大膽總結，成個版嘅問題其實都係得呢三類。

cftong

第一類，關於條例方面。其實都好清楚，爬下文一定明晒。明白個破產概念根本唔會有太多問題。社工、律師、法官意見，基本上都係一致。

第二類，關於受托人做法類，呢類貼文係最多，因為唔同受托人都有唔同做法，例如外判同主任已經天淵之別。外判涉及利益關係，令到大家都好焦慮同好混亂。特別係好多受托人嘅做法同條例所講嘅唔同。破產明明有例可跟，但係都搞到咁多爭議，就係因為外判。

第三類，法庭案例類。呢類條文最少，但亦都最重要。就係當外判受托人嘅做法其實唔恰當，破產人投訴時，最後法庭會點判。無論係上繳、出入境、所謂合作定不合作，最終都會指向延長破產期。而呢一項申請受托人係需要向法庭提出。到底最後有幾多人面對呢個問題？上到庭又點樣？呢類貼文係最少。

其實如果有多啲第三類嘅貼文，大家就會知道自己應該點樣做，而避免掉進陷阱。只要自己符合條例，破產焦慮就可以大大減少。
爬文太多，屎窟痕做吓總結啫。希望新手分清楚呢三類，就唔會好似我當初咁焦慮同混亂。

Yuyuyuu

第三類其實上網可以搵到，只不過好花時間無人想做。破處網站有列明晒每條法例既控告宗數，而法庭判決亦有晒紀錄，不過外行人邊度識搵。

金龍華

各人個案不同，根本無得比較，準時上繳，外判就煩你少啲

cftong

Yuyuyuu 發表於 27-1-2025 18:28
第三類其實上網可以搵到，只不過好花時間無人想做。破處網站有列明晒每條法例既控告宗數，而法庭判決亦有晒 ...

係，如果睇真啲其實單單都幾大鑊，多數涉及刑事成份。
但如果一般上訴生活費、延長破產期等等好似唔多見。應該話，破產人反過來向法庭投訴受托人的案例係搵唔到。