要申請債務舒緩。到時渣x收到你既申請,會有人打比你,問下你生活上有冇咩支出可以減少,你配合下佢哋減下呢度減下嗰度,重點係要成功比佢幫你出到plan,咁樣你供款個數細左,就可以多返錢應付日常開支。
发表于 3-3-2025 07:26:00 来自手机 | 显示全部楼层
睇錯左,原來係本連息600k,不過問題係30幾倍負債點樣令到銀行有信心你還得起,就算俾你分到120期都可能只係少2k供款額,最壞打算做完drp都可能供唔掂要破產,至於會唔會俾人告真係冇人答得到,不過真係搞到坐監嘅案例就比較少嘅多數都緩刑加罰錢,呢方面真係搵律師或者社工傾吓會比較好,遲早都要面對同屋企人坦白,搵個機會好好同佢哋傾吓之後點樣做
 楼主| 发表于 8-3-2025 00:30:22 来自手机 | 显示全部楼层
今晚終於古起勇氣同太太說出清楚,看見佢失望加喊架樣子,我呢世都吳會忘記,好內疚,希望可以用我餘生補償比佢。  另外過了1星期,渣x仲未有消息DRP,希望下星期有好消息啦。
发表于 8-3-2025 17:28:16 来自手机 | 显示全部楼层
師兄我同你都係差唔多,準備打上恒生傾,可惜我星展已經比人call左loan
发表于 8-3-2025 17:34:15 来自手机 | 显示全部楼层
渣打表填幫太太供,唔係你名唔好填你供,銀行一定唔批,無力還款。破產都可以,層樓無你名唔使賣,有先要,破產主任可追返近7年近親交易,可能都80個,一追就害死埋老婆。有賭博唔一定告,到時要俾哂馬會紀錄出黎。呢個情況兩難又尷尬。不如入學
 楼主| 发表于 12-3-2025 00:16:05 来自手机 | 显示全部楼层
等左8日仲未有渣x消息,琴日打去追,佢地話負責果位主住食更飯話再回覆,但仍未回覆我,搞到好心急。 呢排都做更準備,如果做老破的資料,有樣野想請教各位大大,層樓雖然無我名,但我是擔保人,係咪做破產,我老婆層樓都會有影響呢?謝謝。
发表于 18-3-2025 11:34:16 来自手机 | 显示全部楼层
師兄有無進展?希望你渡過難關!加油
 楼主| 发表于 18-3-2025 14:50:39 来自手机 | 显示全部楼层
仲未有呀,3月3日send email過去,再打去渣x cs話收到,但都現在仍未有人打比我,仲等更....
发表于 1-4-2025 16:52:08 | 显示全部楼层
Keungalex 發表於 18-3-2025 14:50
仲未有呀,3月3日send email過去,再打去渣x cs話收到,但都現在仍未有人打比我,仲等更.... ...

樓主有消息未呀??
 楼主| 发表于 23-6-2025 23:03:26 | 显示全部楼层
申請DRP前後約3個幾月後,終於做哂2間銀行DRP, 另外,同太太坦白從寬後,佢好傷心,但都接受左我,講左D方案比佢聽,行住呢步先......在此更新下大家...
渣X 批左(APR 5.XX%) X 120/月 月平息約0.27% $2000/1期
恆X 批左(APR 7.XX%) X 116/月 月平息約0.32% $6335/1期

大致係這樣
順供住先, 如果捱半年後都供吳到.....................我就決定入學算.
发表于 24-6-2025 16:21:36 来自手机 | 显示全部楼层
咁想問下,平時自動轉賬電話費個D,係咪要親自去門市or 7-11交返
 楼主| 发表于 24-6-2025 16:43:01 来自手机 | 显示全部楼层
電話費我轉哂za band,電費果d不嬲我太太搞開,所以影響不大
发表于 24-6-2025 19:30:12 来自手机 | 显示全部楼层
師兄我想問你…申請途中卡數都要照交幾千蚊嗎?同埋卡中心會寄信比你交全款找數嗎?
发表于 24-6-2025 20:30:45 来自手机 | 显示全部楼层
加油師兄,唔好賭喇,我都同自己講,唔好再賭,浪費自己青春,時間,我都諗住順供算,係好難捱,而且仲要屋企個女人陪你捱,我都覺得好對唔住佢
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 9-11-2026 22:51 , Processed in 0.030318 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表