找回密码
 註冊
查看: 8665|回复: 45

見破產主任之前,我想問幾個問題!

[复制链接]
发表于 8-1-2018 00:56:16 来自手机 | 显示全部楼层 |阅读模式
我1月2號已破,但係律師行竟然唔知!緊我等到1月4號打電話去破產暑,職員話俾我聽已頒咗令並叫我盡快打俾破產主任,我又再打電話俾安X秘書,果位女士要我第二日即刻去北角交文件!我便打電話俾律師,佢要我第二日十點後去取文件,我又拎住文件交俾秘書處,佢哋要我即刻填初步訊問表,最後果張係評估表,問題係呢度啦!第一個問題:我冇照律師樓俾我嘅數字填,果張表格我自己填,我唔知破產主任信唔信,我份人工係3萬9千5。生活費大砍特砍,我就麻煩啦,請問如果破產主任批得好少,咁我是否可以反對?第二個問題:我搞破產係律師樓申請破產時,人工係每日千二蚊,返26日!等我宣誓後,換咗份工,因為有津貼同埋加班,收入變咗4萬幾,真係唔知點算好?呢個時候頒咗令,份文件同律師樓申請時已唔同咗,我實在擔心!真係哭笑不得!我想問,破產主任會唔會要我還好多錢㗎?第三個問題:出糧戶口,我前日F a X俾破產主任申請開新戶,唔知要等幾耐?我認為佢可能會懷疑我,因為,我交俾佢舊公司嘅合約,果間公司有大約萬伍蚊入唔到戶口,而新工作呢份合約又交咗俾安X秘書,忘記影印多一份,又要申請開新戶,就將我已離職果份舊合約F a X俾破產主任!人哋一睇,兩份合約,會唔會唔出信俾我?我兩間公司都出唔到糧,已經冇錢駛啦!個仔嘅學費都交唔到!真係慘囉!唉!(P s:版主莫B an我!我係以前被你開槍擊斃嘅zenguitar。我遇咗好困擾嘅問題!想聽嚇各位師兄嘅解答)
发表于 8-1-2018 06:47:45 | 显示全部楼层
1)6c行唔知可以去律師公會投訴
2)6c俾張表你填(果張表係你申請破產時候資產負債表及家庭開支表),你自己填好容易填到條數唔合理,而且交文件家庭開支須要單據
3)你轉工須通知主任以便同你重新計生活開支
4)你可以同安X講須要申請保留戶口要佢俾份合約副本你
5) 家庭合理開支因人而已,就算你搵4萬只要你有單有據做到盤數合理開支佢都可以批比你,不過你搵4萬最好有心理準備要每月供款:L
 楼主| 发表于 8-1-2018 09:03:39 来自手机 | 显示全部楼层
果張評估表係咁填嘅!
 楼主| 发表于 8-1-2018 09:32:36 | 显示全部楼层
破產人收入(基本薪金及工資:24800;津貼:14200);破產人支出(租金:1554;水電煤:2650;住宅寬頻:100;流動電話:260;家庭膳食:4000;交通:1000;家庭雜項:2500;學費:4500;學校雜費書,校服:2000;強積金:1500;母親家用:6000;太太家用:8700;請個工人照顧母親:4300)好多係安X幫我圍嘅!我睇,好多問題,主任實唔批咁多!特別係媽媽,前個月做換膝關節手術,至今覺得痛,要食中藥,去醫院做物理治療,每次135,一星期兩次,成人尿片,三日一包80。哇!加加埋埋,一個月唔少數啦!留咗啲單據,果日冇交到!我諗,主任實會揾我傾!最怕就係,佢會要我供幾多?覺得仲有小小幸運:妻離子未散,家破人未亡!
 楼主| 发表于 8-1-2018 09:41:08 来自手机 | 显示全部楼层
寫完就啱啱打電話俾主任!佢話,封開戶信要等星期五至有人打電話俾我!我已經窮到得返幾百蚊啦!真係!
发表于 8-1-2018 10:13:45 | 显示全部楼层
母親家用:6000;太太家用:8700 <~~呢兩個應該批唔到咁多 可能每個得3-4千,仲有你有無其他兄姊弟妹有的話母親家用同醫療開支要除人數
发表于 8-1-2018 10:16:12 | 显示全部楼层
你家母個度, 最好有單圍一圍條數, 應該可以爭取到

至於你太太同母親的家用肯定會話你偏多, 最好做足D準備, 極力爭取

家庭膳食寫小左了.....
 楼主| 发表于 8-1-2018 10:38:02 来自手机 | 显示全部楼层
是否可以重新寫一份評估表,自行F a X俾主任?我都覺得好大問題
 楼主| 发表于 8-1-2018 10:55:10 | 显示全部楼层
hohochi 發表於 8-1-2018 10:13
母親家用:6000;太太家用:8700

有個家姐有個妹,有返工,人工就唔高!我係同我媽,太太,仔4個人住公屋,家姐同妹申破時因為唔係一齊住就冇填到!太太唔知去咗邊,仲沒搞離婚!所以請咗個姐姐照顧媽媽!我即刻圍我媽媽嘅開支,突破口應該係呢度!同埋家庭開支要重新做過,個仔上N班,開支應該緊咗啦!再F a X俾主任!
发表于 8-1-2018 11:50:52 | 显示全部楼层
Chung811 發表於 8-1-2018 10:38
是否可以重新寫一份評估表,自行F a X俾主任?我都覺得好大問題

其實你到時傾生活費, 都會重新傾的

只不過, 你宜家咁岩又轉左新工
安全計, 打去先問問主任, 費事到時上到去, 份生活費同你當初填的, 是完全兩回事

饍食個度, 如果你係出面工作, 一日三餐都100一日啦
加埋屋企太太小朋友家母, 點都一百幾十一日啦

不過, 你太太有無野做, 都會有影響係咪攤分
发表于 8-1-2018 11:59:51 | 显示全部楼层
仲有, 你份表似乎唔太合理

如果你有姊妹, 母親家用同工人費用(因你話係照顧母親)都可能係SHARE

如果你太太搵唔到人, 個CASE有D複雜, 因為都唔知當唔當支出可以SHARE到, 因為唔係你口講就會信

家庭雜項:2500....呢度太少了, 自己圍下數, 準備定清單, 到時拗數啦
发表于 8-1-2018 12:01:20 | 显示全部楼层
仲有, 住公屋, 都有屋租同差餉的....你個LIST都無既
 楼主| 发表于 8-1-2018 12:18:51 来自手机 | 显示全部楼层
公屋差銅係同租金連埋一齊交嘅!我要重新填份文件,到時再傾過
 楼主| 发表于 8-1-2018 12:44:01 来自手机 | 显示全部楼层
我係破產署嘅網站下載幾份表格,填過再連埋收據fax主任,多謝師兄提示!
发表于 8-1-2018 13:10:04 | 显示全部楼层
本帖最後由 flypig 於 8-1-2018 13:11 編輯

我又拎住文件交俾秘書處,佢哋要我即刻填初步訊問表
人地只係代收文件,無咩POWER. ;P 佢叫即刻填,你話之佢. 你話所有資料都係律師度,第二日再拎俾佢喇.
其實就算對方點惡,點寸,都係無料到.
母親家用:6000;太太家用:8700
批唔到咁多的. 至於病,應可以實報實銷,你好好同 主任外判傾傾.

最後,由於你人工唔低,只要你每月還一筆數,應唔會逼死你.
因為 對方目的係 要你還錢. 一般還到下錢,生活費從寬處理.:handshake:handshake
你估對方唔驚你 生活費太低, 一野轉去撈人工低,時間短的工種嗎!!! ;P;P
但唔好想完全唔還錢.
7隻字:
過到自己過到人.
GOOD LUCK!!!
 楼主| 发表于 8-1-2018 13:46:31 | 显示全部楼层
flypig 發表於 8-1-2018 13:10
我又拎住文件交俾秘書處,佢哋要我即刻填初步訊問表
人地只係代收文件,無咩POWER.  佢叫即刻填,你話之佢. ...

哇!flyping你講嘅太好啦!我都係咁諗,我係應該還,但係我實在擔心批嘅太低,因為我媽媽呢度開支實在大,多過我平時返工食飯搭車,我根本冇可能讓我太太分擔,媽媽呢項開支同埋家庭膳食.家庭雜項開支一定要重新計過,合理就得啦!如果返足工,我嘅月收入應該係4萬2,咁多出來還俾破產處啦!
发表于 8-1-2018 15:33:12 来自手机 | 显示全部楼层
提示: 作者被禁止或删除 内容自动屏蔽
发表于 8-1-2018 15:35:46 来自手机 | 显示全部楼层
提示: 作者被禁止或删除 内容自动屏蔽
发表于 8-1-2018 15:40:31 来自手机 | 显示全部楼层
提示: 作者被禁止或删除 内容自动屏蔽
 楼主| 发表于 8-1-2018 16:25:22 来自手机 | 显示全部楼层
水電煤有單據,被安X收咗!學校書報3850一學期,校服又係3千幾,我又修改成800,一個月!如果照你咁計,一個月要交萬二蚊?
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 18-11-2026 19:16 , Processed in 0.034073 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表