破產聯盟

標題: 生意失敗欠債20M 今日揾左6C傾 3皮幾無錢搞/有機會有人反對 [打印本頁]

---

作者: caveman10    時間: 18-6-2024 19:28
標題: 生意失敗欠債20M 今日揾左6C傾 3皮幾無錢搞/有機會有人反對
1800呎寫字樓 中小企貸款抵押左5.2M
430呎私樓 仲有1.8M 頭按  中小企貸款抵押左2.8M
中小企百份百8.2M
過年前借左5間1線/信用卡透支 加埋1.6M出晒糧比伙記 （供左3-4期）自己斷左氣
過完年無生意 每月供50萬頂唔順 全部走晒數

今日揾6C 傾 佢話個人舉手就 萬5蚊
但我有公司又未清盤 又要皮幾2皮野  加埋成4皮野（堅係無錢破）
佢又話我有物業做乜唔變賣 我都按9晒 無契係手 又唔到價 自己賣67??比佢激到爆
依加比收數煩到CUT 電話卡 搬左去澳門避避先
全部走數3個月了 乜都無理過 反而係我依幾年最輕鬆既日子
依加個袋口得返幾千銀 想返香港打份工做返個普通人算（幾千萬身家攪到得返幾千蚊 大起大落都睇化晒咯）

我有幾個問題想問下：
1：以上6C講既野 我應該點做?? 幾皮野比唔起    就算比得起都有債權人反對
2：我依加走晒數去澳門 返香港做到現金糧既工揾返小小錢再搞
     出入境會唔會有咩問題（我驚短期唔比我出境咋 因為有仔女唔係香港）

---

作者: whysodump    時間: 18-6-2024 19:50
出入境應該冇問題，你又唔係犯刑事

---

作者: 明天會變好    時間: 18-6-2024 19:56
點樣走晒數去澳門？

---

作者: 明天會變好    時間: 18-6-2024 20:01
你做咩生意？差得咁緊要？

---

作者: caveman10    時間: 18-6-2024 20:02
意思係無錢供唔掂 日日過百個電話
去澳門避下 揾啲老友傾下心事

---

作者: caveman10    時間: 18-6-2024 20:06

明天會變好 發表於 18-6-2024 20:01
你做咩生意？差得咁緊要？

身邊做生意既朋友 無一個有好結果
依加全部都係失敗者
一個唔掂就一環扣一環咁死囉

---

作者: 明天會變好    時間: 18-6-2024 20:10
現在應該飲食同零售最差

---

作者: caveman10    時間: 18-6-2024 20:15
我都想盡快攪掂件事 破產對我無乜影響 但聽完6C講 我CASE好似想舉手都唔容易喎
我好在無欠啲兄弟 自己落難都仲有兄弟射住 返香港係啲老死公司做 出現金糧無銀行都無所謂啦
做份牛工養大啲仔女算啦 依幾年真係成長左好多 睇得好化

---

作者: 失意中    時間: 18-6-2024 20:46
直頭唔洗理啦，你有資產就有人申請你破產，到時見步行步囉，等佢哋做野先

---

作者: 明天會變好    時間: 18-6-2024 21:00
樓主最尾都找晒數比伙記，算係咁

---

作者: caveman10    時間: 18-6-2024 21:06

失意中 發表於 18-6-2024 20:46
直頭唔洗理啦，你有資產就有人申請你破產，到時見步行步囉，等佢哋做野先 ...

我依加AUTOPAY銀行都扣到負數咯 無交電話費3個月 電話CUT埋又唔係香港
係自己友WHATSAPP到我 知道發生咩事囉
之後每日百幾個電話囉 打到你聽電話為止 一開口就吊左先
公司寫字樓大字報  5分鐘管理處都清理晒 信箱好多收數信囉
3-4個月都係得咁多 真係無人主動清我盤破我產
今日問埋6C 又話我CASE自己舉手唔容易
咁依加只能聽師兄講直頭唔理 返黎做現金糧養家 煮到埋黎咪食囉

---

作者: caveman10    時間: 18-6-2024 21:12

明天會變好 發表於 18-6-2024 21:00
樓主最尾都找晒數比伙記，算係咁

1-做生意賺左我又唔會分啲錢比伙記既 唔通蝕左就唔出糧咩
2-我做個行頭好細 唔找數真係唔洗再出黎撈
3-我依加落難 都係依啲伙記幫我搭門路 揾現金糧養家咋
4-人生無常 無話邊個係一世老闆架 你幫下我 我幫下你 大家攪掂揾啖飯食啫

---

作者: Yuyuyuu    時間: 18-6-2024 21:17
的確你個case要處理都好煩，你驚唔驚俾人追數？唔驚既咪由佢地追，追到放棄就會申請你破產，到時跟佢地律師指示就算。

---

作者: caveman10    時間: 18-6-2024 21:37

Yuyuyuu 發表於 18-6-2024 21:17
的確你個case要處理都好煩，你驚唔驚俾人追數？唔驚既咪由佢地追，追到放棄就會申請你破產，到時跟佢地律師 ...

做生意咁多年真係見鬼多過見人 身邊黑白灰既人材都有
自己啲伙記 開工換衫真係動物園咁 大半都公仔佬無咩可怕啫  收數佬有咩好驚 打份工啫
寫字樓同私樓都抵押左 無錢找數結果都係收樓架啦 佢地鐘意咪淋紅佢比銀行收樓囉 我又唔痛既
佢鐘意咪大字報囉 我做生意蝕左啫 又唔係賭又唔係嫖 雖敗猶榮 欠得少先驚 我欠依個數佢地仲驚過我啦
6C話我有可能入境被拉 1-有財仔玩我 話攞左條數走左 詐騙（告唔入）2-公司懂事無管好數簿 （罰2-3K）
我最驚係返黎做野 拉左保釋完出唔到境啫 啲仔女唔知點攪啫  
依加得返幾千蚊 明知有咁既可能都要返黎做野揾錢

---

作者: 失意中    時間: 18-6-2024 22:01

caveman10 發表於 18-6-2024 21:37
做生意咁多年真係見鬼多過見人 身邊黑白灰既人材都有
自己啲伙記 開工換衫真係動物園咁 大半都公仔佬無咩 ...

你放一百個心啦，出入境100 ％無事，生意糾紛差佬唔理，如果入到你，佢哋晨早做咗啦，你澳門入嚟就已經有事了，所以跟本唔洗理，一定有人收樓收鋪申請你老破，只是時間未到，一兩年內肯定有答案，你現在只要等，冇嘢好做到，記住新地方唔好比D收數佬知，唔係佢哋知道就會即刻扯晒旗咁又興奮了，千萬記得呢幾年地址要保密，特別上電訊台，上銀行，上TU各方面特別要留意，緊記緊記

---

作者: caveman10    時間: 18-6-2024 22:09

失意中 發表於 18-6-2024 22:01
你放一百個心啦，出入境100 ％無事，生意糾紛差佬唔理，如果入到你，佢哋晨早做咗啦，你澳門入嚟就已經有 ...

我係香港做現金糧
收工係大陸關口 日租果D賓館住 返工就往來深圳香港咁囉
放假無工開返澳門睇下啲仔女 放低啲家用咁囉
我諗住條路咁行架咋

---

作者: 失意中    時間: 18-6-2024 22:14

caveman10 發表於 18-6-2024 22:09
我係香港做現金糧
收工係大陸關口 日租果D賓館住 返工就往來深圳香港咁囉
放假無工開返澳門睇下啲仔女  ...

賓館唔係長遠方法，深圳關口私樓都唔貴，正正經經起個架步，好D個D都係4千，差D果D兩千都有，反正你小心都唔好透露地址啦，緊記啦，因為有收數公司有D係大陸佬老細開架，佢哋近一樣會做嘢，特別深圳，緊紀地址保密

---

作者: 單身最好    時間: 19-6-2024 01:34
提示: 作者被禁止或刪除 內容自動屏蔽

---

作者: caveman10    時間: 19-6-2024 02:14


看破何必說破呢 行頭好細

---

作者: whysodump    時間: 19-6-2024 06:50
樓主屋企人喺澳門點樣唔留喺澳門搵嘢做？起碼唔使出出入入，又可以同屋企人住慳返啲租金

---

作者: square3207    時間: 19-6-2024 10:14
樓主加油。你有無問下第二個律師。一定要搵律師樓。同埋搵老友借錢入紙啦。咁樣拖落去都唔係辦法。

---

作者: caveman10    時間: 19-6-2024 15:00

whysodump 發表於 19-6-2024 06:50
樓主屋企人喺澳門點樣唔留喺澳門搵嘢做？起碼唔使出出入入，又可以同屋企人住慳返啲租金 ...

老婆澳門人 我無澳門身份証係果面做野=黑工
另外澳門好多內地外勞 人工無得同香港比

---

作者: caveman10    時間: 19-6-2024 15:06

square3207 發表於 19-6-2024 10:14
樓主加油。你有無問下第二個律師。一定要搵律師樓。同埋搵老友借錢入紙啦。咁樣拖落去都唔係辦法。 ...

已經係問律師樓  佢話幫得我攪收錢就肯定要 但好大機會有債權人反對 到時爆唔到
佢都有分享過其CASE  好多公司都自爆有難度 大多數都係債權人忍唔到 人地隊爆自己既
唔想再問人借錢啦 個心好累了
我自己打份工揾錢面對啦

---

作者: whysodump    時間: 19-6-2024 15:36
欣賞樓主有骨氣

---

作者: a981142    時間: 20-6-2024 16:01
全部都係銀行/一線?

---

作者: caveman10    時間: 20-6-2024 17:17

a981142 發表於 20-6-2024 16:01
全部都係銀行/一線?

公司中小企就全部大銀行 但全部都有物業同個人擔保
個人數 就3間出名1線財 2張信用卡（因為過年前收唔到票 趕出糧比伙記過年等唔切無上銀行）
過年前有1條 短期60個扣底2線 唔知找晒未 都斷氣咯 欠1萬又係爆 欠1億都係爆 無理過

---

作者: a981142    時間: 20-6-2024 17:19

caveman10 發表於 20-6-2024 17:17
公司中小企就全部大銀行 但全部都有物業同個人擔保
個人數 就3間出名1線財 2張信用卡（因為過年前收唔到 ...

扣底二線肯借60個比你?幾期啊?
唔驚搞到資詢人,鄰居?

---

作者: caveman10    時間: 20-6-2024 17:24

a981142 發表於 20-6-2024 17:19
扣底二線肯借60個比你?幾期啊?
唔驚搞到資詢人,鄰居?

3期
上左公司大字報啦 管理處5分鐘清理晒啦 寫字樓抵押左佢鐘意點咪點囉
我無資詢人喎
私樓我都無返去住咯 都無錢供等收樓啫 又係佢鐘意點咪點囉
鄰居???自己都攪唔掂 仲要理埋人地??我無咁偉大囉

---

作者: Amylaw    時間: 20-6-2024 18:36
咁你打算點

---

作者: 望看星空    時間: 20-6-2024 22:39
樓主係做展覽定地盤生意?
加油呀

---

作者: caveman10    時間: 21-6-2024 00:15

Amylaw 發表於 20-6-2024 18:36
咁你打算點

回想起依幾年 真係經歷左好多 成長左好多 啲毛都白左好多
諗住用老友既公司 接返我啲有數找既老客戶（最長有啲合作左成20年 我用咩公司名真係無所謂架 最緊要係我本人）
細細地做下揾啖飯食算啦 唔想再食大茶飯啦
老友公司收到錢 去銀行拎現金比我 咪計返幾個點比人地囉 （咁咪唔洗同破署乞個出糧戶口囉 比佢地計完條數 草都無條生啦）
係大陸日租賓館 返工往來香港 放假多啲返澳門陪下仔女（佢地出世到依加 我掛住做 好小陪佢地 既然依加有機會或者叫借口啦 想多返啲時間睇住佢地成長）
我做左老細成20年 由當日既肌肉男變左依加既死肥佬 加上依加都4張野咯 要我落手做返 坦白講一個月做20日都極限中既極限咯
人呢。最緊要清楚之後條路 我好清晰架 養大啲仔女係我既動力 。
果啲收數佬 破產 真係諗都唔想諗佢 反正自己無錢已經係錯架啦 自己都控制唔到 要劏要殺咪過黎囉

---

作者: a981142    時間: 21-6-2024 16:34

caveman10 發表於 20-6-2024 17:24
3期
上左公司大字報啦 管理處5分鐘清理晒啦 寫字樓抵押左佢鐘意點咪點囉
我無資詢人喎

唔怪得肯借,得3期,3期你周轉到?咁都借
扣底都唔洗你比資詢人咁好?其實你無謂借錢出糧啦,得罪班收數,以後要左避右避
等員工上去勞工處,由政府出啦
收數上去,公司仲有無員工係度?係你公司黎?
一黎上門會嘈到鄰居,搵唔到你會寄信比鄰居,甚至淋埋鄰居油
鄰居受滋擾你就神憎鬼厭,大大張相貼出黎都無面啦,唔好再返去了

---

作者: bjerrykmc    時間: 21-6-2024 16:49

caveman10 發表於 21-6-2024 00:15
回想起依幾年 真係經歷左好多 成長左好多 啲毛都白左好多
諗住用老友既公司 接返我啲有數找既老客戶（最長 ...

同路人，我第一次舉手係08年果陣做生意執到錢去買樓午左右訂，點知一舖雷曼由戶口7個位數字變成負8個位，當時真係想跳樓好彩我而家個老婆打俾我（當時未結婚）無跳到落去！
到18年，同老友夾份做小食店（那渣麵）當時麵搵到個宵夜食點知又嚟疫情又輸左60幾個（人工舖食材架生）昨日再度舉手！
我成世人最好彩就係識到我老婆，唔係佢我上個個又跳，佢唔單止撐我重叫我輸左唔緊要，最緊要同佢行到行唔到為止！

---

作者: caveman10    時間: 22-6-2024 00:48
哈哈 你竾都䄂化左啲收數佬

---

作者: caveman10    時間: 22-6-2024 00:51
唔好意思 用手機板有啲唔慣

---

作者: Mgheyman    時間: 22-6-2024 07:49
師兄加油

---

作者: a981142    時間: 22-6-2024 12:35

bjerrykmc 發表於 21-6-2024 16:49
同路人，我第一次舉手係08年果陣做生意執到錢去買樓午左右訂，點知一舖雷曼由戶口7個位數字變成負8個位， ...

唔可以做公司破產清盤?一定要老闆上身?

---

作者: kungfu    時間: 22-6-2024 17:54
如果你嘅債權人都係正規機構，你乜都唔使搞，等其中一間申請你破產，過程一毫子都唔使。

---

作者: bjerrykmc    時間: 22-6-2024 17:59

a981142 發表於 22-6-2024 12:35
唔可以做公司破產清盤?一定要老闆上身?

我果陣開舖係同老友兩個夾份，佢申請BR同埋齊齊去財仔借左30幾（兩個人夾埋）至於點解離場跌左60幾係因為舖租人工架生等等

---

作者: caveman10    時間: 22-6-2024 18:35

kungfu 發表於 22-6-2024 17:54
如果你嘅債權人都係正規機構，你乜都唔使搞，等其中一間申請你破產，過程一毫子都唔使。 ...

我早幾日問6C佢都係大約咁既意思
依加 搬左返大陸 轉埋太空電話 照做野揾現金  
淨係做野揾錢果啲人有我電話 無鬼唔會死人既
財仔銀行已經揾唔到我 到時佢收樓破產果陣收唔到信收唔到電話 有無影響架??

---

作者: kungfu    時間: 22-6-2024 21:46

caveman10 發表於 22-6-2024 18:35
我早幾日問6C佢都係大約咁既意思
依加 搬左返大陸 轉埋太空電話 照做野揾現金  
淨係做野揾錢果啲人有我 ...

我冇選擇走路。

眼見財務危機已無法解決，我執咗大陸間廠（變賣所得被個大陸佬滾埋，出黑都搞唔掂），香港寫字樓逐步裁員至全體解散，同步揾個老友登記左間新公司供我將部分生意轉移過去繼續運作。

租咗兩層樓，一層供自己及屋企人住，另一層辦公用，亦係對外嘅新聯絡地址（以應付可能嘅收數佬上門），呢個地址有通知咗所有債權機構，亦有話畀佢哋知已無力還債。

幾個月後終於有銀行出手，順利破產，乜都唔使搞。

後記：只係收過追數電話，未見過收數佬

---

作者: jackywong    時間: 23-6-2024 10:47

kungfu 發表於 22-6-2024 21:46
我冇選擇走路。

眼見財務危機已無法解決，我執咗大陸間廠（變賣所得被個大陸佬滾埋，出黑都搞唔掂），香 ...

想問下銀行出手搞你破產，你需要填很多文件嗎？
聽說自己去申請破產要填很多文件的。

---

作者: kungfu    時間: 23-6-2024 13:56

jackywong 發表於 23-6-2024 10:47
想問下銀行出手搞你破產，你需要填很多文件嗎？
聽說自己去申請破產要填很多文件的。 ...

冇任何嘢要做，會收到信通知上庭，當庭頒破產令。我冇去到，不過同日有內部人士話我知如期頒令。

之後主動聯絡破署，揾到負責我個案嘅破產主任填一堆表，應該就係你講嘅文件。然後每年交報表一次，歲月靜好，四年後順利畢業，即日收到不反對解破通知書。

---

作者: whysodump    時間: 23-6-2024 14:54

kungfu 發表於 23-6-2024 13:56
冇任何嘢要做，會收到信通知上庭，當庭頒破產令。我冇去到，不過同日有內部人士話我知如期頒令。

之後主 ...

師兄，介唔介意講吓你啲債主是否全部一線銀行/財務？邊個債主出手申請你破產？同埋你啲物業最終幾耐被收回？

---

作者: kungfu    時間: 24-6-2024 17:03

whysodump 發表於 23-6-2024 14:54
師兄，介唔介意講吓你啲債主是否全部一線銀行/財務？邊個債主出手申請你破產？同埋你啲物業最終幾耐被收 ...

三間都係一線銀行。

被申請破產前，三間銀行都同意我自行出售抵押物產減債，因自賣價肯定高過銀主盤價。 所以我破產時兩袖清風，並無物業需要處理。

出手嘅係一間中資銀行。

---

作者: caveman10    時間: 2-7-2024 23:17
早2日個拍檔係公司信箱收到封法庭信件
係其中有1間財仔告我 內容係找返條數啫
區域法院既 上庭日期係6月廿幾號 但我今日先知 踢左堂
我成4個月無返香港 如果我依家入境會唔會即時專車架??
如果我一直唔理 唔出席 債權人係咪破我產??

---

作者: whysodump    時間: 3-7-2024 00:31
師兄唔洗担心，欠債唔係刑事案件，唔會入境拉人㗎！一直唔俾唔出席，自然會被破產㗎啦，乜費都慳返！想問吓告你間財仔欠幾多期佢才出手呢？我都等緊被破產，有兩間一線財務，啱啱兩期冇還，放假前每人打幾次電話嚟，但係我唔聽電話，奇怪哋今日一個電話都冇，我都唔知佢哋下一步行動係點

---

作者: caveman10    時間: 3-7-2024 00:51

whysodump 發表於 3-7-2024 00:31
師兄唔洗担心，欠債唔係刑事案件，唔會入境拉人㗎！一直唔俾唔出席，自然會被破產㗎啦，乜費都慳返！想問吓 ...

銀行就好攪笑 話我依排唔掂 可以免我3-6個月數 淨還息比我抖抖氣
如果有訂單或者合約 可以借多小小比我攬財仔數
好似好驚我攪唔掂清盤破產咁
我開頭仲以為有抵押既銀行出手收我樓隊爆我添 我銀行數計埋息都過20M
反而欠得最少銀碼頭果啲郁我先
出手告我果間係1線財黎 條數60個 36期 我供左4-5期 應該係3月尾開始無供 頭幾日打黎客氣既 大半個月之後打黎就一味吊老未咁囉

---

作者: tony浸信會    時間: 3-7-2024 07:40
如果公司audit 做得好     今日先上法援暑啦！

---

作者: MoneyZero    時間: 3-7-2024 08:18
樓主師兄 依家你果邊咩環境呀？ 我仲未入到紙（我之前開左個post都係生意蝕錢搞到搭上財仔之路）依家基本上十幾間扣底日日打黎好鬼煩又驚、屋企附近已有大字報；一日未頌破產令一日都驚緊呀，有啲又話破左都照追照搞事真係唔知點做好—.—

---

作者: mirror0822    時間: 3-7-2024 09:47
整個澳門身份証。政府年年有錢派。

---

作者: 失意中    時間: 3-7-2024 09:53

MoneyZero 發表於 3-7-2024 08:18
樓主師兄 依家你果邊咩環境呀？ 我仲未入到紙（我之前開左個post都係生意蝕錢搞到搭上財仔之路）依家基本上 ...

驚咪去搵間便宜酒店住到頒令囉

---

作者: 菲尼克    時間: 3-7-2024 10:19

MoneyZero 發表於 3-7-2024 08:18
樓主師兄 依家你果邊咩環境呀？ 我仲未入到紙（我之前開左個post都係生意蝕錢搞到搭上財仔之路）依家基本上 ...

出大字報咁堅?
叫你轉電話號碼 就講到依家都未轉
你一日比佢地打到比你 一日都唔會close file  攪到你殘

---

作者: MoneyZero    時間: 3-7-2024 11:24

失意中 發表於 3-7-2024 09:53
驚咪去搵間便宜酒店住到頒令囉

佢哋會唔會堅到搵到我住邊間架，我去咗啲朋友暫住；佢應該搵我唔到嘅。
其實佢哋都貼到周街都係 ，講真本身想還都搞到唔想還；落哂你面咁無計傾。
相反有啲都仲好聲好氣叫你入住少少先，其實老老實實到我真係有咗個破產令；佢哋仲會追到咩地步呢？

---

作者: MoneyZero    時間: 3-7-2024 11:26

菲尼克 發表於 3-7-2024 10:19
出大字報咁堅?
叫你轉電話號碼 就講到依家都未轉
你一日比佢地打到比你 一日都唔會close file  攪到你殘 ...

因為我都好矛盾
其實我同啲收數佬有吹水嘅
我都唔想佢哋係咁煩資詢人

因為啲律師都教我你未有破產定就最好唔好失蹤住
同佢地玩下拖字訣 到真係有嗰個破產零先至同佢地講你已經破咗產先至轉電話

師兄你哋過來人
呢啲扣抵才其實就算破咗產之後
佢哋會做到啲咩呢

有啲真係好鬼惡喊打喊剎咁 而家已經好似冇乜感覺

---

作者: MoneyZero    時間: 3-7-2024 11:28
我呢邊都好撚論盡 因為我公司冇周年報乜都未有

---

作者: 失意中    時間: 3-7-2024 12:15

MoneyZero 發表於 3-7-2024 11:26
因為我都好矛盾
其實我同啲收數佬有吹水嘅
我都唔想佢哋係咁煩資詢人

驚乜鬼，你只要知道，他們目的是想盡辦法屈到你比錢，其實已經知道點做，我的方法就是消失，你慢慢搵我啦

---

作者: 菲尼克    時間: 3-7-2024 13:05

MoneyZero 發表於 3-7-2024 11:26
因為我都好矛盾
其實我同啲收數佬有吹水嘅
我都唔想佢哋係咁煩資詢人

真係最影響既
佢地會打去你公司搵你 話你欠債  等你喺公司會唔會無左份工
佢地都會打去你咨詢人 打去 OR 開WHATSAPP  (其實教佢地BLOCK哂就得)
最緊要你轉電話  佢地見你消失左 就CLOSE FILE
你唔撚轉 又比你搵到 又繼續同佢地吹水  你就比哂機會佢地跟你 你就67
拿拿淋轉電話啦

---

作者: 菲尼克    時間: 3-7-2024 13:06

MoneyZero 發表於 3-7-2024 11:24
佢哋會唔會堅到搵到我住邊間架，我去咗啲朋友暫住；佢應該搵我唔到嘅。
其實佢哋都貼到周街都係 ，講真本 ...

你住邊?  既然貼到周街都係?
我差廿幾間扣底都無任何大字報

---

作者: MoneyZero    時間: 3-7-2024 14:06

菲尼克 發表於 3-7-2024 13:06
你住邊?  既然貼到周街都係?
我差廿幾間扣底都無任何大字報

師兄 你廿幾間都安然無事？
暫時一間貼咗我，但貼十張八張咁。
一時又話搞9我家人一時又話同我玩空中飛人
但係佢有冇講自己代表邊間所以我想告佢恐嚇都唔得，我本身由驚都聽到嬲到同佢鬥小

今日有啲收數打來都好惡 我同佢鬥惡囉

---

作者: MoneyZero    時間: 3-7-2024 14:08
你意思係唔轉電話佢有辦法搵到我？

---

作者: 菲尼克    時間: 3-7-2024 14:51

MoneyZero 發表於 3-7-2024 14:06
師兄 你廿幾間都安然無事？
暫時一間貼咗我，但貼十張八張咁。
一時又話搞9我家人一時又話同我玩空中飛人 ...

走數期間狂炸我電話 同 搵我屋企人
有No. 後 我即轉電話  咩都靜哂
佢地都只係間中whatsapp 炸我屋企人 但隨住日子過去就愈黎愈少
印象中 有Nｏ． 後兩星期後就無哂
公司就有人打去搵我  我叫公司既人話我無再做就無收到了

我廿幾間 全扣底  間間欠２０萬左右  仲要一期都無供
無人上門 無人貼大字 咩都無

---

作者: a981142    時間: 3-7-2024 16:50

菲尼克 發表於 3-7-2024 14:51
走數期間狂炸我電話 同 搵我屋企人
有No. 後 我即轉電話  咩都靜哂
佢地都只係間中whatsapp 炸我屋企人  ...

20間,間間20萬,咁咪400萬?

---

作者: MoneyZero    時間: 3-7-2024 17:04

菲尼克 發表於 3-7-2024 14:51
走數期間狂炸我電話 同 搵我屋企人
有No. 後 我即轉電話  咩都靜哂
佢地都只係間中whatsapp 炸我屋企人  ...

師兄好勁抽！
我都唔知點解我嗰啲少少錢都咁鬼煩
（我講緊最多嗰間都係四萬蚊）
有3間直程打嚟撳住嚟搶(三間同一個老細應該搵埋同一條友追）
全部剩番個一兩期，全部加埋爭4萬唔夠、佢話交咗俾收數 條收數話交得比我就唔知比咁少，要我除咗全清嗰四萬蚊之外 加75000手續費，咁即係冇得講la
而家日日都打嚟 又煩下我啲屋企人
我諗下一步應該到佢哋都貼街招 紅油就唔知會唔會啦咁小錢

---

作者: MoneyZero    時間: 3-7-2024 17:06

菲尼克 發表於 3-7-2024 14:51
走數期間狂炸我電話 同 搵我屋企人
有No. 後 我即轉電話  咩都靜哂
佢地都只係間中whatsapp 炸我屋企人  ...

師兄 你舉左手幾耐？
其實我而家擔心嘅係未有嗰張破產定之前佢哋唔知會點追
又唔知四年之後佢哋仲會唔會繼續追或到時滾到天文數字

---

作者: 失意中    時間: 3-7-2024 17:15

MoneyZero 發表於 3-7-2024 17:06
師兄 你舉左手幾耐？
其實我而家擔心嘅係未有嗰張破產定之前佢哋唔知會點追
又唔知四年之後佢哋仲會唔會 ...

我已經滾到天文數字啦，從20萬20年滾到幾球野，數字再大就已經唔係錢了，比你差人一個億，你覺得會有感覺嗎？？

---

作者: MoneyZero    時間: 3-7-2024 17:18

失意中 發表於 3-7-2024 17:15
我已經滾到天文數字啦，從20萬20年滾到幾球野，數字再大就已經唔係錢了，比你差人一個億，你覺得會有感覺 ...

但師兄你舉左手幾耐 啲人由舉手到今日有無做過啲咩激進嘅嘢？
我頭先講嗰間收數公司，話我要比手續費；
當我爭佢六萬蚊佢要我還13、14萬，所以我冇理佢，雖然我而家未又破產零但係根本佢就撳住嚟搶。

其實呢啲有冇得去放債人牌照度投訴？

---

作者: caveman10    時間: 3-7-2024 18:30

MoneyZero 發表於 3-7-2024 08:18
樓主師兄 依家你果邊咩環境呀？ 我仲未入到紙（我之前開左個post都係生意蝕錢搞到搭上財仔之路）依家基本上 ...

講講我近況先：搬左返澳門4個幾月無返過香港囉  銀行AUTOPAY扣到負數無交電話費都2個月囉 耳根清靜
依加開晒太空電話卡 搭好晒路架啦 準備係機場返份現金糧囉
日日港珠澳金巴往來香港澳門咁囉 一程金巴攪掂 不過來回就150蚊車錢咁囉
係自己啲兄弟公司到做囉 銀行卡電話卡都幫我安排好晒 有個架步休息 有車渣 同正常人無分別
日薪千幾蚊 如果有人射波頂多更就成3000蚊咁囉 唔算辛苦工 賣時間啫
斷供後1-2日我就搬左去澳門了 大字報係我斷供既20日就出現了 2個月後無錢交電話費被停機
依加根本電話/上門都揾我唔到 銀行就EMAIL揾我 我部份係有回覆既 之後乜數我都再無理過啦
明知耶穌都救我唔到 咪開始計劃之後條路點行囉 我真係好清晰架
琴日知道6月尾開左庭 我又踢左 咪揾啲兄弟幫手掃下雷 睇下有無其他野影響我返香港揾食條路囉

---

作者: MoneyZero    時間: 3-7-2024 18:41

caveman10 發表於 3-7-2024 18:30
講講我近況先：搬左返澳門4個幾月無返過香港囉  銀行AUTOPAY扣到負數無交電話費都2個月囉 耳根清靜
依加 ...

師兄 加油！
我情況未去到咁大鑊（我總數約40萬）
但係因為全部都係二線扣底期短加埋10幾間
所以爆哂數著哂燈供唔到了

我而家申請破產有啲難度因為我個公司仲未撤銷BR
同時間又有一條私人債比人哋告咗上小額錢債
都擔心緊我個破產係咪可以咁順利完成-.-

呢段期間都有啲收數佬不停打嚟同大字報
其實已經冇乜感覺 係最擔心會搞/影響到小朋友啫

---

作者: caveman10    時間: 3-7-2024 18:56

MoneyZero 發表於 3-7-2024 11:26
因為我都好矛盾
其實我同啲收數佬有吹水嘅
我都唔想佢哋係咁煩資詢人

如果你諗住還得起/短期內清得到既可以同佢地吹吹水等佢地唔郁你住
相反如果你計計數攪唔掂既話 同啲收數有水吹已經錯撚晒啦
資詢人又唔係擔保人 對你條屎忽數係無責任架 洗9理佢咩
我理解既扣底 有牌既頂盡咪大字報  
係無牌/電數先會淋油咁小學雞啫（主要睇下你咩相頭 咩質地 咩銀碼 睇下凶唔凶到你交啲錢出黎）
地盤佬 公仔佬 貨車佬依啲好小會淋  因為佢地都係一千幾百揾啲毛都未出齊既學生仔淋油啫
係郁啲姐姐仔 賭爆波既小朋友 屋企有大有細果啲囉

---

作者: MoneyZero    時間: 3-7-2024 19:11

caveman10 發表於 3-7-2024 18:56
如果你諗住還得起/短期內清得到既可以同佢地吹吹水等佢地唔郁你住
相反如果你計計數攪唔掂既話 同啲收數 ...

我就係你最後果句果種 屋企有大有細果隻
但真心 數目唔大 條條都三幾萬
要還唔算難但重點係佢地會唔會因為三幾萬搞咁多咁解

---

作者: caveman10    時間: 3-7-2024 19:16

MoneyZero 發表於 3-7-2024 18:41
師兄 加油！
我情況未去到咁大鑊（我總數約40萬）
但係因為全部都係二線扣底期短加埋10幾間

你有間公司就複雜好多 懂事又要離任 又要揾會計埋左盤數先 又攪你2皮野啦
盤數埋得唔靚 有機會成為告你既證據
我啲C6叫我 話無錢出糧 公司個會計走左 交唔到盤數出黎算
懂事7年無管好盤數會被告 罰2-3K算數 交盤數出黎分分鐘比債權人問到口啞啞 仲有機會告埋其他罪添
不過你欠幾十個啫 情況同我唔同 你CASE應該可以自爆 但連埋舉手+公司埋單可能要35-40K

---

作者: caveman10    時間: 3-7-2024 19:38

MoneyZero 發表於 3-7-2024 19:11
我就係你最後果句果種 屋企有大有細果隻
但真心 數目唔大 條條都三幾萬
要還唔算難但重點係佢地會唔會因 ...

你無跟佢個期準時找數
你無錢找已經係佢地眼中錯撚晒架啦
你口口聲聲話（三萬幾）啫  
但你甩期開始已經又手續費 車馬費 上門費 電話費 印刷費 乜費物費已經起個孖啦
你唔扮消失一排 單野唔會完架  
佢地認為一直仲揾到你就即係仲有機會屈你機
每日炸你機 今日話攪你媽媽 聽日攪你爸爸 後日攪你仔女 再大後日上你公司攪埋你老闆
係下幾時炸中你死穴淆底屈你交錢 你交完一次就仆街咯 沒完沒了
佢地感覺凶你係會交數喎 怯你就輸一世

---

作者: whysodump    時間: 3-7-2024 19:41

caveman10 發表於 3-7-2024 18:30
講講我近況先：搬左返澳門4個幾月無返過香港囉  銀行AUTOPAY扣到負數無交電話費都2個月囉 耳根清靜
依加 ...

師兄你斷供20日就貼大字報，邊間知唔知呀？正常一線應該唔會咁進取喎！

---

作者: MoneyZero    時間: 3-7-2024 21:00

caveman10 發表於 3-7-2024 19:16
你有間公司就複雜好多 懂事又要離任 又要揾會計埋左盤數先 又攪你2皮野啦
盤數埋得唔靚 有機會成為告你既 ...

師兄 你果然好有經驗分析得好清晰 在下佩服；）

我現階段問緊幫我搞果個律師
但三姓真係好鬼慢 問一問都隔一兩日先答到
依家最kick手應該係公司註銷呢個位
（因我一人公司 自己做零售 唔知會唔會無咁複雜）

依家啲扣底兇到埋黎都唔驚得咁多
我同屋企人講哂大家都有哂心理準備
煩都預左亦無計 鬼叫真係爭人錢咩
一有人搞事就報警 希望捱到破產令前無咁煩啦

---

作者: caveman10    時間: 3-7-2024 22:20

MoneyZero 發表於 3-7-2024 21:00
師兄 你果然好有經驗分析得好清晰 在下佩服；）

我現階段問緊幫我搞果個律師

我大約都清楚你咩環境既
1；公司董事離任 會計埋數（最少15K）比著我係你就唔攪啦
公司被清盤有好多方法既 無錢交租  無錢出糧 無錢找材料數
我見過！！有人！！用朋友間公司出啲合約出黎 公司對公司 但要加條REMARKS:
公司數要個人擔保 即係你公司如果找唔到數 會要求你個人清還咁囉。
咁人地公司就可以根據銀碼去法庭隊爆你 75K樓下係小額 依個庭唔會清/破 只係判贏輸 輸左唔找數都吹唔脹
所以你要攪既銀碼要300K起 最小要去灣仔區域法院 依間係判贏輸 輸左都係無數找就告埋清盤破產架
你有間公司 離任+埋單+自爆 都起碼35-40K 我留啲錢飲飲食食好過
同埋你全部2線TE數  無TU數破產都無用架啦 扣底TE數根本唔會告你 佢自己都身有屎
扮消失 轉電話 唔好用銀行住 玩住現金先  儲到小小錢 有錢係袋再諗啦

---

作者: caveman10    時間: 3-7-2024 22:25

whysodump 發表於 3-7-2024 19:41
師兄你斷供20日就貼大字報，邊間知唔知呀？正常一線應該唔會咁進取喎！

果條扣底2線黎 條數咁粗 肯定快手架啦

---

作者: MoneyZero    時間: 3-7-2024 22:41

caveman10 發表於 3-7-2024 22:20
我大約都清楚你咩環境既
1；公司董事離任 會計埋數（最少15K）比著我係你就唔攪啦
公司被清盤有好多方法 ...

師兄 同你講一講真心鑊益良多！
其實我講堅 破產唯一針對係啲扣底數
（我得一兩條TU數 銀碼唔大亦未去到要破）
但本身我真係拖租左幾個月依家業主告緊我小額前債 （爭佢15萬幾租 佢入院追我75000話剩餘嘅放棄）
加埋堆迫到埋身嘅扣底數10幾條
開頭諗過失蹤轉電話咁走數可唔可行
但人人都話舉左手先就有保障
所以先決定老破啦（反正日後都應該唔會打工或最多做啲現金糧嘅工）

---

作者: MoneyZero    時間: 3-7-2024 22:43
同埋真心

---

作者: MoneyZero    時間: 3-7-2024 22:45

MoneyZero 發表於 3-7-2024 22:43
同埋真心

真心 我都已經準備轉電話 我同家人都準備搬屋 其實轉哂電話地址 咁樣走數最多佢地都係轟下家人電話？所以老老豆豆 唔舉手就咁走數唔知行唔行得通

---

作者: caveman10    時間: 3-7-2024 23:10

MoneyZero 發表於 3-7-2024 22:41
師兄 同你講一講真心鑊益良多！
其實我講堅 破產唯一針對係啲扣底數
（我得一兩條TU數 銀碼唔大亦未去到 ...

你去到依個階段已經叫做覆水難收
全部走晒數佢啦 填唔掂個氹架啦
聽我講 依家你無錢做乜9都係錯架啦 無錢已經係原罪-非戰之罪
轉電話 扮消失 上門就話無依個人 唔好用銀行卡 唔好MPF 總之唔好比人查到公眾數據 無鬼唔會死人既
做下現金糧 養掂頭家先 個袋口有啲錢果陣先黎自爆都未遲 可能期間有啲盲毛頂你唔順為啖氣隊爆左你先呢
今時今日香港地 走數拖數好平常架咋 我打開門做生意 個個月都比人走數拖數架啦 唔係都唔會自己都死埋啦
財仔都係打開門做生意 同樣每日面對都係走數拖數  上年執左180間財仔呀 大把人走數啦 你條數炒埋都無一碟
班7頭有收你利息架 做生意梗係有風險架啦！！乜撚叫欠債還錢 天公地道??
唔收息借錢比你果啲親友先有資格講 還唔掂所以走銀行財仔數我覺得無咩問題喎  
總之唔好欠屋企人兄弟朋友錢仲有人睇得起你 仲有機會翻身 因為一個人連人脈都輸埋就好難翻身
做生意唔係贏就係輸架啦 至少你依幾年都成長左好多啦 一日未死就仲有機會翻身既
依加乜都唔洗理 努力揾現金 養好頭家先 收數佬當佢臭四啦 無錢還比債主 由佢鐘意告就告

---

作者: caveman10    時間: 3-7-2024 23:31

MoneyZero 發表於 3-7-2024 22:45
真心 我都已經準備轉電話 我同家人都準備搬屋 其實轉哂電話地址 咁樣走數最多佢地都係轟下家人電話？所以 ...

轉電話就首要必需要做架啦 班閪仔炸電話炸到呀叔都心理唔平衡
搬屋既話 有能力既話最好啦 反正佢都出晒大字報 依期最威水係你啦
如果無能力既 佢地上門就梗架啦 上到黎話無依個人囉
工作方面我唔擔心你 你做得生意都唔係傻閪黎架啦 肯定有啲行家兄弟射一射你 出現金架啦
老婆仔女果啲唔洗擔心 扣底2線 唔會去學校/你老婆公司（但有可能打電話老豆揾仔）、
老人家更唔洗擔心 班閪仔講野大聲少少 老人家跌親佢地頭都痛埋啦
因為你無電數 之後果啲唔洗講啦
你睇完我上面講既野 仲有無淆底先 其實你認為洗35-40K自爆有無肉痛先 痛就走住數唔好理佢住睇定啲先
走數其實無咩問題架  有得有失囉 有啲服務唔可以用自己名 一用就又老豆揾仔囉

---

作者: MoneyZero    時間: 4-7-2024 00:29
師兄 真心 睇完你回覆我又輕鬆左啲！ 你講得非常生動搞鬼笑死我！ 用班西仔形容班收數真係好好笑>.< 廿

---

作者: MoneyZero    時間: 4-7-2024 00:36

caveman10 發表於 3-7-2024 23:31
轉電話就首要必需要做架啦 班閪仔炸電話炸到呀叔都心理唔平衡
搬屋既話 有能力既話最好啦 反正佢都出晒大 ...

我睇完你講真係夜媽媽愁緊都笑出聲
其實走數同破都阻止唔到佢地追
索性走數先諗係咪更一了百了

最開頭係面子問題但既然大字報都出埋
已經無咩面子可言 加上我都神早搬左
佢地上到門都係得屋企人 佢地都醒水話無呢個人如果有人上黎

其實最驚係搞屋企人/細路，
開頭驚會唔會夾走啲屋企人
但相信無咁本事搵到啲細讀咩學校卦
加上 師兄你都話齋 二三線扣底（唔係電數）
佢地啲手法應該無咁勁卦（我諗）

如果現階段做左老破先都穩陣
（因為除左啲扣底 業主追租加一線果十幾萬都係可以避一避）
扣底話就話破左照追 我係諗唔破 兩年後條數咪好大？所以先諗把心一橫 舉左手算啦！

（題 外話，啲agent 真心熱心 佢話你無錢破我幫你搭路搵行家幫人搞 借4/5雞比你破左先 之後再慢慢還）心諗 啲Pk agent 果然想榨乾我最後一滴血！

---

作者: MoneyZero    時間: 4-7-2024 00:41
師兄 弱弱一問 老豆搵仔即係咩

---

作者: caveman10    時間: 4-7-2024 01:17

MoneyZero 發表於 4-7-2024 00:36
我睇完你講真係夜媽媽愁緊都笑出聲
其實走數同破都阻止唔到佢地追
索性走數先諗係咪更一了百了

個氹填唔掂就唔好再找啦
你個情況全部走晒數再舉手啦 唔舉手始終一世唔可以光明正大
我CASE太複雜啦 公司+個人+物業 全部數都分唔開  自爆係無可能既  
講真一句 收數佬真係無需要驚佢囉 離不開果幾味 稱不上有任何收數手法可言
你都係咪睇咁多港產片神化咗啲收數啦 睇壞腦袋
如果攪到去學校肯定報警攪死條閪仔 差佬肯定要財仔交人架
條閪仔打份閪工 岩岩好最低工資 都係用把閪口凶下人 睇下有無盲毛課金啫

---

作者: caveman10    時間: 4-7-2024 01:26

MoneyZero 發表於 4-7-2024 00:41
師兄 弱弱一問 老豆搵仔即係咩

老豆搵仔即係咩??
大概咪啫係起到你底 之後咪再攪你囉
你有間公司係度 咪咁老定自爆呀  依加因為你負債
就算會計計好數都好 你公司盤數AUDITOR都唔知敢唔敢同你簽名埋單 同埋唔知收你咩價錢

---

作者: whysodump    時間: 4-7-2024 04:14
其實電數冇你哋想像咁恐怖！我屋企人兩年前，幾十條二、三線扣底財加電數（我估幾條），收皮最快嘅係電數！可能數目唔大，電數都冇可能借得大！同埋電數冇牌，告又告你唔入，我話冇借過，你都吹我唔賬！借得扣底就預佢攪你幾個月啦，破咗就消失㗎啦！

---

作者: caveman10    時間: 4-7-2024 07:26

whysodump 發表於 4-7-2024 04:14
其實電數冇你哋想像咁恐怖！我屋企人兩年前，幾十條二、三線扣底財加電數（我估幾條），收皮最快嘅係電數！ ...

我理解既電話數呢
係啲自己錢銀有限 但揾到金主既古惑仔攪既
有身份証都有1皮 6/7折實收 幾撚大生意都係放3-5皮
行動組果班都係邨童 小頭目廿幾歲 帶住班靚仔都係十幾歲學生哥學人跟大佬 咪聽呀大講淋油 燒車咁囉
做完野有三兩百蚊人工 有酒飲有女溝 好撚威架
所以我咪話電話數小學雞 真係諗唔掂啲小朋友諗乜 離不開淋油燒車

---

作者: MoneyZero    時間: 4-7-2024 07:41

caveman10 發表於 4-7-2024 01:26
老豆搵仔即係咩??
大概咪啫係起到你底 之後咪再攪你囉
你有間公司係度 咪咁老定自爆呀  依加因為你負債

我一睇到你啲形容詞就笑左出聲 師兄
我依家都係煩緊公司結業呢個位會影響同拖慢左申請破產個時效！
但都要拿拿聲搞左先 啲扣底我諗住三轉應該避得哂
最怕係連累到家人啫 之前睇睇埋埋啲新聞
一單又話學校門口淋紅油 一單又話禁錮左唔知幾多日（好似仲係個女仔比人搞鬼埋）
心諗大鑊啦屋企有大有細真係捉左一個禁錮都搞唔掂

啲大字報都好pk 寫哂重酬又貼埋家人相
哎 咁樣避哂 滋擾可避但都唔知比人貼相果啲搞幾耐先完
（搞到出街都驚 唔知會唔會比人點埋相）

---

作者: MoneyZero    時間: 4-7-2024 07:42

whysodump 發表於 4-7-2024 04:14
其實電數冇你哋想像咁恐怖！我屋企人兩年前，幾十條二、三線扣底財加電數（我估幾條），收皮最快嘅係電數！ ...

扣底果啲最瘋狂做過啲咩師兄？
當時你家人啲數大唔大呀

---

作者: caveman10    時間: 4-7-2024 07:54

MoneyZero 發表於 4-7-2024 07:41
我一睇到你啲形容詞就笑左出聲 師兄
我依家都係煩緊公司結業呢個位會影響同拖慢左申請破產個時效！
但都 ...

屌 你借到盡都係扣低啫
上到門揾到你啲屋企人 一句：我唔識條7頭 無依個人 關我撚事 佢地立即收皮啦
邊個借咪揾邊個囉 依度真係無依個人喎 再唔走報警架啦  重覆2-3次 就斷尾
岩岩我見你講班閪仔話同你話空中飛人??
我本人鐘意玩唱遊後花園 同佢BOOK定時間啦
我約定班南亞仔 呀頭1皮 靚仔5K/1位 整個全餐佢食吓啦 保證佢地飽
成日講上門加幾皮 佢地加幾多個套餐就幾飽咪掂囉

---

作者: caveman10    時間: 4-7-2024 08:10

caveman10 發表於 4-7-2024 07:54
屌 你借到盡都係扣低啫
上到門揾到你啲屋企人 一句：我唔識條7頭 無依個人 關我撚事 佢地立即收皮啦
邊 ...

依加上門收數都係孖咇 1大1細 1個有經驗既老鬼+條靚仔
呀叔當年都係一個有錢既古感仔好撚串架 依加係一個無錢既死肥佬 回晒塘
講玩野呀叔第一個舉腳去玩呀

---

作者: MoneyZero    時間: 4-7-2024 09:29

caveman10 發表於 4-7-2024 08:10
依加上門收數都係孖咇 1大1細 1個有經驗既老鬼+條靚仔
呀叔當年都係一個有錢既古感仔好撚串架 依加係一個 ...

我真係比你神早笑死我
其實之前佢貼完大字報我已經覺得無咩好驚
反正佢哋都做齊晒收數嘅動作
屋企人嚟緊都就嚟搬 所以呢段時間點解我唔完全失蹤 繼續同佢吹水等佢以為我仲喺度住
我屋企人一走晒我就即刻轉電話
自己都三轉 所以唯一真係驚佢有辦法搵到啲小朋友喺邊度讀書摷我出嚟啫 不過摷到出嚟又做得啲咩呢
（你啱啱講呢個南亞兄弟呢條橋幾好）

---

作者: whysodump    時間: 4-7-2024 10:37

MoneyZero 發表於 4-7-2024 07:42
扣底果啲最瘋狂做過啲咩師兄？
當時你家人啲數大唔大呀

我家人條數係大概3千萬，扣底數百幾萬啫

---

作者: MoneyZero    時間: 4-7-2024 11:09

whysodump 發表於 4-7-2024 10:37
我家人條數係大概3千萬，扣底數百幾萬啫

咁大銀碼佢哋都冇做任何嘢？
老老實實其實我轉咗電話三轉佢哋仲會做到啲咩呢

---

作者: whysodump    時間: 4-7-2024 13:33
其實如果你唔想扣底收數煩你屋企人，你接電話比人????吓、拖吓佢就OK, 打電話比你咨詢人或上屋企都係搵你唔到啫！佢當年就係開頭玩失蹤，班收數咪去煩屋企人囉，後期知道被破產咪接電話，玩拖字訣，最終頒令之後就少咗好多電話滋擾啦

---

作者: MoneyZero    時間: 4-7-2024 17:19

whysodump 發表於 4-7-2024 13:33
其實如果你唔想扣底收數煩你屋企人，你接電話比人????吓、拖吓佢就OK, 打電話比你咨詢人或上屋企都係搵你唔 ...

我而家都係久唔久早午晚覆一個短訊
因為完全唔覆我就係知佢會狂轟屋企人
其實有好多都係剩返一期兩期
但係真係供唔掂所以先至要搞到咁

---

作者: whysodump    時間: 4-7-2024 18:10

MoneyZero 發表於 4-7-2024 17:19
我而家都係久唔久早午晚覆一個短訊
因為完全唔覆我就係知佢會狂轟屋企人
其實有好多都係剩返一期兩期

師兄，好多供剩一兩期，咩????蘇佢啦，比息都比夠有凸啦，有錢都留番自己旁身

---

作者: MoneyZero    時間: 4-7-2024 19:06
我而家都係咁諗 反正都打算舉手 不過有一兩間呢都好有偈傾嘅 有啲仲要係生肉俾我 我就有啲覺得好似負左佢哋咁

---

歡迎光臨 破產聯盟 (https://hkiva.org/)

Powered by Discuz! X3