只有同路人先會明白呢種無奈和心酸

MoneyZero · 发表于 22-10-2024 09:07:20

真係好需要搵個樹窿如果唔係真係谷到跳樓都唔掂。。。

先前都提過生意失敗損手爛腳、陷入數冚數之路就一直都出現財困問題。
經歷過由山頂跌到落谷底嘅滋味，老老實實；見盡人性嘅現實及醜陋都閒事，昔日女友逐一遠離、呢個艱難嘅日子究竟要點先捱到過去為重。

父母年老亦幫無可幫，昔日所講老友兄弟亦都幫盡（最近陸續開始有幾個兄弟仲問我幾時有得還-數目唔多、都無三幾萬但真心有我都唔想爭住，而以我所知佢哋亦唔係等錢用）、欠債還錢天公地道但系艱難到咁嘅時候仲要比老友追真心難受。

老婆一直都算體諒但埋怨說話都唔小，好似自己嘅運滯、連累到家人由以往住人家眼中過千尺的豪宅區屋苑，因為避債加負擔唔起之下跌到落一家幾口搬落300尺唔夠嘅單位，每日仲要為兩餐同租金煩惱。
岩岩個月交完租清哂袋，爭啲飯都無錢開，屋企人朋友都借盡；無諗過咁艱難嘅時候、以往幫過我手嘅司機竟然雪中送炭二話不說拎左兩千蚊比我渡過難關，果刻真係人生入面第一次感動到落淚。

有時的確諗過一走之了但上有兩老下有兩個小朋友，走/死都解決唔到仲為佢地帶來更多煩惱同傷害。
我知咁諗好傻但如果賣腎值錢我都真心想割出黎賣左去應付左呢個難關和抵債。

每一日瞓醒就要諗究竟點樣先捱得過、開支大已盡慳但真心，靠老婆一份人工加自己現金糧咁頂，真係頂唔得幾耐。
仲要受到朋輩間嘅閒言閒語同追債壓力，真心好難捱。。。

個心好煩 · 发表于 22-10-2024 09:51:15

船到橋頭自然直，馬死落地行！我都捱左幾年，以前風光由得佢，已經過去無謂再回首！我以前做一份工9小時到現在做3份工做16小時都糸咁過！

lkhhb · 发表于 22-10-2024 10:10:30

或者咁講，除非諗住跳，如果唔係你而家只可以諗下點解決生活問題，你負債都已經係走數唔還，即係你而家都唔駛跑山，只係同一個失業既人冇錢開飯差唔多，你有現金糧返緊，你老婆都有打工，唔夠生活咪搵過份或者返多份，以前住豪宅到而家要打工係難受架喇，但情況係咪真係咁差? 只係自己唔想接受現實，不過你都知自己唔跳得，咁就現實D諗下點搵錢俾D仔女生活啦

外圍撚 · 发表于 22-10-2024 11:16:52

試下日頭一份夜晚一份兩份加埋小則都有三萬中，加埋你老婆果份應該都夠生活掛？以前住豪宅養番狗就唔好諗啦，馬死落地行。加油啦兄弟我之前都有架屋住緊比銀行收埋都係咁過

a981142 · 发表于 22-10-2024 11:34:39

本帖最後由 a981142 於 22-10-2024 11:36 編輯

其實無人係無條件,都要睇下你比唔比到價值佢
你一個人生意失敗,連累左屋企人,怨幾句都唔比?
仲有朋友,借果時咁疏爽比你,追你還又話令你難受?
無論佢地等唔等錢洗,你欠佢地係事實,佢地有權追返自己既野
你無謂咁多思想鬥爭,你決定得走數,就接受自己係一個仆街
講到自己幾後悔幾想還,事實都係還唔到,有咩分別呢
人地只會覺得你車大砲,唔洗理佢地啦放低面子,呢d野唔會實際影響到你
任何影響你情緒既人就遠離,日後只專心照顧好家人就夠

aliceee · 发表于 22-10-2024 12:14:10

我明你感受

Yuyuyuu · 发表于 22-10-2024 16:37:05

其實人地幫係人情，唔幫係道理。人地唔肯借又俾你話，借完叫你還錢又俾你話。俾我有呢啲朋友都唔想借啦，好似奉旨要借俾你咁。講真咁大個人點都要為自己既失敗負責，而唔係怨天怨地，再努力啲返工搵錢啦，加油！

外圍撚 · 发表于 22-10-2024 16:45:20

Yuyuyuu 發表於 22-10-2024 16:37
其實人地幫係人情，唔幫係道理。人地唔肯借又俾你話，借完叫你還錢又俾你話。俾我有呢啲朋友都唔想借啦，好 ...

有老友借比你咪開心，肯借三萬已經好多，我落難問個老友借3000 頂一個月飯錢已經已讀不回

最後生還者 · 发表于 22-10-2024 17:09:11

外圍撚發表於 22-10-2024 16:45
有老友借比你咪開心，肯借三萬已經好多，我落難問個老友借3000 頂一個月飯錢已經已讀不回 ...

我借$2000已經冇friend做

最後生還者 · 发表于 22-10-2024 17:11:45

樓主係破緊產定還緊債？

外圍撚 · 发表于 22-10-2024 18:06:38

最後生還者發表於 22-10-2024 17:11
樓主係破緊產定還緊債？

好似走緊數

MoneyZero · 发表于 22-10-2024 18:14:37

咁多位師兄師姐多謝你地嘅留言/鼓勵。

MoneyZero · 发表于 22-10-2024 18:18:17

其實問心一徬徨果下真係好易諗埋一邊所以聽到你哋客觀嘅意見同分析好緊要今朝一起身真心down 到嘔覺得日子好難捱避債/開支/再要諗點樣喺咁嘅情況下還債比朋友（唔想連僅有啲人脈/朋友信任都無埋）呢啲亦都唔敢對住老婆講/呻所以我真心要的起心肝搵多份工又好點都好最基本照顧好家庭唔好再煩到人打擾到人還錢比朋友就必定要但真係要時間同有足夠收入去還先敢諗

Anmi2019 · 发表于 22-10-2024 18:34:04

MoneyZero 發表於 22-10-2024 18:18
其實問心一徬徨果下真係好易諗埋一邊所以聽到你哋客觀嘅意見同分析好緊要今朝一起身真心down 到嘔覺得 ...

咁你搵到多份工時再計吓數，畀d誠意試吓同朋友簽噃d欠債，寫清楚每月/幾時還幾多錢，等佢哋知你都係有心去還，唔係得個講字

MoneyZero · 发表于 22-10-2024 18:48:56

其實真心我係有心還有啲朋友我都還左一半到最近真係唔係好夠用而停左其實難受嘅感覺係追唔係問題而係呢刻我真係冇能力去還嘅時候俾人咁樣追壓力大到唔識講合埋眼都瞓唔著

a981142 · 发表于 25-10-2024 17:21:32

MoneyZero 發表於 22-10-2024 18:48
其實真心我係有心還有啲朋友我都還左一半到最近真係唔係好夠用而停左其實難受嘅感覺係追唔係問題而係呢 ...

佢地體諒你就得啦,唔好諗咁多啦

		自动登录	找回密码
密码			註冊