1.我依家開支已經大過收入好多,生活費會唔會批OVER收入個數?
唔會
2. 報埋要供養父母對批生活費有無幫助?(未退休,已反面無聯絡)
未退休及不同住,唔會批
3.如會,年尾會有雙糧/三糧,係咪可以多過生活費X12個月既數先要上繳?即係重有D可以袋?
全數上繳
4.打算5月去攪,但6月會出半個月既獎金,未出破產令之前即係用得定唔用得?
可以用,但要解釋,不過得$5000,應該唔難解釋
5.係咪頒令已經知有幾多生活費定係要等幾個月開會/等同官再傾?
要等主任或外判批
6.今年黎緊已經買好哂機票同酒店去旅行,係咪要解釋返我破前啲錢用左去旅行?出發前要通知?
個人建議,一係就取消,一係就去完先申請破產
7.突如其來既開支例如寵物生病/電器壞了,點樣處理?
電器壞了出雙糧時可向主任申請留點錢買,養寵物的一切費用一般不會批
8.中介話學生資助會去搵個擔保人即我老母找數,破產都照追?
千萬唔好搵中介,直接搵律師攪,學生資助無得走數,破完產都要還
9.我有申請開關愛基金同就業交通津貼,破產後再申請,要唔要上繳?
睇下批幾多生活費,如超出就要上繳
其實你呢個係結構性問題,每月支出都大過收入,一係搵份人工高的,一係做多份兼職,同時要檢討一下自己的使錢方式,你唔改變無人可以幫到你, |