破產經歷

Alexpang

已經破產2年半.

我見好多人都有好多問題，無論未破嘅師兄定係已經破產，我想講 其實破產一啲都唔可怕，可能係觀念問題，上一輩人話破產係冇面，好失禮，其實起好多國家，破產只係好小嘅事，只要你利用依四年，好好去反省一下自己，唔好再比自己錯，儲下錢，好快過。

我自己未破產前已經同身邊朋友，同事講我準備破產，破產後 有人問 我都會講話自己破產，全部都係以歡樂嘅氣氛講，一開始破產時，好似有朋友叫我請食飯，我都會叫句：Diu 破L左產，冇錢，大部分同事/朋友都會問原因，我都照講，講講下 其實冇乜嘢大不了，依家兩年半，大家都習慣曬，大家都好幫我，唔會話睇唔起我，反而都好照顧我，但我想講，破唔破產 同我以前生活真係冇乜分別，分別在 唔需要跑山。

好啦，講返大家都想知嘅程序。

我欠債大約300萬，過度消費同賭債，我係自己申請破產，破產費用$12500（包曬所有嘢，幫你聯絡全部一線、二線，申請破產所有要填嘅資料+26頁啊，亦都包埋4年報表）冇額外收費，但要自己上庭，而上庭只係需要請 半日假，輕鬆搞掂，亦都有人帶住你上庭。

如果有師兄係冇錢，想自己破產，唔識填表，我都可以一步步教你地，如果你地需要，其實破處有份template,跟住填其實好簡單，可以去睇下，我都有影底，需要話我知。

破產前 填好
-28C
-表格3
-錢：破產署及高等法院登記費用 好似8000加登記費1000幾
-身份證
-中英文地址
-儲蓄/綜合銀行 月結單 最近一個月
-財務或銀行欠款金額（可以用環聯免費一年一次個份文件）
-強積金/公積金（可以上網down落黎）
如有: 保險單/人壽保險：公司名，保單編號及有沒有現金價值;
如有: 保險箱必需在申請後取消有關服務;馬會戶口 取消
如有: 公司董事請帶備BR及CR, NAR1 週年申報表
*以上有啲文件係for你填表，唔需要交去入紙*


入紙當日：就可以Fax你份暫時破產令去全部銀行，所有銀行收到後已經冇再聯絡我，欠債戶口全部都開始取消左，生活終於開始平靜，一個電話都冇。

然後等上庭，大約1.5個月
依段時間會收到一份由破產比你嘅信，信入面內容會係你上庭時間、然後交文件嘅地方。

上庭前一個星期可以上網check 你邊個主任跟你，然後send email 比距，約距上庭當日拎開戶信。

我建議直接開一個新戶口，破產前計好時間，去取消曬所有戶口，因為你唔取消，比人凍結左，你係取消唔到！公司出左糧比你，你又拎唔到，太多人遇到咁嘅問題。

我就開創新銀行，有提款卡，網上理財（因為我係每個月set左自動轉帳繳租）
*好多銀行都係需要預約開戶*

ww.oro.gov.hk/cht/about_us/contact_us/contact_case_officers.php


到上庭當日，半日時間就可以搞掂，然後去拎開戶信，打電話比你要交文件嘅地方，然後約時間。

大家最關心嘅生活費問題，我都係好慶幸入左一個Tg group，如果唔係入左依個group 大家分享下經驗，教我點樣去傾生活費，我都真係戇居居，以為30%就好滿足，因為破產前 每個月都要還成份糧仲要唔夠，所以覺得30%已經好滿足，原來唔係，人就係咁自私，唔好講咩道德，欠錢就要還，身處起香港依個國際金融中心，借錢仲容易過去排隊睇醫生，所以，金融機構都唔係冇責任，我知我依啲諗法係唔啱，但唔好意思事實如此。


好啦，關於生活費啦。
大家唔洗咁擔心，其實好多野都可以去爭取。
可以要求主任提供邊間銀行向你發出收入付款令（即係上繳），從而你自己再諗諗上繳額。
太多就唔講啦。有需要再私自問下

但都要睇你實際情況。每個人情況都唔同。
咁講下我啦：
單身 供養父母 冇兄弟姐妹 自住
人工$37500 有時有OT 千幾
上繳係 9.1%
外判 永X/X聯

依兩年半，每個月唔賭，其實啲錢真係好好用，仲儲到錢。

我打依段野，希望真係幫到你地，四年好快過，唔好比咁多壓力自己，唔好諗埋啲會唔會比人告，生活費如何，其實…依啲未知數諗黎都冇用，諗太多只會害左自己，有啲人甚至諗住死，但我想講，死都唔怕？破產有咩好怕？

總結一句…..破產後生活真係好L正。
多謝大家

外圍撚

唔再賭真係好好洗，之前破左仲繼續賭  有時每個月噴幾千至萬幾。 由上個月開始決定戒賭 直接鎖起兩雞野係個豬仔錢罌。 仲有3個月儲 諗住起碼儲到5雞野準備新年帶個仔去日本玩

Alexpang

外圍撚 發表於 7-10-2024 23:51
唔再賭真係好好洗，之前破左仲繼續 每個月噴幾千至萬幾。

係啊 兩年幾都去左幾次旅行

外圍撚

Alexpang 發表於 7-10-2024 23:52
係啊 兩年幾都去左幾次旅行

我新年都準備去了。 賭真係要戒

Alexpang

外圍撚 發表於 7-10-2024 23:55
我新年都準備去了。 賭真係要戒

加油！四年好快過

mqw2

師兄可唔可以加我TG:qkkpXXX
因為人工差唔多5萬,非常徬徨,想詳細請教點先可以拎到最盡生活費
感激不盡力!!

Alexpang

mqw2 發表於 8-10-2024 01:26
師兄可唔可以加我TG:qkkpXXX
因為人工差唔多5萬,非常徬徨,想詳細請教點先可以拎到最盡生活費
感激不盡力!! ...

唔洗感激，出依個post都係想幫得就幫！
大家都係同路人，希望大家好

Hahaj

我都想入group

Hahaj

加我TG hahajXXX
301: 唔好打呢D

icandoit

我都想入group，請問點入？

Alexpang

我個ID+

Tong228

我都想入group tg:@ttpppong

KillerB

師兄 可以加我入TG嗎？ ????

Alexpang

KillerB 發表於 8-10-2024 10:55
師兄 可以加我入TG嗎？ ????

自己Add我 上面留言有我Id

a981142

你唔介意無面唔代表人地唔介意嘛,雖然表面無野點知內心點諗你?
3萬幾人工,點借到300萬? 近百倍喎
無二線?咁就唔怕破

Alexpang

a981142 發表於 8-10-2024 12:38
你唔介意無面唔代表人地唔介意嘛,雖然表面無野點知內心點諗你?
3萬幾人工,點借到300萬? 近百倍喎
無二線?咁 ...

你要諗埋人地內心，我都冇辦法。
一二線都有

神鵰俠侶

怎樣加入Tg group ？

最後生還者

咁樣幾正，$37500人工借到$300萬

Alexpang

最後生還者 發表於 8-10-2024 13:51
咁樣幾正，$37500人工借到$300萬

原本冇咁多，係破產欠幾個月
借到盡，然後走去破。
咁當然自己有留啲做生活費

abc2024

想問下人工13000，單身和母親兩個人住公屋，母親70歲有長期病患行動不方便要坐輪椅，屋企所有開支費用都是我比的，末約外判見面（黃嘉霖和黃嘉振）要等通知約時間見，生活費大約可有幾多？怎樣可以爭取到多些生活費？謝謝