準備搵律師申請破產,大家都係透支律師費嗎?曾取MPF問題!

yoyobingo

暫時仲未知搵邊間,見到有D都13000-500左右...上星期我已預早提了10000出來先,準備下星期申請的話可能要再透支多4,5千, 暫時信用卡還可以透支到16000...我2年冇做野,一直都係透支還MIN PAY,生活費當然係其中,疊下疊下已經累積到近30萬,失業2年申請唔到債務重組個D,所以選擇破產! 但我自己還有小小問題怕會被人告,聽呢到好多師兄都話申請前一個月都仲透支緊都冇事! 當然有D數目大到6,7萬...我只係1萬幾...初時我仲好擔心,搵到呢個平台睇左好多大家意見放心左D, 大家有冇累似經驗分享? 如果到時問你D錢去左邊點答? 可唔可以話比左律師費,定話洗左?

馬會卡昨天已去馬會取消..
保險今日已轉給媽媽,但還要2星期才處理到

今個月28號又要找卡數了,所以我預下星期22-25號期間就搵律師搞!有冇人可以介紹佢地覺得好收費又係最平個D比我?呢到可唔可以PM嫁?我係新手,如果有錯唔好意思!

之前因為分手問題及卡數問題喊左好多日了! 我好想可以解決埋呢樣野,因為我既壓力爆燈! 為感情問題喊,為錢喊! 我好想快D搞掂鬆下!

bb_q_888

見無人回你,所以回你.
你既問題近期有人問過,你爬文啦~
透支有法律問題,所以我不主張.由其解釋用作破產.

由你出文我知,你情緒有點低落,無錢呢度邊個唔係?
破產後還要生活,破期內你想過如何生活?
壓力任何時間都有,理性D去睇,你還有機會選擇,事情總會解決.

smallcat

:lol;P 我都係有透支幾 K架   所以, 唔使太擔心

好多人都係唔掂先破   但唔好亂使  用來攪破或還卡數應該唔會有太大問題  bbQ版主說得對, 最好唔好做
但有時無計, 大部份case 都無事既, 放心

另外, 如果你健康無問題, 你破左後應該考慮搵份工作, 第一, 可以減低在家胡思亂想, 第二, 有工作有記托對你身心都好  

破左就從來做人了, 感情問題, 老實講, 緣份唔夠, 最終都係要分的, 早分好過遲, 或者你將來搵到更合你的, 塞翁失馬....下句你都知係乜了 :handshake:lol

smallcat

bb_q_888 發表於 21-10-2013 15:12
見無人回你,所以回你.
你既問題近期有人問過,你爬文啦~
透支有法律問題,所以我不主張.由其解釋用作破產.

無辦法呀, 有時山窮水又盡, 透支係無法避免, 但最好唔好太離譜就應該可以掛 ;P:handshake

破前好多人都周身唔掂  :dizzy:;P:handshake

bb_q_888

smallcat 發表於 21-10-2013 15:51
無辦法呀, 有時山窮水又盡, 透支係無法避免, 但最好唔好太離譜就應該可以掛

破前好多人都 ...

透支係無法避免....我同意.
不過唔好太宣揚,呢果唔係老溤.

最好唔好太離譜....呢個點定?
其實大家都知破聯係想幫人,而唔係誤人.
我有時睇文都幾心傷,一.係生活迫人而破,二.係失業,
三,問D自己都知有問題既問題,叫人點答?

人就總是想過界,這也沒有問題,因為責任總在自身,
此刻處境正是昨日修,怪不得人....
種善因得善果.希望各位會員明白.

smallcat  ,其實我有時亦有失望,好在破聯還有你這樣的有心人.
與各位大家相輔上路.

smallcat

bb_q_888 發表於 21-10-2013 16:22
透支係無法避免....我同意.
不過唔好太宣揚,呢果唔係老溤.

一時間感情問題  再加財困問題, 唔容易處理

但過左又無野, 樓主 可以睇翻 你讀緊書時覺得讀書好辛苦, 讀完書出來, 又覺得讀書係無乜野咁慘

人應該向前看, 不要向後望, 日日 cry 都無助感情同財困問題,  既來知則安之

當然, 透支唔係老奉, 樓主亦先萬別老奉, 我地唔鼓勵人以身試法, 但你真係唔掂你唔透支可以點?

總之攪掂左之後從新來過, 都係個句, 除非真係身體或心理原因不能工作, 否則應該都搵份野做下, 最少都part time  慣左之後再full time    身心都會健康好多 :handshake:P

lulumason

我不知点同你分享 但最重要你是走頭無路先行這一步 所以你選擇正確 這也是破產條例的精神 比个机会Ｄ人反身

superlemon911

未破前，唔知點解覺得自己頭頭碰著黑，而家破左先知之前過緊既係非人生活，果時真係無咩自尊架，份工做得好唔開心，但都要夾硬做，仲要一出糧3份2人工還錢比財仔，跟住唔夠使又借過，已經出入過唔知幾多間財仔借錢，當破完第一個月，份糧無比財仔扣果一刻，好似個人輕鬆晒，我破產係自己攪的，不過係家人借錢比我，如果透支條數唔太應該都無事既，希望樓主有個新開始

chloebb

我雖然冇感情煩惱，不過老實講由申請破產到頒令呢2個月，
心理壓力真係好大。甚至連續失眠幾晚，亦有喊過。
會問自己點解搞成咁。
都係前2日無意間發現呢個地方，
睇到好多師兄師姐既經歷/意見。
令到自己冇咁驚。
亦都預咗家人會知道，
但希望同大家一齊努力。
好好咁改善財政問題。
樓主都加油啦！:D

yoyobingo

多謝各位! 見到大家意見我又放心左D,一日未搞就會一日都念住,所以要快D搞左佢!

bb_q_888

smallcat 發表於 21-10-2013 17:16
一時間感情問題  再加財困問題, 唔容易處理

但過左又無野, 樓主 可以睇翻 你讀緊書時覺得讀書好辛苦, 讀 ...

其實我唔係唔明大家處境,但如果我想打劫我唔會公開講.
有D野希望大家明白,公開平台講踏界係要小心,雖防人不仁.

唔開心...大部份人都有,覺得不能開懷搵家人.搵社工,睇醫生轉介,
自救首先要自己救自己.
我現時發現很多人連想食咩都唔知,一問三不知,這種點為自己打算.
從新來過係好事,不過要知自己想點,有時一迷途就找不到出路.

多謝您聽我發驢騷.

smallcat

bb_q_888 發表於 22-10-2013 17:29
其實我唔係唔明大家處境,但如果我想打劫我唔會公開講.
有D野希望大家明白,公開平台講踏界係要小心,雖防人 ...

:lol 依家好多人迷失方向, 老實講真係少左以前上一輩既奮鬥心

以前上一代, 真係從內地下來, 住板間房, 好多都好窮架, 邊有依家小朋友咁多享受

多享受反而精神上唔夠扎實

當然, 我都唔鼓勵人 透支去破產的, 最好問朋友或家人資助住先啦:lol