|
|
发表于 11-5-2023 04:48:45
|
显示全部楼层
初步訊問表就等呈請完拎咗#no.之後先慢慢睇啦(等頒令最快都要等6個星期架), 你依家要盡快搵齊現有債主名, 地址, 相關ac no. (最好寫清楚係卡數定係個人貸款數), 現時大約欠數(大約得喇, 頒令後受託人會出信同佢哋對數)同現時仲擁有大約幾多資產(車/樓/保險......), 個人每月收入同幾多支出, 全部填大約數得喇.
到拎到#no.後, 如發現填漏債主/資產/銀行戶口...... 就係#26頁(對破產人的初步訊問)填噃. 生活上實際開支, 可以之後再喺#每月收入及開支評估表格填噃清楚.
雖然你D數可能由15年帶到依家, 但受託人多數都係問噃近一年半載嘅借貸用咗去邊, 除非之前(5年內)有過億過萬借貸/交易. 呈請完記得第一時間保留所有銀行(存款同信用卡戶口)近半年至1年嘅月結單(交易記錄), 入紙通知佢哋申破後, 戶口可能會被凍結/取消咗, 到時要解話可以用月結單交易記錄去做証明. |
|