HSBC idrp 請教

Kl264094

打算揾hsbc做idrp

Hsbc 私貸 388000 60期供左10期 息連本406xxx
Hsbc 卡 120000 一半現金透支一半分期 月月清再撳
Hsbc 百分百 40000 供左一半 72期
Aeon 私貸 10000 12期供左一期
Aeon 卡分期 5000 24期供左一期
Ua 循環 70000 還min pay

Te財馬仔 20000 12期 供左一期

月入30000 每月供太約24000
總數大約70萬
個人每月開支17000
(保險3000，租6800，車場租1300，入油1500，食飯生活4000)

有諗過做結餘轉戶，但T U差應該唔批就算批都會貴息，做到都根本過唔到生活，架車唔值錢，保險就算cut咗都冇幾多錢可以拎返，反而做idrp仲可能可以保得住份保險同埋架車用

手頭上有筆錢，不過會經過銀行戶口還返比親戚朋友30萬，因為唔可以再拖，一定要還俾佢哋先，已經家破就快人亡，唉

想請問甘既情況去做idrp會唔會有問題
1.爬過文知道要交半年嘅戶口記錄，到時會唔會比銀行話我有大數出入但係冇拎去還錢話我轉移資產？
2.車嗰度會唔會要求我賣左佢？
3.心目中想做到分72期，每個月還一萬蚊左右有冇可能？

打算還晒啲錢俾親戚朋友就會去處理，因為實在入不敷支連租都交唔到，就算再壓縮開支都要35000先活到，而家只係用信用卡啲錢嚟頂住，需唔需要還完錢俾親戚朋友之後過多兩三個月冷河先再打電話去做？麻煩大家俾吓意見。

Kl264094

睇到自己啲銀行出入數紀錄真係頭到爆，係咪真係會好嚴格？每一條都要解釋得好清楚？

Kl264094

銀行會唔會睇完我d數覺得我仲還得到逼我做返結餘轉戶？定係我應該問咗結餘轉戶先？等佢唔批先再去問idrp

Yuyuyuu

1. 會問會睇你係咪真係有drp既需要，但轉移資產係破產先會有，idrp無呢樣野。2. 唔會。3. 欠債70萬想分72期每月一萬？咁銀行賺咩錢，總之你預年息5-10%里，想分幾多年自己決定，你自己計下每月還幾多

binolam123

1）其實有啲尷尬，因為會根據你財政分析你係咪需要DRP或者IDRP，因為申請時職員會先講你同屋企人借唔借到，
我果陣答借唔到，銀行都係得返唔多，佢睇完先幫我轉去債務部，資產轉移IDRP同DRP都唔會理，
其實有一筆300K係手其實係一件好危險既事，我試過，如果真係決定左要申請就要還左先最多留返幾皮係手遲下還，
如果唔係釀成大錯就更加頭痛，我明白300k係手的確有好多安全感但係過多幾日就會開始有歪念

2-3）車果到IDRP或DRP無權要求你賣咗去，但你有樓有車有租都要申報係申請時，呢啲都係要去分析你還款期既長短同埋債權人投票時既決定
既然同學仔話架車唔值錢，不如順手賣咗去，呢個好睇你點諗，我個人睇法，
我見同學仔開支一個月約17K，即使做到一個月1萬，我估要8-10年，開支1萬7，佔咗你人工9成，當然未計加人工等等
真心唔應該考慮銀行會唔會迫你賣車，係你要考慮應唔應該賣車，純粹個人睇法

binolam123

詳細啲分析你主要開支方面
保險：果到唔知係儲蓄人壽保/醫療保，如果之前有儲落唔知係呢段非常時期退保可唔可以拎返啲啲
租： 好睇個人
油費泊車位牛肉乾（車）牌費保險未計：如上
基本開支(交通食飯）：最基本不能避免 ，未計出街娛樂

如果開支17K ,俾你做到還款10K,共27K剩餘3K，真係好睇你要咩

binolam123

結餘轉戶，我臨最尾成日做，有時做到拎到幾萬出黎，但去到最後都已經唔批我，我兩筆大貓p loan，一筆220k 一筆100k，兩筆都係咁做，當然其他銀都有套現，跟住數冚數，其實可以多方面去諗但即使做左結額轉戶都係好快又會跑山，不如靜一靜諗一諗，點先可以改變到你現況，我做果陣都諗左好多野爭扎左一段時間

timmoz

老老豆豆有300k就唔好經銀行過數，批數個個會質疑你有錢唔還仲搞idrp，另外留條後路真係老破唔好俾人捉到轉移資產。TE數唔會做到，最多攬到ua,aeon。唔好再申請結餘轉戶，tu再差，全部銀行財仔call loan 就死硬一定入學。過數唔係俾自己，俾其他人或者公司，金額大個個月有，實問你。解釋唔到當你隱瞞未必信你，批既機會就細。

timmoz

Kl264094 發表於 17-2-2025 14:05
銀行會唔會睇完我d數覺得我仲還得到逼我做返結餘轉戶？定係我應該問咗結餘轉戶先？等佢唔批先再去問idrp ...

直接行idrp申請啦，咪浪費時間，批得都要1，2個月

Kl264094

timmoz 發表於 17-2-2025 22:52
老老豆豆有300k就唔好經銀行過數，批數個個會質疑你有錢唔還仲搞idrp，另外留條後路真係老破唔好俾人捉到轉 ...

多謝回復，300k避免唔到經銀行過數，因為本身係屋企人用我名買嘅投資錢，入返落我戶口都一定要跟支票，所以先諗到俾返佢哋之後過一段冷河先再去做idrp

Kl264094

binolam123 發表於 17-2-2025 22:27
詳細啲分析你主要開支方面
保險：果到唔知係儲蓄人壽保/醫療保，如果之前有儲落唔知係呢段非常時期退保可唔 ...

多謝回復，保險同車我都明白係好應該取消咗佢，但而家呢一刻我考慮嘅唔係自己，車當初都係為咗方便屋企人先買，錢都唔係我出，或者考慮吓轉去屋企人名，如果取消咗先做idrp，我就唔可以報到咁大嘅支出，我怕會令到個
成功機會更加低，所以諗住做到idrp之後先取消，令到每個月剩低嘅錢更加多可以俾返屋企人

Kl264094

一諗到無左車會影響到身邊人生活，心情真係唔知點形容，唉，希望做idrp個陣同佢哋講因為工作同埋屋企人需要，所以先想keep住部車，佢哋唔會為難我啦

Kl264094

binolam123 發表於 17-2-2025 22:45
結餘轉戶，我臨最尾成日做，有時做到拎到幾萬出黎，但去到最後都已經唔批我，我兩筆大貓p loan，一筆220k  ...

多謝回覆，睇過你個post你話申請緊個陣都遇到唔少困難，可唔可以分享吓？我都好怕我啲數好亂，又大又多，俾人問到唔知點答。都諗緊死頂多半年整靚個月結單先去做。我個case會唔會因為HSBC已經係九成嘅債權人，所以佢唔肯幫我做idrp淨係做啲drp？如果係咁我剩返個UA循環又係無止境咁樣唔知點還

binolam123

你9成都係大貓，仲有1成係UX，覺得唔會因為佔9成而唔做idrp，同埋UX 70k都唔算少，你打去時佢會推薦你做咩計劃，當時我就直接講我要做idrp

binolam123

本身我申請時佢開頭要求既文件我都有交，但係後續既文件就開始有啲複雜，一開始要求我交銀行信用卡出入數，三個月出糧記錄，稅表，TU評級等等，之後後續就要求要cut馬會既證明（我講我cut咗），mpf證明，出入數入數解釋信三個月我啲數亂到7彩，每一筆唔理大定細都要一一解釋同埋我出糧有筆津貼算係飯津係分開出，但又無注明，我講過幾次係飯津，職員都係唔信我-.- 有啲似係差館比人質問緊，質問到有啲想放棄不如入學仲好，但果刻都係要緊記係自己衰無計職員都係想幫你搞清楚成件事點去解話，

Kl264094

姐係淨係要3個用月結單？甘樣我頂3個月先去做可能好d，如果要解釋返半年真係命都無

timmoz

binolam123 發表於 18-2-2025 20:49
本身我申請時佢開頭要求既文件我都有交，但係後續既文件就開始有啲複雜，一開始要求我交銀行信用卡出入數， ...

人地唔係老奉批你，緊張係正常，一搞破還唔起人地批數要負責架。有咩小野唔問清楚隨時可以影響供款能力。你話取消左狗會咪拎證明俾佢，宜家係跪低求人，無計啦…人地要對好多資料先敢做，風險問題。

timmoz

Kl264094 發表於 18-2-2025 21:14
姐係淨係要3個用月結單？甘樣我頂3個月先去做可能好d，如果要解釋返半年真係命都無 ...

正常要，申請基本要3個月入息，債務證明，有必須就會叫你再提供。你可以唔交，佢就唔做你咁解。試過俾朋友成皮，佢都懷疑係電話數，點會定期過數。解釋到全祼咁先肯做。

binolam123

timmoz 發表於 18-2-2025 21:27
人地唔係老奉批你，緊張係正常，一搞破還唔起人地批數要負責架。有咩小野唔問清楚隨時可以影響供款能力。 ...

係真係要解釋到全裸先肯做，我記得有次我解釋唔通要重新再解釋，解釋到滿意先可以，
咁其實我去之前都有爬過好多文，上去緊記一定要誠懇，
職員既要求我都盡量即時一日內交齊文件

Kl264094

車已賣，而家開始自己準備文件，希望遲下去搞既時候唔好出現問題，而家最擔心嘅係三個月乾淨嘅月結單唔夠做