過來人DRP（上當中介，但成功）

icman12 · 发表于 16-8-2021 18:02:22

首先。
月入16000左右。
欠債三間，獅子，恒X and 渣X總數35萬啦。

咁其實當初係無辦法下，上網查債務重組和破產。之後就上左間仲介，佢叫我假舉手，拖長一年，之後找佢條數，在申請DRP。一共七萬手續費。。。。

上述，明白的Ching應該都知道係邊間，專業XX重組協會。

之後我唔肯啦，又搵過第二間，直接開4萬。我就簽約啦。

重點！！！！！
我後面先發現，份約好眼熟，係第一次哥見專業XX協會的約，一毛一樣！

咁已經超級灰，已經打算申請唔成功就自殺。

最後都成功，咁宜家叫做成新做人，慢慢還緊，仲介條數都還緊，叫左買個教訓。

其實，銀行DRP係完全可以自己申請，只需要打去客服，話搵貸款部，一般都會接受申請。

主要其實幾點啦，大家參考。

第一，穩定工作。

銀行自動轉帳出糧。超過三個月或者過試用期，轉工都係OK的，我就係剛轉工過試用期後申請。

第二，負債倍數。

呢個好重要扣完MPF有幾多實際收入，除翻條債大數。基本40倍內，都比較容易成功，當然啦呢度都要配合翻第一。

第三，債主。

如果係銀行，基本都會盡量幫你DRP，因為都係哥句。銀行唔怕你攤長還，最怕你唔還。因為DRP都係有利息，佢都係賺錢。你舉手反而佢咩都無。

如果係財仔，一線你可以試一試，但基本成功率少三成，如果大部份係二三線，直接舉手唔好浪費時間。

第四，關於TU

明確話比大家聽，係會係環聯有記錄，係還款期間，同破產相同。唔一樣地方係，你DRP完，準時還錢，係可以填表取消個債務重組檔案，唔會似破產咁跟一世。

叫做有條重新嚟過機會啦。

第五，關於仲介。

呢度大家，請相信我，咩計畫書啊，幫你同銀行傾，全部搵笨。個計畫書我都有睇。。。根本垃圾，基本就係除翻份糧，每月打算還幾錢咁。

其實銀行，係會自己同你計過曬條數。自己申請就可以！自己搞就可以！

咁點解呢度要提仲介，其實只要本住死都唔簽野原則，新手或者有疑問。你係可以去仲介，比你D資料佢，佢會用個excel表出個plan比你，唔洗錢的，總會影比你，你可以免費有個大概資訊。

咁呢個免費諮詢，其實OK我覺得，至少可以睇曬自己借左幾多，利息幾多，還幾多等等。

記得，諮詢可以，死都唔好簽約！

咁基本，呢個係DRP，我自己經驗。

希望幫到大家。

希望人人都有機會重新嚟過。

dindin4003 · 发表于 9-4-2022 13:39:18

我而家就係咩都冇搞我見唔對路想取消但佢地要求我比取消費咁我緊係唔制啦佢跟住就話交比仔仔追

icman12 · 发表于 16-8-2021 18:03:19

補充，第二間，姐係宜家找緊數間野，無假舉手，直接行DRP。

icman12 · 发表于 16-8-2021 18:04:05

同埋律師樓，會計事務所，都唔需要！自己搞！記得係自己申請DRP！

苦虎 · 发表于 16-8-2021 18:09:42

師兄，我case同你一模一樣，又係去過XX重組中心不過冇落曡，不過最后都係跌咗4雞比中介。

icman12 · 发表于 16-8-2021 20:39:43

個專業XX中心，係集團式經營，基本市面上好多仲介都係，大家真係小心，死都唔好簽

icman12 · 发表于 16-8-2021 23:26:50

另外，好多人應該會煩，DRP要還幾多哥D。其實好簡單，講你收入（扣MPF）連埋part time 之類，50%攞嚟還所有債總數，睇下要分幾多期。

icman12 · 发表于 16-8-2021 23:31:07

一般，96或者108，姐係8年9年已經頂緊。咁好多師兄會問，還咁耐，點解唔舉手。第一，舉手跟一世，呢個就唔解釋。第二，好簡單，你DRP，未來加人工，多出嚟哥部分係可以袋入自己袋，又或者做多幾份part time，收入增加全部係計自己。但係舉手就除左生活費，全部充公。呢個其實分別就好大啦，如果係真心重新嚟過，就DRP好過舉手。如果係都無咩決心，心大心細，我勸你舉手。

lmk292000 · 发表于 17-8-2021 04:01:08

icman12 發表於 16-8-2021 23:31
一般，96或者108，姐係8年9年已經頂緊。咁好多師兄會問，還咁耐，點解唔舉手。第一，舉手跟一世，呢個就唔 ...

黎個我同意如果日後想買樓破產好多銀行唔做就算做都做到7成
仲有我轉左份工之後有雙糧花紅如果破產要嘔返出黎

krischeng2018 · 发表于 12-1-2022 18:08:43

搵中介吾代表做吾到, 因為中介會轉介比會計師 / 律師做申請, 只是收費貴好多

zebrajaijai · 发表于 12-1-2022 19:34:09

我都打算做DRP, 見你咁講, 中介起碼都收幾皮野喎..律師樓都一樣嗎?

zebrajaijai · 发表于 12-1-2022 19:35:21

仲有我想問, 做完DRP, 如果之後有多錢, 可以提早還錢嗎?? 同埋如果銀行唔同意, 咁要直接還清卡數嗎?

Rt1210 · 发表于 4-2-2022 10:09:56

請問TU差可以照去銀行Idrp?

dindin4003 · 发表于 8-4-2022 09:31:38

師兄我真係低能簽左約而家唔知點做好但咩程序都未搞過

icman12 · 发表于 8-4-2022 18:44:12

zebrajaijai 發表於 12-1-2022 19:34
我都打算做DRP, 見你咁講, 中介起碼都收幾皮野喎..律師樓都一樣嗎?

律師樓，我都搵過葉XX，好似收9000幾。自己申請啦DRP，都係填表填資料姐。

icman12 · 发表于 8-4-2022 18:44:58

Rt1210 發表於 4-2-2022 10:09
請問TU差可以照去銀行Idrp?

你做得IDRP，就已經無TU可言，照去啦。

icman12 · 发表于 8-4-2022 18:46:04

dindin4003 發表於 8-4-2022 09:31
師兄我真係低能簽左約而家唔知點做好但咩程序都未搞過

假舉手定點？如果係假舉手，我記得佢有條條款係話，如果中途唔搞，要比翻13XX幾佢。我建議你唔好啦。。。。。

Windy0111 · 发表于 4-7-2022 20:34:05

想問下第二間有冇幫你同銀行傾免息/減息？

		自动登录	找回密码
密码			註冊

過來人DRP（上當中介，但成功）

评分

浏览过的版块