3月開始走數到今日

Peter1982

真係無辦法
2月個陣幫公司交易輸咗400幾萬
老闆話由佢但係公司要交待
我依幾年總額都係幫公司賺
最後都係傾唔掂叫我自己離職
自己差緊幾張信用卡一共90萬
2條1線一共120萬
app貸個d 3間加埋15萬

原本人工8皮
我真係好大使洗好後悔無草過錢
2月畀公司炒咗到今日
根本無辦法搵唔到工
做緊trader一破產無公司會請
我唔可以破產
我唯一技能黎破產咗完全諗唔到自己可以做乜
死搵難搵都搵唔到工
中間忍唔住低頭返M記
仆街辛苦咗成個月一出糧畀銀行自動扣撚哂
當初完全估唔到佢會有呢一步
所以冇開新嘅銀行
勁灰人生未返過呢d工種
一個月做到狗咁得6800扣撚哂
之後真係頂唔順賣咗2隻錶拎咗50萬本
返深圳租左個2000蚊單位每日trader重新黎過

之前喺香港係自己租屋
明明嗰啲銀行全部都唔會有母親嘅資料
問題係香港母親住緊嘅公屋
依家日日有人寄信追我債
之後又打畀我母親搵我

我想問佢哋係用咩手法搵到我母親嘅電話同屋企？
母親話上月日日有人拍門打電話放信係門口
跟住影俾我睇係個d代理收數公司
其實我母親係咪唔洗理呢？
其實我嘅計劃係
係深圳搵返百幾萬返嚟一筆過填咗佢
因為我要有本金先可以搵到錢
如果我攞咗50萬還咗佢 之後又係要破
到時我真係乜都冇 唉

CEEPO

唔可以破產但請問開post意思用意？....如何？！...即係想人點答你呢？

CEEPO

之前係皇帝都無用，向現實低頭吧！現在你無錢還就預咗比人起底同追你九條街，重點係你現在冇能力還錢又唔破産，計劃我都有,下期六合彩中咗，我即刻仆到去解破同清數添！

CEEPO

同嘛職無分貴賤！做M記做掃街倒垃圾都係一份自食其力嘅工種！每日N咁多人都如常係呢行開工揾食，你自己能力應付唔到就係你個人問題！

CEEPO

贈你八個字:  逃避現實/唔抵可憐！

天意玩弄人心

又係賭仔心態，你有50萬 先清二線啦，追數實全部都係二線，再還信用卡min pay。再搵返份工 你之前果份8萬 咪搵返份5分trader. 如果咁都搵唔到，即係你能力有問題，竟然仲想拎50翻一翻，倒不如過澳門一鋪大細算

posti

  關於點解會搵到你老母屋企 有聽過一個法 銀行會翻查過往你由細到大所有出入帳 睇下有無轉過錢俾D咩人 或者咩人轉過錢俾你 然後抽絲剝繭 對下邊D人同你有比較親密關係 所以結算你唔報 銀行或其他放貸機構都會知 尤其係你欠咁多間 佢哋私底下會互通消息

nakamura

CEEPO 發表於 14-8-2024 04:22
同嘛職無分貴賤！做M記做掃街倒垃圾都係一份自食其力嘅工種！每日N咁多人都如常係呢行開工揾食，你自己能力 ...

點會揾唔到工？飲食樓面/便利店/保安/洗碗/送外賣根本大把野做

nakamura

posti 發表於 14-8-2024 09:53
關於點解會搵到你老母屋企 有聽過一個法 銀行會翻查過往你由細到大所有出入帳 睇下有無轉過錢俾D咩人 或 ...

樓主最終既下場都係離唔開繼續走數/老破

mirror0822

一早賣錶唔駛做m記咁辛苦得6800 唔係卦 兼職黎

a981142

而家都搵唔到工啦,破後無公司會請有咩所謂?
啦啦聲破左佢啦,唔係屋企人都好大壓力

whysodump

其實樓主app 數（我當二線）只有15萬，可以傾吓分期還住先，其他一線或卡數其實好易同佢哋傾還少啲！過來人分享，我欠揸兜18萬卡數，佢知我舉手，主動打俾我叫我一筆過還8萬，我話唔夠錢，就算夠8萬還比你，其他都唔夠還結果都係一樣…..所以冇理佢…..如果樓主做trader, 老破就預咗冇得再做老本行,係唔抵嘅！而且你欠嘅數又唔係天文數字，我建議樓主唔好破！睇吓身邊有冇朋友或親戚可以幫到你

caveman10

依加你無野撈 揾唔揾到另一份trader先 你諗得掂就唔洗做老麥啦 香港地都唔知咩料 過完年好似死直咁
我都係3月開始走數 我做生意 有幾層物業 曾經都有幾千萬閒錢 依加咪面對現實撈地盤 洗現金 仲比人告緊添 日子總係要過既
衰左就認命啦 人生最刺激既地方係衰左無得返轉頭比你再簡過  一個結束又係一個新開始 只能重新開始過囉

anyman00

樓主嘅情況冇得揀啦，都要破喇！我爭幾十萬冇你咁多都破，我本身都係做金融 Dealing 部門，冇你咁搵錢架，破咗又係冇咩機會做返，搵緊相關唔使牌職位又冇咩公司吼。咁咪咩文職位都apply囉！事到臨頭都要面對 Life must go on!! 加油大家！

最後生還者

走得數走返唔到轉頭

caveman10

最後生還者 發表於 15-8-2024 00:48
走得數走返唔到轉頭

走得數 真係返唔到轉頭架
又利息 又違約金 又收數手續費
除非有本事攪一大舊錢全部全數清 否則只有破產先可以重生
依加香港地咁既環境 一堆做生意 返緊政府工 同埋幾年前上會供樓既人都等破產啦  真係非戰之罪
我識好多炒樓炒股 做生意既大哥 十幾廿年未落手做過野
叻既就收埋舊錢躺平等被破產 走唔切既蝕晒啲錢 依加真係做鬼都唔靈 做老麥都可能比人炒;P
你做老麥 都叫識馬死落地行
放低自己既身段 破產咪破產囉 明天會更好 就睇你今天過唔過到咋

MoneyZero

其實真心想問 如果唔舉手 一直走數有咩後果？ 啲收數有無本事起到你底搵到你（如三轉都做埋），又當真係比人搵到、結局又會係點？

MoneyZero

因為我舉破之前有諗過走數 乜都唔理 因為都擔心破都唔係咁易/黎緊四年難行 但唔破對自己好似無咩人生安全保障又比啲公司利疊利咁咪好襟計 所以最後都係要舉手 （純粹想問咁走數 拖足幾個月先再去舉 同即時舉又有冇分別？

caveman10

MoneyZero 發表於 18-8-2024 23:20
因為我舉破之前有諗過走數 乜都唔理 因為都擔心破都唔係咁易/黎緊四年難行 但唔破對自己好似無咩人生安全保 ...

唔舉都舉左啦 既來之 則安之  正式令落左未呀

nakamura

caveman10 發表於 15-8-2024 01:11
走得數 真係返唔到轉頭架
又利息 又違約金 又收數手續費
除非有本事攪一大舊錢全部全數清 否則只有破產 ...

樓主做老麥連一個月都捱唔到有鬼用咩