破產聯盟

標題: 打去律師樓問破產，被建議iva? [打印本頁]

作者: orewa_j 時間: 20-10-2015 08:32
標題: 打去律師樓問破產，被建議iva?
如題。爬文不少師兄提過iva其實同破產其實同破產冇太大分別，未來都係申請唔到信用咭，借貸，按揭等等……小弟並非什麼專業人仕，所以求指教。對個人來講，iva每月還多少少但年期多3年左右。請賜教，感激。

作者: flypig 時間: 20-10-2015 10:02
我睇IVA 又要搞上庭, 堂費律師費樣樣都係$$$$$$..都係 SIDE GAS 多.
出面答得好奇,話間間收費不同,難以比較 IVA 定 DPR 邊間貴D.

照計就 IVA 揚D,但將來都可以做MORTGAGE. 不過就要等多幾年,利息又高D咁....
銀行都係計風險姐. 老破都有機做MORTGAGE,但就更加難.

作者: Alex2233 時間: 20-10-2015 13:40
本帖最後由 Alex2233 於 20-10-2015 13:49 編輯

拿，按揭就做唔到架啦

卡既話，搵間細行，好似AEXX，

同佢冇牙齒印既話，三五年後都有機會申請到，

一兩萬limit都夠你用，見過鬼你都唔方會再用黎碌LV同撈架啦，

都係為求方便，好似網購，買機票咁，唔洗下下借人地張卡

睇你介唔介意呢d代價啦

作者: Alex2233 時間: 20-10-2015 13:41
本帖最後由 Alex2233 於 20-10-2015 14:18 編輯

至於你想iva定破產

你盤條收支數過我地睇睇先？
就咁聽你講，iva還又還多d仲要多三年，成七年喎，你貴更呀，
你人生有冇十個七年都係未知之數

付出七年過呢d壓力生活，你又頂唔頂得順，後果係好過破產少少既，仲有機會做按揭，
但你自問係咪置業份子先，如果你係低下階層，
晒氣啦，比你置業即係做多三十年奴隸
遲d未供完都香能埋，咁就對牛彈琴，你都用唔到個按揭機會，辛苦iva完，還番晒比佢，你得到既價值如果用唔著，都冇用
唔通真係純粹為個義字咩

d壓力係有分別
Iva七年係有負擔，一定要每個月穩定收入，
如果你條數比例大，生活費仲少過破產後，
挨麵包去還錢，還完冇數為，你制唔制？

冇得話好似破產咁，失業就失業，有工番就番，總之四年就埋單

你show D數字睇睇先，就咁聽連iva都要七年，我唔覺得對你黎講係細數
睇你月入幾多，欠幾多先

作者: flypig 時間: 20-10-2015 16:54

Alex2233 發表於 20-10-2015 13:41
至於你想iva定破產

你盤條收支數過我地睇睇先？

但你自問係咪置業份子先，如果你係低下階層，
晒氣啦，比你置業即係做多三十年奴隸

Good Point!!! 應該去排公屋更加快.

作者: orewa_j 時間: 20-10-2015 17:18
揾17000

作者: orewa_j 時間: 20-10-2015 17:18
外債around460000

作者: orewa_j 時間: 20-10-2015 17:20
置業，屋企有物業，將來或會1開2，所以有機會會供樓。

作者: Alex2233 時間: 20-10-2015 17:24
本帖最後由 Alex2233 於 20-10-2015 17:30 編輯

17000收入，如果有公屋住，冇債係身，都應該夠食夠住夠基本娛樂

樓就買唔到架啦，而家d樓非牛肺都要三四百個.......

啦啦啦，唔好講咁遠先啦

你而家連債都未搞諗，黎緊十年冇橫財既話，都莫講話置業啦

你萬七蚊收入，咁總數欠幾多？

我好奇怪，點解你話iva要供成七年，個數應該唔細個律師都sell 你iva
極度懷疑佢係水緊你，

.你打電話問，佢態度一定唔好，佢好忙架

作者: flypig 時間: 20-10-2015 17:33
IVA 又好,DPR 又好,都有個 RISK.
就係唔少例子,供到最後2-3年被炒....
全部企哂係度.

宜家D 工就係咁.美國佬公司,做得好賣盤.做得差執.
以前架仔,華人,都叫大家撐到尾.但呢十年,個個都學美國佬.
時代唔同左.除非少數工種,職業.大家要考慮埋呢個風險.

作者: Alex2233 時間: 20-10-2015 17:33
本帖最後由 Alex2233 於 20-10-2015 18:03 編輯

即係你屋企人有樓？

你話一開二，邊個幫你供？

單憑你？窄d喎，你都話非專業人士，即係人工升值既潛力唔大，機會率低，值搏率又低左
萬七蚊，我當你去到兩三萬，有冇能力供得起，供得掂都唔方輕鬆，想做三十年樓奴？你而家連四十萬都頭痕成咁，
你真係玩得起四百幾萬既樓？

你有冇父幹？女朋友，配偶分擔力強唔強，都係考慮因素

講到咁遠

你要還起呢四十幾萬，都睇怕5-7年

再由零開始
儲首期，你唔會一成首期就去馬吧？

儲完首期幾多歲

你有冇信心handle到，供完後幾多歲
層樓仲值幾多錢

有冇命享？都係考慮因素
如果你千算萬算，發覺9成都會置業，你可以iva

之不過咁講，如果你第時配偶有事業基礎，非無業主婦

根本可以用佢個名黎買樓（前提有信心層樓用佢名，唔會玩離婚）
佢負責供，而你雖然破過產，你既人工則用黎維持生計，供完後再加番你名
夫妻就係互助，唔會話一定買唔到。

作者: orewa_j 時間: 20-10-2015 18:05
所以我都覺得奇怪，點解間律師樓會建議我iva..... 佢地約左我下星期上去見下佢地負責果位顧問，我問佢「顧問？」佢答「我地律師行內的顧問，同你分析下個case睇下點解決」

作者: orewa_j 時間: 20-10-2015 18:07
會唔會連律師行都呃人……

作者: Smiley 時間: 20-10-2015 18:10

orewa_j 發表於 20-10-2015 18:05
所以我都覺得奇怪，點解間律師樓會建議我iva..... 佢地約左我下星期上去見下佢地負責果位顧問，我問佢「 ...

圍威喂,搭單搵食?

作者: Alex2233 時間: 20-10-2015 18:12
本帖最後由 Alex2233 於 20-10-2015 18:18 編輯

律師都係為左生意，唔好認為佢會認真幫你考慮
心直口快果d直頭問：你想破定iva，破產呀？哦，拎xxxx文件，15000，照單汁藥

你破產好，iva好，都係為左賺錢
唔好諗到佢幾好人，佢地肯定唔係社工，神父

律師先係黑暗同冇道德操守，唔係都唔會幫果d真係犯法既有錢佬打甩d罪
你呢d case賺得幾千蚊，速速磅咪兩頭望啦

你上去問清楚係咪真係有律師牌，會代埋你上庭，收費大約13000-16000 （因為有9045係申破費，正常律師行係食水4000左右

作者: orewa_j 時間: 20-10-2015 18:23
我個人其實係打算申破的，佢收14500包上庭。係打開報紙睇到的。昨日上網search到d師兄成日提果間殺手外判，原來都另外有搞債務顧問公司！吊！真係夾埋搵食！？

作者: Alex2233 時間: 20-10-2015 18:26

orewa_j 發表於 20-10-2015 18:23
我個人其實係打算申破的，佢收14500包上庭。係打開報紙睇到的。昨日上網search到d師兄成日提果間殺手 ...

大把律師行做雙面人架啦

如果你有心機填表，抽到時間自己上庭（例牌星期二），不如自己搞9045蚊

如果你冇樓冇車冇保險

基本上就係填個人資料，B表無抵押債既債主資料、欠額項，同埋強積金

服務又唔係好，比多四千幾蚊為乜

作者: Smiley 時間: 20-10-2015 18:35

orewa_j 發表於 20-10-2015 18:23
我個人其實係打算申破的，佢收14500包上庭。係打開報紙睇到的。昨日上網search到d師兄成日提果間殺手 ...

我剛申破拎到檔案no. ,我情況同你差唔多,18000人工,差50幾60個把心一橫都係需要申破,
因為IVA,DRP呢啲申請唔成功係照收費(如有錯請指正)

買樓又唔輪到我,我自己係咁諗,就算比你成功搞到IVA或DRP

而家市道咁差,學樓上話齋供剩2-3年先黎有咩特發事,你就真係企定定響到

作者: orewa_j 時間: 20-10-2015 19:36
alex兄，我之前都pm過你我case。3年前賣過樓，屋企車係我名，數又新又因為賭。唔揾律師自己搞唔掂。同意iva一陣供供下搞唔掂又係死……

作者: Alex2233 時間: 20-10-2015 19:43
咁你搵律師好d啦

三年前賣樓應該唔大問題，都成三年，
不過問下律師好

而家仲有架車係你名？冇硬都似

作者: orewa_j 時間: 20-10-2015 19:57
下星期見律師同社工

作者: Smiley 時間: 20-10-2015 20:44
原來你又賣過樓又有車，唔怪得會搲你做iva，

不過你最好睇下朋友有無啲相熟律師問清問楚好啲

太詳細嘅嘢我真係無本事答到你，祝你好運

作者: orewa_j 時間: 20-10-2015 20:51
多謝各c兄回覆，其實已經決心揾律師搞。只係想睇下後果大概係點。坐監，有諗過會發生，所謂是禍躲不過，我都冇咩期望。

作者: Smiley 時間: 20-10-2015 20:52
樓主，無哂積分私聊啦我，不如係呢個po到繼續啦

作者: orewa_j 時間: 20-10-2015 20:56
smiley兄，你人工高6c可以報到你唔使還？

作者: Alex2233 時間: 20-10-2015 20:57
坐監就極微架啦

你連罪名都冇頭緒，你怕會無中生有

只不過你都幾煩，有車，又要交出黎賣

賣樓，理論上超過兩年唔會問，就算問，你咪講去左邊，賭輸，炒輸，直說，無罪

同埋你住緊屋企私樓，生活費連租都claim唔到，一陣生活費得8千蚊真係唔得你死（你月入都17000），相當蝕卓

除非你搬出去，立份租約

作者: orewa_j 時間: 20-10-2015 21:01
樓，仲解釋得到，曾經有年幾冇野做。立租約，但唔係真搬，拎多左都怕冇命享。

作者: Smiley 時間: 20-10-2015 21:03
我申破原因，係因為我做嗰行大蕭條，減薪大概三份一人工，完全入不敷支，
當然申破前都已經非常揸頸就命，生活費未傾，但如果單身無負擔實要還嫁啦，除非失業，
欠債還錢天經地義

作者: orewa_j 時間: 20-10-2015 21:04
今日俾個社工嚇一嚇，話賭破有機俾人告。查實，講來講去，最難交待嘅係家人。

作者: Alex2233 時間: 20-10-2015 21:14
本帖最後由 Alex2233 於 20-10-2015 21:18 編輯

我當初咪又係比社工同律師嚇

律師仲話我d數太新唔幫我搞，挑佢當時擺明歧視我兼嫌我煩

我自己填表自己搞，仲慳返5千

當初成身數，聽佢地講兩講又真係會騰雞

到破產後先發覺係比人拋，佢地淨係識不停講，

下你咁快申破，有機會比銀行告架喎

當時心水唔清

心水清即刻疾番佢，用邊一條告？

詐騙罪？證據呢，d債新d同舊d，點定義，三個月，四個月，五個月？

法律例有冇例明？

某程度上佢地嚇你係基於

1.歧視你賭仔，輸錢，

2.道德上身，覺得你賭輸錢而破好賤格，局你真金白銀還返晒，唔想你破

作者: Smiley 時間: 20-10-2015 21:21
本帖最後由 Smiley 於 20-10-2015 21:22 編輯

對家人一定要坦白，最後一步如果都唔坦白，真係無野可以再做，

行到呢一步無人想嘅，今日唔體諒你唔代表他日唔會體諒你，

好似我而家咁，我第一時間同屋企人講，再同公司講，基本上我已經無野再驚

追數更加唔洗再怕，黑財另計

肯行出第一步，自然識行第二步，最緊要面對，好多人就係唔肯面對，結果走去自殺

其實破產係一個重生嘅機會，唔係最後一步，睇開啲，努力

作者: Smiley 時間: 20-10-2015 21:30

Alex2233 發表於 20-10-2015 21:14
我當初咪又係比社工同律師嚇

律師仲話我d數太新唔幫我搞，挑佢當時擺明歧視我兼嫌我煩

今日6c收到文件fax左去所有債權人後未通知我，
其中一間二線已經打黎拋我，仲快過6c通知，又話告我欺詐
我同佢講我而家係入不敷支還唔起，唔係借你條數即刻走去申破，
你要告我直接寄信比我，我收到後會同律師傾，跟住佢就嬲爆爆收線

作者: Alex2233 時間: 20-10-2015 21:33

Smiley 發表於 20-10-2015 21:30
今日6c收到文件fax左去所有債權人後未通知我，
其中一間二線已經打黎拋我，仲快過6c通知，又話告我欺詐
...

遇到清醒既人梗係嬲到爆炸

作者: Smiley 時間: 20-10-2015 21:37
佢仲想chok我搏我講錯野有錄音，但奈何我句句屬實，佢越講越悔氣，我都無可奈何。。。

作者: orewa_j 時間: 20-10-2015 21:41
我家人响呢3年，幫過我好幾次，次次戒在冇耐，又賭返。我好似人格分裂咁。正路嘅我同自己講浸住輸嘅遊戲邊好玩，收手啦。但另一面嘅我，就會同自己講，如果每日執啲，長遠計追得返。所以先揾社工幫手

作者: Smiley 時間: 20-10-2015 21:46
心癮，靠自己，社工都未必幫到你，佢嘅角色只係多個人聽你呻

作者: orewa_j 時間: 20-10-2015 21:52
因為賭，我講左好多大話，其實我好討厭自己咁。申破，至少我以後無法法再借貸同有信用咭，冇晒呢啲途徑，自然唔會有錢賭。2,3線果啲，我真係冇膽幫襯

作者: Smiley 時間: 20-10-2015 22:00
決定左就快實行，我呢五六年都講左唔小大話，
係夠期埋單就無得再呃嫁啦，我地都應該慶幸香港有破產

作者: orewa_j 時間: 20-10-2015 22:04
有好多文件要準備好先，其實我仲未被追數，所以要把握時間整理好文件野

作者: Smiley 時間: 20-10-2015 22:08
我都係知道黎緊還唔起，就去申破，所以我而家全部債都未到下期還款日

作者: orewa_j 時間: 20-10-2015 22:16
我等星期五出完糧，之後下星期見埋律師同社工。師兄你還左幾多期？

作者: Smiley 時間: 20-10-2015 22:20
1年，3個月，minpay

作者: orewa_j 時間: 20-10-2015 22:22
我還左1期咋

作者: Smiley 時間: 20-10-2015 22:26
我個6c同我講如果證明到你資不抵債就可以申破，

關於法律細節上嘅問題，你問返你律師比較好

作者: orewa_j 時間: 20-10-2015 22:53
幫到手的律師不易找，不過版規規定唔可以問所以我唔問了。打開報纸睇到了幾間，爬文又見到其他c兄話三姓麻麻。

作者: Smiley 時間: 20-10-2015 23:23
本帖最後由 Smiley 於 20-10-2015 23:26 編輯

我都係跟版規玩，所以我唔會介紹，我仲有好長日子係到打躉嫁嘛

我嗰個都係朋友介紹，你問下身邊嘅朋友

作者: orewa_j 時間: 22-10-2015 17:29
1個鐘前同朋友介紹的律師傾過，佢建議我供多1期先申破，因為我極短時間累積到呢個數，怕我真係會比人告……唉，點會咁架……

作者: hohochi 時間: 22-10-2015 17:32

orewa_j 發表於 22-10-2015 17:29
1個鐘前同朋友介紹的律師傾過，佢建議我供多1期先申破，因為我極短時間累積到呢個數，怕我真係會比人告…… ...

6C做野梗係提你小心為上

作者: orewa_j 時間: 22-10-2015 17:34
至弊佢話我決定夾硬做的話佢未必幫我做……

作者: Alex2233 時間: 22-10-2015 18:05
你前幾日話會約律師傾，都估到會係咁，冇講出黎咁解

我當初律師用同一個理由唔幫我做，我話照去，佢都唔做，一於好少理

最後自己爬文，自己搞，9045搞掂，你不妨考慮下自已搞

最緊要而家冇樓係你名，債項唔難填，車照報，頒令後主任安排點收你架車，份表唔難寫

作者: Alex2233 時間: 22-10-2015 18:10
本帖最後由 Alex2233 於 22-10-2015 18:12 編輯

orewa_j 發表於 22-10-2015 17:29
1個鐘前同朋友介紹的律師傾過，佢建議我供多1期先申破，因為我極短時間累積到呢個數，怕我真係會比人告…… ...

咪講左囉！

佢廢是比債權人找麻煩，話呢條仆街咁快破產你都幫佢，有冇搞能錯呀

又或者純粹拋你，佢懷疑你仲收埋錢唔還，如果你真係收埋番十萬八萬，呢招咪有用，迫你現真身，手段而已，睇你都睇唔透

你自己申算吧啦，
只要你d錢只要真係輸晒，冇收埋，根本無關係，冇犯法

佢根本列唔出個實際證據，用邊條罪明，用咩證據support，你反問下佢，佢即刻收聲，惱羞成怒，再cut你線，唔做你生意

作者: orewa_j 時間: 22-10-2015 22:40
個6c唔衰嘅咁又，佢叫我諗清楚先

作者: flypig 時間: 22-10-2015 23:16
Alex 申破之前都有少少迷惘，但佢好清楚知道自己做咩。
我睇法係，如果能力範圍之內，就聽律師講頂多一兩期。撐唔到都要自己搞。可以講風險有，但唔太大。但呢d野你自己想清楚。因為後果都係要自負。

作者: Alex2233 時間: 22-10-2015 23:43
本帖最後由 Alex2233 於 22-10-2015 23:47 編輯

orewa_j 發表於 22-10-2015 22:40
個6c唔衰嘅咁又，佢叫我諗清楚先

我就咁聽你家境都唔算慘

你家人本身已好有本事，
又唔洗靠你養

如果你月入又17000又唔洗養人，

應該都有一萬左右淨吧

如果還多一期都係用多一萬左右，
有錢淨既，你咪供埋佢

最多還新數，舊數唔夠還咪拖住先，下個月再破

律師唔做，係因為唔信你輸晒，如果你真係偷偷摸摸收埋一舊錢，又爆左煲，佢有責任，所以佢地一定拒絕

你唔想頂，唔想再浪費時間受壓力，自己過兩日去申破都得

前提你真係自問真係輸晒就得

作者: orewa_j 時間: 23-10-2015 00:18
早排打算申破時在信用咭提埋最後萬幾出來，因為要生活開支同準備隨時申請，呢段時間經常上來forum，所以重有萬鬆啲淨，跟住過2日又出糧。2條loan分期我供到，係咭min pay唔知找唔找好，夾埋要過萬。2樣都找，就唔會被追住，找loan唔找card或2樣都唔找，就點都被追，2樣找我又唔夠錢生活。情況就係咁，已開始收到兄弟咭的電話同sms了。

作者: Alex2233 時間: 23-10-2015 00:40

orewa_j 發表於 23-10-2015 00:18
早排打算申破時在信用咭提埋最後萬幾出來，因為要生活開支同準備隨時申請，呢段時間經常上來forum，所以重 ...

1.選擇性找數，一線/舊數唔找住，找二線/新數先，面對既騷擾減到最少

2.兩條都唔找，自己入紙，入完即刻無騷擾

歡迎光臨破產聯盟 (https://hkiva.org/)