找回密码
 註冊
查看: 2890|回复: 19

《情緒爆煲》剛返新工,李周打黎講生活費同供款

[复制链接]
发表于 9-5-2023 18:46:15 来自手机 | 显示全部楼层 |阅读模式
剛過左第一年,第一年果時,失業再加憂鬱唔穩定,果陣阿媽暫時同我住睇住我同班我比生活費(包租金)

到左今年個市好少少,我終於搵到份穩定既文職工,搵17K,咁我上星期比左合約李周,今日就打黎講生活費⋯ 仲話我搵17K,咁就供返6000出黎+消費券600,即6600⋯

然後我話供咁多,租金都用左7000,咁3千點生活?
佢話我同阿媽住,就計我只比一半租;我米同佢講我果陣無工做,情緒又唔穩定(我會失控自殺),醫生要我有家人睇住,加上無錢無收入,先要叫媽黎照顧⋯ 咁依家情緒穩定左,又搵到份穩定工作,叫媽咪都返左自己屋到住無同我同住。

以上我都有同李周講,然後佢就話7000蚊租係無可能接受到⋯ 咁我米我已經係住落左,破產前就已經係住果到,加上出面租金都係咁上下,我自己負責返自己,阿媽都話左唔要我供養,我都無左供養果部分開支,全數顧及自己開支,如果要我供咁多我真係無可能供到⋯

李周計左計就話咁依家供住2000+600(消費券)=2600,我盡量同你向上面爭取,因為根本無可能你既情況只供到咁少,暫時你供住2600,由6月開始。 然後就收左我線⋯

我想問以咁既情況,我已無供養人,一個人住,一個人開支,暫供2600,佢會唔會過幾個月忽然要我加碼供多d? 或要我搬遷為供更多既款項?

其實真係樣樣都貴,供2600我都係剛好夠生活,我仲有醫療開支⋯ 因為無錢,我連個心臟檢查都一直未做比醫生催緊⋯

真係好擔心要我加碼供款,如果係咁,我要點應對去爭取唔好加碼?

比佢咁樣打黎講一講,嚇一嚇,我都心慌慌,訓唔好無胃口,手震震左兩日⋯

求各師兄師姐解答,感謝
发表于 9-5-2023 23:24:54 来自手机 | 显示全部楼层
你仲係講緊租7000 喎   其實情緒病係訓得唔好    出嚟住下唐樓   清靜一啲同埋成日行樓梯会幫助睡眠   思想方便   你要科學化去面對李周   你嘅客觀條件改變  佢哋仲会供6000嗎?因為佢哋的確你的收入支出冇變过    至於預留睇医生   其實不如爭取預留交稅仲实際
回复 支持 0 反对 1

使用道具 举报

发表于 9-5-2023 20:19:41 来自手机 | 显示全部楼层
可能見你後生所以要供多D    其實如果有情緒病最好搵萬四    反而可以供少D   心理上会平衡一啲
发表于 9-5-2023 20:43:36 来自手机 | 显示全部楼层
會唔會有醫生證明你係情緒好唔穩定,有嘅就俾埋佢
发表于 9-5-2023 20:45:00 来自手机 | 显示全部楼层
重點係生活費要合理,不是收入問題
发表于 9-5-2023 21:28:10 来自手机 | 显示全部楼层
其實低收入人士可以去浸信會審核後,有三日免費飯食   也可以煮飯同媽媽食    另外不妨用信仰     將生命交托上帝    好坦白李周的確冇需要擔心你有冇病   但聖靈卻会保護你
发表于 9-5-2023 21:41:17 来自手机 | 显示全部楼层
湯房都要5-6000,單身7k租算合理,消費券不是現金都要折現上繳真係講唔通……暫時傾左上繳2600就唔好諗之後會被加,李周再逼你一係大佢話唔做嘢申請綜援
发表于 9-5-2023 22:39:08 来自手机 | 显示全部楼层
$6000蚊李周係ok 架    问题係佢冇真係搬出嚟住
 楼主| 发表于 9-5-2023 22:47:23 来自手机 | 显示全部楼层
tony浸信會 發表於 9-5-2023 20:19
可能見你後生所以要供多D    其實如果有情緒病最好搵萬四    反而可以供少D   心理上会平衡一啲 ...

以我工作經驗,我搵17K已經係少左了,以前搵25k的⋯
我都想供少d,經濟無咁大壓力,但依家真係樣樣貴,早餐買個包都要10蚊個啦⋯ 以前6蚊個⋯

我又要次次比佢講野惡少少就凶到我,我就會焦慮症發作⋯ 唉⋯ 救命⋯
 楼主| 发表于 9-5-2023 22:51:57 来自手机 | 显示全部楼层
Beabetterone 發表於 9-5-2023 20:43
會唔會有醫生證明你係情緒好唔穩定,有嘅就俾埋佢

剛入學,第一次要親身上去見李周果陣,精神科醫生已經開左封信比我係for拎去見李周⋯
因為果時真係失業,上網都見到好多師兄話會比佢當面凶點解唔搵野做⋯ 我果陣真係搵唔到,自己都好大壓力,破左邊到仲有錢洗,我都一樣有生活壓力⋯ 然後破產呢件事對我打擊都好大,我情緒係好崩潰,仲有自殘問題⋯ 我個律師話佢真係迫到我爆左,搞到入院佢都好大件事,但事實係佢睇都唔睇封信都唔聽我講野,我係當堂比佢嚇到個人都震曬,個腦係空白既,佢叫我簽既野我都睇到成舊雲咁⋯⋯
 楼主| 发表于 9-5-2023 22:55:13 来自手机 | 显示全部楼层
dannyalex 發表於 9-5-2023 20:45
重點係生活費要合理,不是收入問題

我都有同佢講,我要比租、水電,所有開支自己比,我都已經無R大條數,食都以一餐40-50蚊咁計3餐*30日咁計,都係正常都市人返工既伙食費了⋯

佢就話我搵17K都算多,想要我供6千⋯ 我租都去左7千啦⋯ 其他野加埋都萬幾啦,佢只係想比1萬生活費比我炸⋯
发表于 9-5-2023 23:49:01 来自手机 | 显示全部楼层
另外見受托人之前要寫低好實質的金錢管理    靠把口講我食40蚊一歺好節省    其實人哋唔係要迫你慳   係实際你down load apps .  咁你早餐食咗37 影低相  午餐50  影低相   晚餐60 影低相    之後你唔可以比手機就要李周去睇   係你寫低be based on 你真係用咗 147蚊    其實受托人每一項都心中有个價   一般只可以用100蚊    但如果你功課做得好    佢只会話咁下次洗117 蚊好喇    这些係談判技巧
发表于 10-5-2023 00:30:42 来自手机 | 显示全部楼层
咁搞笑,飯錢一個月都要4500啦
发表于 10-5-2023 00:32:00 来自手机 | 显示全部楼层
佢再係咁逼你 你兇返佢不如拎綜援算
发表于 10-5-2023 03:20:29 来自手机 | 显示全部楼层
其實唔係「你覺得」$XXXX ; 係貫切執行过未呢? 依家得$11000 、點樣可以爭取例如$12800?  我當時李周覺得交通費公价$600   我竟然話我來回都係搭11蚊咋  所以只需要$330; 疫情時三張糧單都有時萬二蚊   有D月份搵$8000   於是李周話拉均每個月供800蚊  (有四個月人工太小、所以叫我嗰四個月唔好供添喎)
发表于 10-5-2023 03:34:28 来自手机 | 显示全部楼层
同佢講,睇我今個月駛淨幾多咪入比你哋囉,乞衣!
发表于 10-5-2023 03:34:29 来自手机 | 显示全部楼层
咁依家已經搵成$14300 所以供$1300 , 我打算爭取預留小小交稅      最搞笑係復常後老細賺多咗   上個月係都要比多兩千蚊人工      阿kill ,,小姐其實方法好简單   一早唔應該签$6000 千祈唔好以氣用事走去申請综緩    (事到如今、你反而可以考慮找一份&11000蚊嘅工作    你咪話情緒病比人炒咗囉!)  其實你只要fax 新公司糧單得一萬一千   根據支出大过收入原則   係fax 度寫暫停供款   原則上李周反而叫你停添    於是问你找回人工高工作未    到時再第二次傾生活费    搞成咁依家唯有咁做
发表于 10-5-2023 10:25:49 | 显示全部楼层
佢哋真係好難傾,我自己都有D擔心。我都係跟李周,未傾生活費。
发表于 10-5-2023 10:49:51 来自手机 | 显示全部楼层
每一個人都覺得自己係獨特case .受托人應該靈活一啲、但依家香港经济太多破產   受托人根本做到唔停手   所以只会简單分A B C D 歺   例如生活雜費其實个个都係 $880
 楼主| 发表于 10-5-2023 22:05:07 来自手机 | 显示全部楼层
zombie 發表於 9-5-2023 21:41
湯房都要5-6000,單身7k租算合理,消費券不是現金都要折現上繳真係講唔通……暫時傾左上繳2600就唔好諗之後 ...

為有係咁,我期期都有準時供,雖然金額細,未搵到穩定工作仲炒緊散果陣,果600蚊我都一樣有供的⋯

依家只希望佢唔洗我供更多就好⋯
我依家住緊呢黎一直都比緊7000租,業主無加價已經很好了⋯
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 20-11-2026 11:38 , Processed in 0.037564 second(s), 17 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表