破產聯盟
標題: 填初步訊問好煩惱.....請指教! [打印本頁]
作者: wingcat 時間: 5-11-2015 17:21
標題: 填初步訊問好煩惱.....請指教!
之前我借錢做生意失敗左，去到無曬辦法還唔到所以申請破產。依家做緊PART TIME SALES, 月入係5000-14000之間遊走(視乎開到幾多單)。我唔想俾屋企人見到破產署寄信黎，間會計就教我會借人地址報俾6C整宣誓文件, 6C都唔知個地址係假。以前2間公司, 一間A公司做緊註銷(程序未完成), 一間B公司轉左名俾人做, 但呢D情況會計都無同6C講, 好趕急做左宣誓。我D保險轉左名, 但宣誓後發現有一份醫療唔轉得名, 我就轉左用朋友戶口月繳, 而宣誓時唔記得呢份就簽左話無保險......依家填初步訊問好煩惱.....請指教!
1) PART C自營作業話要交過去2年的公司會計紀錄, 即是我2間公司都要俾會計文件及所有單據給主任嗎？搬公司時賣左嘅存貨/傢具真係要詳細列出的嗎？
2) 之前因為諗住上大陸註廠，上年年尾用永久離港理由攞曬mpf出黎，但最後生意失敗，長註不成，6c都有叫我搵番d資料mpf嘅公3用左去邊，但我依家望住d銀行紀錄真係佢識我我唔識佢。。。。對唔番d錢用左去邊係咪會好大鑊嫁?
3) 水電煤嘅單如果我依家先用番屋企地址，唔同當初宣誓地址可以的嗎？
4)依家先申報有醫療保險得唔得嫁?其實破產人士可唔可以有保險嫁?
5) 其實我連申請破產嘅錢都係問朋友借，可唔可以同破產官講埋，計入每月支出呢？
6)我見個官係律師樓嘅，係咪即是外判呢？
7)我係9月尾宣誓，11/24先上庭，已經用左1次暫時解凍信攞錢，但1個月嘅糧真係捱唔到去11月尾.......我係咪可以同個官申請攞多次錢呢？請問有無師兄師姐試過?易唔易申請嫁?要大約等幾耐呢？
8)如果我見官嘅時候文件唔齊，佢係咪唔會即時俾解凍戶口信我呢?
好多問題。。。。麻煩各位幫忙解惑一下。。。不勝感激!
作者: wingcat 時間: 16-11-2015 12:05
請問有c兄c姐可以幫忙解答一下嗎？
作者: flypig 時間: 16-11-2015 13:21
間會計就教我會借人地址報俾6C整宣誓文件, 6C都唔知個地址係假。
間會計係咩??顧問???收幾錢?? 唔...點解唔用 郵遞轉寄,租多個 GPO BOX 即可...
1) PART C自營作業話要交過去2年的公司會計紀錄, 即是我2間公司都要俾會計文件及所有單據給主任嗎？搬公司時賣左嘅存貨/傢具真係要詳細列出的嗎？
我又唔明.點解唔執左兩間公司先破??咁就算兩間公司有咩問題,都唔會阻到你老破.
宜家你都搵左 會計,盤數佢負責.你問番佢地喇...呢D 都係關 報稅事,唔係點關老破事.
2) 之前因為諗住上大陸註廠，上年年尾用永久離港理由攞曬mpf出黎，但最後生意失敗，長註不成，6c都有叫我搵番d資料mpf嘅公3用左去邊，但我依家望住d銀行紀錄真係佢識我我唔識佢。。。。對唔番d錢用左去邊係咪會好大鑊嫁?
有權懷疑你資產轉移.咁都好麻煩下.老破最驚D人收埋一舊錢...所以會CHECK 得比較嚴.
你有齊 BANK STATEMENT 都砌唔出??不如努力再砌番佢好過.
3) 水電煤嘅單如果我依家先用番屋企地址，唔同當初宣誓地址可以的嗎？
到時可以解釋,又搬番去原來地址了.咁可能你要快快搞個 郵遞轉寄服務了.如果唔夠時間,你就要作個藉口了.
但如果 提供失實地址,理論上係犯法的...即提供虛假證明.當然人地未必告.但無奶油你同老破署講你呃佢姐...
到時人地好難做.所以,你想個好藉口.
4)依家先申報有醫療保險得唔得嫁?其實破產人士可唔可以有保險嫁?
籍單D,你要補番俾 破署.你話漏左....你 CALL 番主任(或者經番律師)...
5) 其實我連申請破產嘅錢都係問朋友借，可唔可以同破產官講埋，計入每月支出呢？
你係唔係想講破後問人借錢得唔得...答案係,可以... provided 你事先通知對方你產已破...
點解要計入每月支出??老馮嗎???老馮就係資助....其實你唔需要報上去,直到年結...你到時就寫 abc 借你 100k.
6)我見個官係律師樓嘅，係咪即是外判呢？
可能係.亦有可能只收文件.
7)我係9月尾宣誓，11/24先上庭，已經用左1次暫時解凍信攞錢，但1個月嘅糧真係捱唔到去11月尾.......我係咪可以同個官申請攞多次錢呢？請問有無師兄師姐試過?易唔易申請嫁?要大約等幾耐呢？
你等頒令後(即11月24日)同外判/主任傾傾...佢地會教你.
8)如果我見官嘅時候文件唔齊，佢係咪唔會即時俾解凍戶口信我呢?
可能!!!! 咩叫唔齊??唔齊到未頒令住嗎?????
作者: flypig 時間: 16-11-2015 13:26
我見到樓主,d 野唔組織好,好隨意就去老破.
特別係搞生意.一時就 砌唔番條數,唔知 mpf d錢去邊.一時又漏報保險.(似有心呃呃乙水乙水)
你咁樣,隨時 延遲老破.到時 d收數真係會上門架,或者打電話俾你親友.
好處係,你再唔需要 暪住屋企人. 
壞處就係即爆喇!!!!!
作者: admin 時間: 16-11-2015 13:38
朱哥，真係英明。
應該有d野
作者: flypig 時間: 16-11-2015 13:43
我見到幾個新一代視老破非常之 CASUAL 
好似落街去 老 MAC 買個飽.
作者: admin 時間: 16-11-2015 22:53
去 M 記買包一D也不兒嬉！
要深呼吸，跟住講：
好 chok 咁：我要一個包，it is the shot, yeah, that is it。而家我鐘意的包，M 記都有得食啦！La la la la la
作者: wingcat 時間: 18-11-2015 02:41
我搵羅x會計幫我搞破嫁，佢有叫我用郵寄轉遞，不過去到郵局佢話我仲住緊，唔俾我申請，所以羅x叫我問人借住地址收信先，早估填表要我交單我就唔借，再試第2間郵局啦。
作者: wingcat 時間: 18-11-2015 02:45
如果你地覺得好好笑甘，甘就算，我去律c樓宣誓，個律c都未知我有開過公司，間羅x都無同律c講清楚。如果唔係搞唔掂條數都唔洗破。我以為呢度大家真心互相幫忙，左估唔到攞左黎同老麥開玩笑。
作者: wingcat 時間: 18-11-2015 02:55
執公司同破產無關係的吧?唔執都仲要俾br錢，會計錢，唔執唔洗還錢就話姐。係甘啱搞破嘅時候整緊執公司。 銀行statement有攞番，只係我無記住邊條數還邊間銀行，又驚有d自己生活費搞亂左會俾官話姐。 準備24號頒令嘅文件應該無問題嘅，係準備緊頒令後5日內見官嘅文件，驚到時官話我俾佢計開支d資料唔齊，唔知會唔會影響我解凍戶口。因為我依家用緊9月嘅糧捱到11月尾。。。。。
作者: flypig 時間: 18-11-2015 02:58
羅x會計，有無核數師牌？
其實大家唔好勞氣住。以我睇法，破產係好嚴肅的事。所以破之前，一定要好小心睇哂有咩要準備，而唔係俾左錢就想住收錢那一間公司會搞掂。
作者: wingcat 時間: 18-11-2015 02:59
flypig,謝謝你嘅解答。 延遲老破即係頒令都未係正式申請到破產嗎？
作者: flypig 時間: 18-11-2015 03:02
本帖最後由 flypig 於 18-11-2015 03:14 編輯
如果頒了令即係破了產。但你11月24先頒令，要祈求當日順風順水。
作者: flypig 時間: 18-11-2015 03:05
有哂statement 就盡砌。應該拆得掂。
因為我覺得，你只要列一個 in ,一個out ，總數o岩就可以。
因為錢係無記認，唔需要一定係邊筆錢找邊筆。
作者: flypig 時間: 18-11-2015 03:07
你早d 上黎我教你點同佢周旋麻。因為你唔係第一個俾郵局reject.其實佢真係多鬼魚。
作者: flypig 時間: 18-11-2015 03:11
5) 其實我連申請破產嘅錢都係問朋友借，可唔可以同破產官講埋，計入每月支出呢？
我之前睇錯左。。。有一樣野叫受委託人。佢會決定接唔接受你朋友係債權人之一。問題黎喇。你有心寫朋友做債權人，應申破時寫好。宜家點加，你要問受委託人。即主任外判個d.而如果你朋友過數，係經銀行，就可成為證據。但要受委託人決定。
作者: hohochi 時間: 18-11-2015 17:50
我諗樓主意思係想用生洞活費當支出去還朋友架債。
答: 唔得架，破左產就唔可以私下還錢，破之前如果有明顯架錢係用於還錢俾朋友都唔得破署可以會出信要求你朋友嘔番出黎。
作者: hohochi 時間: 18-11-2015 17:55
本帖最後由 hohochi 於 18-11-2015 17:59 編輯
7)我係9月尾宣誓，11/24先上庭，已經用左1次暫時解凍信攞錢，但1個月嘅糧真係捱唔到去11月尾.......我係咪可以同個官申請攞多次錢呢？請問有無師兄師姐試過?易唔易申請嫁?要大約等幾耐呢？
一次解凍信真係得一次 用左就無第二次要等頒左之後正式解凍戶口先得，問下老細可唔可以出現金票或現金
8)如果我見官嘅時候文件唔齊，佢係咪唔會即時俾解凍戶口信我呢?
係用黎出糧就預備工作證明同想保留果一個戶口架簿仔或資料，可能會要求你頒令後打多次簿，到正式頒令果日即時打俾主任申請解凍。
作者: flypig 時間: 18-11-2015 18:57
都係你聰明d.知道樓主心意
作者: wingcat 時間: 18-11-2015 21:22
其實我個case都係複雜左d嘅，原本見羅x都好似多人搵，上到去都幾正路甘就搵佢幫我啦。因為渣x還min pay，佢話我拖得耐條數又大，再唔還就要出動收數組，我都只能搞破產。(問過幾間會計，律師都話我收入不穩做唔到drp/v)。 - 24號律c會代我上庭，甘應該唔會答錯野啦。時間愈來愈近，我就愈緊張...... 甘我仲可唔可以係初步訊問份件填番屋企地址，去郵局搞番個gpo box呢？ - 如果唔可以名正言順申報還錢俾朋友，唯有私下係生活費攞黎還啦... - 呢間羅x真係有好有唔好，佢俾我分2次付款，但要隱瞞左我d資料無同律c講，搞到我宣誓個日無報公司資料(因為律c再重新整文件，但我已經拖唔到銀行)，依家公司資料要自己搞同面對破產官=_=" 如果呢度有人係搞生意破產，請指點一二點準備文件好d,謝謝! Thanks flypig and hohochi
作者: Mr_Wrong 時間: 18-11-2015 21:39
flypig 發表於 18-11-2015 03:07
你早d 上黎我教你點同佢周旋麻。因為你唔係第一個俾郵局reject.其實佢真係多鬼魚。 ...
唔好意思，我想問下可以怎樣周旋？我已租用P.O. Box，亦打算申請郵件轉遞，怕被reject…… 煩請指教一下！
作者: flypig 時間: 18-11-2015 21:41
24號頒令，你唔夠時間搞郵遞轉寄了。
一般要預3星期。
作者: flypig 時間: 18-11-2015 21:42
羅x 搞破，收你幾錢先？？
另外公司盤數，又收幾多？
作者: wingcat 時間: 18-11-2015 21:46
羅x收18500，包曬破產費+律師代我上庭+銀行攞一次錢個封信。
作者: wingcat 時間: 18-11-2015 21:49
公司無賺賺錢，我另外嘅會計公司做緊，無係羅x做嫁。 甘我應該借埋朋友嘅水電單? 我怕依家填左屋企地址，d文件會寄黎屋企咋。依家朋友幫我代收信的。
作者: flypig 時間: 18-11-2015 22:46
咁唔算貴！！！
作者: flypig 時間: 18-11-2015 22:49
你申破時最好想埋。我只可以話，你咁做俾人發覺機會不高。我不建議，但亦不反對。呢個方法係最簡單。但後果自負。
作者: flypig 時間: 18-11-2015 22:50
本帖最後由 flypig 於 18-11-2015 22:52 編輯
去郵局大家吹之麻！！如果住私人樓。。。
郵：點解要轉王：唔！我準備退租番大陸長駐一輪。短期內唔番香港。
郵：咁你屋企人呢？？
王：移民哂喇！宜家係同住。但唔係親朋。
作者: Mr_Wrong 時間: 18-11-2015 23:07
flypig 發表於 18-11-2015 22:50
去郵局大家吹之麻！！如果住私人樓。。。
郵：點解要轉王：唔！我準備退租番大陸長駐一輪。短期內唔番香港 ...
明白，明白！Thanks a lot！
作者: flypig 時間: 18-11-2015 23:28
如果一間黃左，就去第二間。
前幾個月有版友同你一樣俾人reject.後來去第二間搞定了！！
作者: wingcat 時間: 19-11-2015 16:25
所以我都唔知羅x蠢定我太信佢，唉
作者: DW123 時間: 20-11-2015 10:23
你又會咁老實話比人聽你仲住緊
作者: wingcat 時間: 20-11-2015 17:42
我唔知要咩條件先租得gro box丫麻。。。。。
| 歡迎光臨 破產聯盟 (https://hkiva.org/) |
Powered by Discuz! X3 |