填年報其中一個問題（關於花紅分期還）

lastgame

23年12月中頒令
3月有花紅但洗晒
4月傾生活費，傾咗一個數分48期還返晒花紅
咁問題黎喇
填年報嘅時候連收入係包括花紅
但支出方面係分48個月還，咁盈餘一定會有多好多
正確應該點填？

lastgame

推一下

lastgame

推一下

Anmi2019

份花紅有幾多？

lastgame

2萬 分48個月還 即係每個月還多幾百蚊 但係未夠48個月都未會還得晒條數 收入嗰度就要照填2萬 咁咪唔夾數？

Anmi2019

lastgame 發表於 7-1-2025 10:13
2萬 分48個月還 即係每個月還多幾百蚊 但係未夠48個月都未會還得晒條數 收入嗰度就要照填2萬 咁咪唔夾數？ ...

當你每月收入2萬，每月要上繳5千，分期果度每次416.7，由5月開始畀。

年報收入~260,000(2萬x12+2萬花紅)
支出: 對破產產業作出供款~43,333.6
(5千x8 + 416.7x8)5月至12月得8個月。

因2萬花紅只供/畀噃3千幾，仲有餘數16666.4，就要喺最底#其他支出請註明嘅下面，寫d項目(整牙/屋企漏水裝修/買新洗衣機……)化咗依1萬6千幾。咁a-b盈餘就會=0。

到第2，3份年報時416.7×12=5,000.4，但要喺無單據嘅項目(膳食，交通，個人雜費，家庭雜費)平均寫少d去食咗依5千零蚊。

但到第4年時要留意，因第1年只畀咗8期，想依時畢業，就要喺畢業前畀哂16期，無單據嘅項目就要再寫少d。

可能有d複雜，慢慢消化吓先，唔明再問。

lastgame

唔該晒 Anmi 我睇得明 其實都係睇吓點樣砌得掂份報表 令到個盈餘係0  比較好嘅外判會唔會好細心咁逐樣逐樣拆返開出黎

Anmi2019

lastgame 發表於 7-1-2025 22:07
唔該晒 Anmi 我睇得明 其實都係睇吓點樣砌得掂份報表 令到個盈餘係0  比較好嘅外判會唔會好細心咁逐樣逐樣 ...

外判佢哋最留意都係你每月有無依時上繳足，而年報支出，你唔好報到超過佢批嘅生活費太多/太誇張，佢哋都唔會點理你，最驚佢要你拎支出單據去証明果2萬花紅用咗去邊啫。不過如果佢真係問題，咪扮傻話過年前用咗去邊去邊，唔知要留單，之後會留噃囉。

扣底犯眾憎

當時跟李周，情況一樣，呢條數唔洗寫報表，因為係你欠佢，每個月要係生活費硬食上繳！反正你寫乜野都好，最後年報表係負數，你都要解釋呢筆錢既來源！

Jo883

Anmi2019 發表於 8-1-2025 01:59
外判佢哋最留意都係你每月有無依時上繳足，而年報支出，你唔好報到超過佢批嘅生活費太多/太誇張，佢哋都 ...

Anmi師姐, 我4月第1年交年報想請教一下
外判叫我家庭雜項，支出全部要比單
供養父母個額，佢放左去膳食
咁我交年報時係咪要跟返咁寫？

會見當時分表佢改來改去，每項個實際金額好混亂（記不清，只有大約）
年報我交單時，家庭雜項如果多於批出金額，係咪要解釋，是否可以話膳食d$去左雜項的

另請問生活費是否每年要再審核

謝謝

Anmi2019

Jo883 發表於 10-1-2025 09:53
Anmi師姐, 我4月第1年交年報想請教一下
外判叫我家庭雜項，支出全部要比單
供養父母個額，佢放左去膳食

1. 支出要畀單據係正常喎。
2. 受託人將供養父母條數加咗去膳食度，填年報時就無咗供養父母依項。
3. 每項個實際數唔記得就大概寫，比受託人批個數有多少相差都唔係大問題，最緊要填到總支出+上繳數最好=或多過總收入。若果多過總收入，就要寫有親友資助。
4. 正常情況吓生活費同上繳數批咗幾多就幾多，唔會每年再審批。除非你收入增加或減少咗，經書面通知受託人，生活費同上繳數先有機會變動。