有關傷殘津貼問題

mmmmm · 发表于 18-12-2014 20:40:23

我因為癌病攪破,已伸請但下個月先上庭,本身15號出傷殘金,但一路戶口都沒有,是否被凍結左,第時有無得擁攞反架？我等住用,有無人知道點做

301 · 发表于 18-12-2014 20:59:28

你應該聯絡番社署,
戶口被凍結了根本入唔到數.

dove00dove · 发表于 18-12-2014 22:45:44

我都係一樣，上個月傷殘金因戶口被凍結已過唔到數，打比社署，但主任唔肯出現金或支票，佢教我即刻去創x銀行開戶，再立即比新戶口資料去過數，但當我問佢法律上得唔得，佢就話唔知，叫我自己去查。。。最終我都係等頒令後先算

mmmmm · 发表于 19-12-2014 02:09:59

即係上完庭先算

mmmmm · 发表于 19-12-2014 02:12:59

dove00dove,你到時教我點做丫

dove00dove · 发表于 19-12-2014 13:22:12

我都係即刻聯絡外判拿解凍/開戶信，然後打返比你的個案主任叫佢用返之前個戶口出，若用新戶口，就可能要去返辨事處提交資料同簽名

mmmmm · 发表于 21-12-2014 23:25:30

已經幫我好多，我明天打去問下先，但我一月中先上庭，咪有排未開到戶口，到时有無得攞番架，我怕比破産處拎走左d 錢牙

kumiko1030 · 发表于 22-12-2014 03:18:22

我之前就唔同少少，因為由傷殘津貼轉做綜援，但都有關愛筆錢，我打去關愛到叫佢唔好出俾我先，hold住等有戶口再出。

其實傷津一定係銀行俾錢，只有綜援先可以出現金。

其實，你筆錢呢個半月應該叫社署唔好出俾你住，等你頒咗令即時打俾負責你的破產主任，同佢講你要出傷殘津貼，佢會問你想開一個新戶口定係保留返原有的戶口，你最好嚮電話約實佢幾多點鐘會去搵佢拎封信，如果係破產主任的話，你最好記住佢內線幾號，因為上到十二樓通常都收唔到電話得門口個內線電話可用。

你拎住封信五點前去到銀行搞返手續，咁就可以喇。統一中心嗰到都有幾間銀行分行，好似有東亞，恒生，渣打

傷殘津貼的錢你放心，一到你有返戶口，社署會全數歸還。因為你戶口凍結咗其實都過唔到數條數會去返社署到。不過我就係凍結前hold起晒所以冇咩問題，個戶口運用正常返之後我通知返關愛基金俾返9000大元我........... 期間我拎緊綜援可以出現金。

mmmmm · 发表于 29-12-2014 10:46:25

吾該哂甘多位

sandysoso · 发表于 30-12-2014 00:15:00

dove00dove 發表於 18-12-2014 22:45
我都係一樣，上個月傷殘金因戶口被凍結已過唔到數，打比社署，但主任唔肯出現金或支票，佢教我即刻去創x銀 ...

未頒令前去創X可以開到戶口，開戶時唔使話俾銀行知你申破緊（頒令前我有開過），頒令後先至會凍結戶口，
一頒令即刻同主任拎解凍信，解凍戶口好快，快的話一两個小時就解了，慢則一两日。

dove00dove · 发表于 1-1-2015 01:08:25

我用了五個工作天(剛好是假期，用了十一天)來解凍，make sure戶口幾時解凍才叫主任過數

mmmmm · 发表于 4-1-2015 05:18:14

打左幾日先揾到社署,原來彈票,但我走去開個戶口我又未上庭,但又無伸報,有無事架

dove00dove · 发表于 5-1-2015 01:08:36

本帖最後由 dove00dove 於 5-1-2015 01:14 編輯

社署都係咁教我去創X開戶口後即劇交資料，但我個時只係同上庭時間差一個星期，所以冇咁做，因為社署都話唔知法律上得唔得，所以。。。一係博，一係打去問主任啦，

但小心係，如果你選擇頒令後先搞，有D很行收了解凍信後要等幾個工作天才可用返戶口，因為銀行要同破署confirm資料才可解凍戶口
In case你需要，這是解凍戶口申請表！請填好連社署的傷津信及人工証明fax比外判或主任

dove00dove · 发表于 6-1-2015 21:59:53

我比社署主任玩食﹕
聖誕前我叫主任用返原有戶口出傷津，點知到昨日(終於打通)打比佢，原來仲欠一個簽名先得，今日上到社署人山人海，原來該主任聖誕後放假，放完假返黎只有時間接見，未有時間做文件，佢話佢D文件由十二月中積到而家:'(

最快..... 一月尾出返十一月、十二月同一月既傷津......

聽到好想XYZ佢...........

佢冇諗過我呢D剛破產既人係幾需要一分一毫，我本來等緊D錢包租....已欠三星期都未交租，唯有去申請其他緊急救援基金，希望批。

所以樓主，趁住未頒令，你要三思邊個方法對自已最好！

P.S. 若你合資格，可以去申請埋新一輪既關愛基金呀！

dove00dove · 发表于 6-1-2015 22:09:55

想提醒一下樓主﹕

我聖誕前叫社署主任用返之前的戶口過數，點知佢一路都冇通知，直到我昨天終於打通主任電話，先知要我上去簽名先可以做野。但係，因為之前佢放假，搞到呢兩日只有時間接見我地呢D客人，冇時間處理文件，佢D文件由十二月中積到而家，所以我既傷津最快要一月尾先可以一次過出返十一月、十二月同一月既傷津.......

XYZ佢，我等住錢交租，希望唔會比業主趕走

若樓主有需要，又符合資格，請住去申請埋新一輪既關愛基金！

mmmmm · 发表于 13-1-2015 23:49:14

謝謝

mmmmm · 发表于 14-1-2015 12:13:46

好，謝謝你們

kumiko1030 · 发表于 15-1-2015 18:13:18

dove00dove 發表於 5-1-2015 01:08
社署都係咁教我去創X開戶口後即劇交資料，但我個時只係同上庭時間差一個星期，所以冇咁做，因為社署都話唔 ...

我嗰陣申破係由律師搞，佢吩咐我唔好信社署，將D野搞到咁複雜

mmmmm · 发表于 21-1-2015 19:49:13

處理好了，主任比信我開新戶口，舊吾可以用，要去社會福利署交新戶口資料就可以，但班令果日我去統一果間恒生排左半個中先知果間開戶要約喎，所以吾等去左沙田，點之攪足個半鐘

admin · 发表于 22-1-2015 13:37:30

已加人破產需知
http://hkiva.org/forum.php?mod=v ... mp;extra=#pid176264

		自动登录	找回密码
密码			註冊

有關傷殘津貼問題

评分

本帖子中包含更多资源

浏览过的版块