|
|
由12月15日申破
到聽日1月23日,終於都要上庭了
呢個幾月以黎,個心一直都懸空住放唔低
一方面又驚D收數公司同銀行寄信黎
另一方面又好希望快D可以有個定案
然後黎緊學好理財, 重新做人
呢段時間, 亦都有上黎參考各位過來人分享申破心得
有D嘢想請教一下大家
請問:
1)係咪上庭後, 一有破產令,我嘅銀行戶口就會自動被凍結或停用? (我冇爭該銀行錢,幾年錢申請過萬應錢, 但已準時還清)如果凍結左, 我戶口入面D錢係咪會被全數充公,以後冇得攞返?
2)黎緊我係咪事無大小嘅支出同收入都要keep單?
3)生活費係咪頭一次傾完以後就冇得再改?
4)我知道破產後唔可以再為人壽保險供款, 咁我之前供開嘅人壽保險係咪就會自動被cut? 如果我屋企人繼續幫我供可以嗎?
5)有冇人真係可以4年成功瞞得住所有親戚朋友同認識嘅人, 唔俾佢地知道自己破產?如有, 請問可否分享一下心得
(我暫時只諗到咁多)
謝謝????????
|
|