破產問題

Ef610

我堂弟弟55歲，之前在地盤工作2023年1月工傷，腰部受傷，一直拎緊傷殘津貼，由於冇工作及收入，同年四月及五月，提取儲蓄保險，及宣誓因為傷殘，不會再工作，提早拎埋份老強。兩筆數加埋都有50萬。宜家果50萬差不多用哂。準備申請綜援。
佢25年前，欠左2間銀行25萬卡數，條數仲未還清。之後著草，成日搬屋避債，近十年都冇銀行再追過佢卡數。最近去社署申請綜援。主任話，如果有欠債紀錄未還，一定要申請破產，有紀錄才可以辦理申請綜援。

想問 大家意見
1 如果舉手入學，見破產主任時，要交幾多年銀行戶口紀錄？強積金，儲蓄保險2023年4月己cut 哂 。問左三姓 6C  職員話老強，保險提取超過一年，不用申報，真的嗎？

2 銀行咭數，如果過左十年都冇追數，是否代表已經撇帳？

timmoz

1. 睇主任要求，通常最近3個月，保險老強唔使報，正常做法。2，撇帳唔代表唔追，都係要處理，正路就破埋

Anmi2019

保險老強唔駛申報，但要搵定退款記錄去證明幾時退同退咗幾多錢(可以睇吓銀行月結單/問噃受託公司拎)。入學後受託人可能要佢寫噃張書面聲明，解釋畢錢用咗去邊，通常寫用咗為幾時至幾時嘅生活費，千祈唔好講話還咗畀人，會要對方嘔噃出嚟。

Ef610

Anmi2019 發表於 11-12-2024 18:57
保險老強唔駛申報，但要搵定退款記錄去證明幾時退同退咗幾多錢(可以睇吓銀行月結單/問噃受託公司拎)。入學 ...

多謝解答，另外想問 外判或破產主任 會否要求提供該筆 早前提取的保險, MPF 款項之用途，50萬 19個月就洗哂。例如要消費單據，因為佢好爛賭，佢話受傷出事之後，賭波輸左8萬左右，照直同破產主任講，有冇問題？日常生活支出，之前都冇留單據。唔知D主任或外判會否接納？

Anmi2019

Ef610 發表於 11-12-2024 22:10
多謝解答，另外想問 外判或破產主任 會否要求提供該筆 早前提取的保險, MPF 款項之用途，50萬 19個月就洗 ...

支出單據搵到就搵，到時受託人要提供先畀。租單依d實有啦，屋企之前有無大裝修過？買過新家電新傢伙？依d平極夾埋都要用十幾廿萬掛。其實佢有無輸咁少，夾唔哂條數都要照講賭咗。

Ef610

多謝分享資訊。得2個高人 留言 多謝哂