住址俾人用咗嚟借財仔

180518

小弟家住公屋，最近一年發現成日收到署名姓Ho嘅預先批核銷售信件，包括UB同小新，小弟試過係信封上面寫：「無此人，請勿再寄信過來，否則報警！」然後就咁掉落郵筒寄返俾UB同小新，之後直至現在小新都冇再寄嘢嚟，但UB繼上年10月寄過嘢嚟之後，啱啱又再寄嘢嚟，條友擺明係上手住客，搬走咗之後一直都用小弟嘅住址周圍借財仔

1) 如果唔想再俾條友利用自己嘅住址借財仔，又唔想收到預先批核銷售信件，請問有乜最有效嘅解決方法？

2) 直接打去UB投訴有冇用呢？應該打邊個電話同揾邊個部門呢？

3) 請問UB係咪受金管局監管？咁打去金管局投訴又有冇用呢？

admin

樓主；我理解徒佢無可能咁樣去個D一線財仔同銀行借錢。

你會唔會想多左？

180518

admin 發表於 7-6-2018 23:14
樓主；我理解徒佢無可能咁樣去個D一線財仔同銀行借錢。

你會唔會想多左？

咁請問點解UB同小新都不斷郵寄啲「預先批核」信件俾我呢？
希望至高無上嘅admin能解答小弟嘅疑團！

admin

180518 發表於 7-6-2018 23:23
咁請問點解UB同小新都不斷郵寄啲「預先批核」信件俾我呢？
希望至高無上嘅admin能解答小弟嘅疑團！ ...

至高無上嘅admin

>>

你咁好禮貌，咁有誠意，咁就下次先啦。當我多咀。

係咁！

Harmonychow

版主已講重點。我再講多少...希望師兄醒d。你收到既係預先批核信，即係宣傳野。只要你以前用e個地址申請，佢都寄比你。

180518

Harmonychow 發表於 8-6-2018 13:08
版主已講重點。我再講多少...希望師兄醒d。你收到既係預先批核信，即係宣傳野。只要你以前用e個地址申請， ...

感謝ching回帖，你話：“以前用e個地址申請”過，我嘅理解即係：姓Ho條友“以前用e個地址申請”過，因此小弟擔心嘅係：UB同小新同姓Ho條友keep住仲有生意來往>有貸款合約未完，所以成日寄預先批核信件過嚟

我以前都借過UB，由小弟嘅經驗所得，如果超過3年都冇借過錢，UB係唔會再寄預先批核信件過嚟，而我由2006年開始，已經係呢間公屋嘅戶主，所以我好肯定姓Ho條友仲keep住用我嘅公屋住址同UB借錢，而且仲有合約未完，所以先至寄預先批核信件過嚟叫姓Ho條友續借

cl475867

180518 發表於 8-6-2018 14:58
感謝ching回帖，你話：“以前用e個地址申請”過，我嘅理解即係：姓Ho條友“以前用e個地址申請”過，因此 ...

我既理解係借錢要用最近3個月既住址証明，佢
冇理由有信件去申請

180518

cl475867 發表於 8-6-2018 18:52
我既理解係借錢要用最近3個月既住址証明，佢
冇理由有信件去申請

假設姓Ho條友真係有辦法利用我嘅公屋住址去搞掂「最近3個月既住址証明」呢一關，(大家先唔好去爭論佢究竟係用乜嘢方法，呢啲犯法嘢恕小弟真係想像唔到，而我覺得亦冇必要花心機去諗埋啲犯法嘢)，咁UB當然會借錢俾佢啦！

恕小弟繼續自high同FF，我估(記住係估)：

小新身為銀行當然冇咁易上當啦，所以收到我彈回頭嘅預先批核信件之後就冇再借錢俾佢，又或者佢要用另一個住址去借先過到關，仲要個住址嘅真正擁有人不聞不問唔理，先至過到骨。

而UB身為財仔就寬鬆好多，所以佢可以繼續用我嘅住址借錢，而且仲不斷續借，否則UB都唔會到半年咁上下就寄一次預先批核信件過嚟啦！(註：以小弟曾經係UB客戶嘅經驗所得，只要個Loan一供夠3期或以上，UB就會寄預先批核信件過嚟引誘你續借)