找回密码
 註冊
查看: 2934|回复: 13

我發覺呢到老破既ching,絕大多數都係因為賭或【投資】

[复制链接]
发表于 25-6-2017 00:21:49 | 显示全部楼层 |阅读模式
我雖然唔係係到好耐日子,但真係發覺呢到既ching大多數老破都係因為賭同【投資】,我自己就係一個好例子,當年被公司裁左但又係股巿到賺到D喎,就把心一橫全職炒股,開頭真係賺到D架但當然唔夠份糧啦,但又係網上見到人地話牛熊點好賺咁咪轉炒牛熊囉,又俾我賺到D喎仲賺得多過炒正股,咁就決定轉炒牛熊,然後惡夢就黎了,炒牛熊初期10萬股咁入又真係賺到D,然後50萬股咁入,結果連乃兩鑊,而我買既牛熊不嬲都係遠價同遠回收日添,所以好貴價下,兩鑊乃左我8皮,之後又聽人講期指冇打靶價唔會輸甩褲,但原黎期指先係最惡毒,唔肯止蝕既人炒期指真係會好似我咁輸身家,咁都不突止,仲信用咭透支想追返之前輸果D,好死唔死又真係俾我追返幾皮野喎,咁咪再【投資】落去囉,結果當然又係輸埋,再透支信用咭又係輸埋,再再透支信用咭都係輸埋,越輸越透支,最後仲賭埋馬同六合,野野成千錢上落希可以中到幾十個再追返之前【投資】輸果D,最後折墮到要咭數冚咭數還債,咁當然結果咪要老破囉,我學歷唔高但十年幾都搵皮半一個月,而我真係衫都唔買多件,真係著到自己都頂唔順果種先買,如果唔係因我衰【投資】同賭想返本,而家我應該幾開心下,我同我個妹同行而佢學歷同我差唔多,但佢而家份工人工高過我以前好多,福利好到不得了(真係如果我而家係佢公司做既話,一定打死都唔走果隻),而我當時係幾間行業內勁出名既公司做過,如果做到而家要入佢間公司真係唔難,只怪自己爛【投資】

奉勸各位仲可以回頭是岸者真係唔好【投資】同賭,不過入得黎呢個網既,多數都係冇晒後路而入黎問老破流程既人(包括我),或一眾銀行同財仔既監察人囉,唉!
发表于 25-6-2017 10:54:55 来自手机 | 显示全部楼层
重新來過,注重過往正常人應該要注重的東西
回复 支持 1 反对 0

使用道具 举报

发表于 25-6-2017 08:56:08 来自手机 | 显示全部楼层
老破後生活俾以前好,之前出糧條數用來還錢,連基本生活都成問題。好彩俾我揾到有呢個討論區,救了我全家。總好過迫到走投無路,最後死埋。各有所需,大家經歷到呢次後,真係拎起心肝好好打理自己的財政。以免重蹈復徹。
回复 支持 1 反对 0

使用道具 举报

发表于 25-6-2017 01:35:50 来自手机 | 显示全部楼层
牛熊期指宜家無得炒。一來大戶用程式做 hedging, 佢條光纖快,我地慢。二來佢地控制左qq, 一隻頂全家,歸左邊。所以輸實。唯一可贏大戶係長線。呢轉大陸走資,習王江系全強國走黎香港。照睇28000都可以破。跟住等佢大崩盤先再入。大崩盤可能美國或者支爆,但無咁快。
发表于 25-6-2017 08:07:10 来自手机 | 显示全部楼层
講呢啲無意思
发表于 25-6-2017 10:43:01 来自手机 | 显示全部楼层
我的經歷和你很相似,出來做野十幾年,人工由開始時$7000, 借一,兩萬,到現在$40000,借了過百萬,賭博足咁多年,一年賭足365日,由朝賭到睡覺,個個月都為銀行打工,不是正常人生活,
发表于 25-6-2017 10:49:14 来自手机 | 显示全部楼层
現在番了學,才感到什麼是正常生活,我現在始才有時間注意到自己的身體,去驗身,看專科,正視及處理身體的問題,我真的很感謝破產法例,有機會還我重
发表于 25-6-2017 14:05:56 来自手机 | 显示全部楼层
通常话为家人欠债,都只係借口。我赌足二十几年,人工4万几,现欠财仔200万了。重未计朋友……
发表于 25-6-2017 15:15:20 来自手机 | 显示全部楼层
其實日日賭都係一個字 - 追. 老破後我認為所有野都洗底. 無需要再追.
发表于 25-6-2017 18:18:40 | 显示全部楼层
largelarge 發表於 25-6-2017 14:05
通常话为家人欠债,都只係借口。我赌足二十几年,人工4万几,现欠财仔200万了。重未计朋友…… ...

ching 人工咁高都欠二百幾? 賭乜野?
发表于 25-6-2017 19:14:52 来自手机 | 显示全部楼层
我之前剩係在馬會賭都百幾2百万波馬喇~
发表于 26-6-2017 08:42:12 | 显示全部楼层
係香港有破產法, 我地先可以重新來過. 如果係大陸就點都要還...
发表于 26-6-2017 10:11:37 来自手机 | 显示全部楼层
債台高築根本係賭仔必然既下場,唔抵可憐。最可恨既係佢會連累家人,朋友。
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 18-11-2026 14:41 , Processed in 0.028684 second(s), 17 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表