|
|
月頭已經上律師樓搞緊
但因為我依家間公司如果搞破產就冇得做,另外仲要我賠錢,大約40萬
咁律師就同我講要呢間公司出左信追我呢40萬先可以寫埋落去先再入紙搞宣誓果D
即係要佢炒我/我自己辭職,但我問過呢間公司就算唔做都要1個月既時間先會生效,同埋冇人情講佢唔會話你要搞破產就肯比你早D生效
依家要等到5月中收到公司信先可以叫律紙繼續幫我搞落去...
事關我自己住,屋企人可能隔4,5日會上黎一次,好怕比佢地撞到收數佬
財仔已上過門幾次,早幾日上左黎一次已經叫女友鬧走左佢地話冇我呢個人,但個收數既嘈到拆天先肯走...隔離屋同管理處已經知道哂
我依家真係好無助,心諗想快D搞掂個破產唔洗比屋企人知,點知又要等呢間死人公司出信追我錢我先可以叫律師繼續做野
唉我可以點,我衰我事,我唔想比屋企人知道我比人收數收上門同埋要搞破產...
有冇咩辦法可以拖住D收數佬1個月左右等我可以挨到去宣誓....
|
|