破產聯盟

標題: 破產已經比左條生路 [打印本頁]

作者: admin 時間: 17-10-2015 01:57
標題: 破產已經比左條生路
我只想講，

各會員可以想象一下。

未破之前，每月要跑山，東借西借，神憎鬼壓。借到朋友街頭見到你，轉個身就走。你個電話就係佢個 reject list。hk junk call 上高就 mark 左你係借錢怪！

而家破，雖然生活仍然困苦，但是照計都好好多。可以正常生活。

咁點解重要想D辦法，美其名增加生活費，或者產生不存在的債項，或者試圖去搞資產轉移呢？

我唔講道德，人格，但是真係以為外判，破產主任是 Peter 仔？

4年比人監管，係4年內，真係可以呃到盡？

作者: cc4321 時間: 17-10-2015 07:33
本帖最後由 cc4321 於 17-10-2015 07:34 編輯

呢D說話我早就想講,只係怕得罪人,而家連ADMIN都出聲我都趁熱鬧加兩咀

我好同意你咁講,我係好多想盡方法加大生活費避還錢POST都係咁講,好多師兄都覺得破左就唔應該再還錢,就算還一蚊佢地都嫌多,不停諗好多唔係理由理由去避開還錢,又要人教係點作大生活費(耐何又有師兄同佢地癲),收到花紅要點報先可以唔洗上繳,搵份出現金工作就可以避左申報,講到批咁低生活費點生活,佢地又唔諗下未破前生活係點慘,破左生活點計都一定好過未破前,唔係破黎貪得意,欠債還錢天經地義,你無錢還去搞破產最大損失係邊個?破左借錢比你基本上無得全數拎返,而家仲要諗方法左避右避,換個角度睇你係債主有咩想法,生活好左就要知足,唔知足將來解破後好有可能會重滔覆轍,我都希望各師兄好再教佢地亂報生活費,咁做真係有可能害到佢地

作者: 重新戰士 時間: 17-10-2015 08:53
我可唔可以講2句

作者: flypig 時間: 17-10-2015 11:04
其實絕大部分破左好過未破時。但小部分的基本開支<<收入。平時基本開支唔夠生活，要靠借貸。另一類係以前有樓，預左要增加屋租，本身亦搵唔多。上面兩種最大問題係有個老婆可能有病唔做得野，又有細路。呢種情況另到佢地破左都唔掂。簡單地講，佢地係陷入結構性財困。要開源節流先拆得掂。淨係老破都唔得掂。

作者: flypig 時間: 17-10-2015 11:12
我個底線就係，唔好惹刑事上身。好多post 講現金工，真係衰左，監都有得坐。呢個論壇有兩種好極端的朋友。一係極度騰雞。連過馬路衝唔衝燈都問下。另一種係藝高人膽大，連出糧都想隱瞞部分薪水。

佢地咁諗野，基本上係因為搞不清楚狀況。可能正正因為心裡沒有底，不知從何入手，所以更顯出呢個論壇的重要。

作者: bbb123456 時間: 17-10-2015 14:23
ADMIN大人講呢番話就好多分量啦~

作者: Alex2233 時間: 17-10-2015 15:57
本帖最後由 Alex2233 於 17-10-2015 16:07 編輯

flypig 發表於 17-10-2015 11:12
我個底線就係，唔好惹刑事上身。好多post 講現金工，真係衰左，監都有得坐。呢個論壇有兩種好極端的朋友。 ...

我既宗旨係

擺到面前有得比你拎，就梗係拎到盡，自己洗好過，無理由留番比外判買蛋撻
之前有會員話，同父母同住，又話父母覺得佢破產好冇道德，就連租金都唔claim番份比例，咁又戇居左d

相反有d就計到盡，向到問多左錢可唔可以報落進修，咁就唔洗還

真係極端到不得了

總之呢，唔好踩過界，涉及犯法既野，搏多果一千幾百，就真係唔抵

作者: DW123 時間: 17-10-2015 17:34

Alex2233 發表於 17-10-2015 15:57
我既宗旨係

擺到面前有得比你拎，就梗係拎到盡，自己洗好過，無理由留番比外判買蛋撻

對號入坐先

佢地都係擔心自己個身份因為我搞老破而被起底煩埋佢地，而係佢地面前自己又已經無晒誠信可言，最後都係由得佢地咁諗無同佢地爭辯

總之跟足規距去行，唔好過界就得。而家只係比破處限制住你既財政已經算係一種自由好多既「監禁」，乜都計到盡仲要過埋界，你會連最後既自由都無埋

作者: WINGLOK 時間: 18-10-2015 16:35
老破批既生活費，其實比起周街街數既時候好多，大家

作者: WINGLOK 時間: 18-10-2015 16:37
冇謂為左小小既上撽左計右計

作者: 重新戰士 時間: 18-10-2015 23:26
我加入破聯既日子都叫做非常淺，但我留意到好多舊同學既一種文化！我唔敢話呢種文化是咪破聯特有。但是就非常異常！

新會員既POST永遠都係以下流程:

脫期(驚有收數上門，有好多都未上門)→申請破產(開始問幾時有NUMBER)→頒左令(又好想知道俾主任定外判)→開大會(又驚判俾唔知道要還幾多，都唔知道驚乜，完全理解唔到。係到出POST無非都係得一個目的，知道多D料睇下點樣報對自己最有利)→問始破產期(又開始諗點樣還少D，出左雙糧又點可以走左佢唔俾人知)→完左4年後(又開如話冇信用卡唔方便，又話要按揭買樓)

期實所有問題，最控制唔到就係收數呢PART。既然一開始已經解決左，點解仲要搞咁多樣野。大家一開始唔係想停上收數行動咩???點解去到第2步已經完全變晒質。
(最搞笑我地又有人陪佢講，點樣報多D生活費。見到人地批1萬，自己9千又話唔抵*最好自己唔駛還*)

仲有....呢到有幾多人真係知道破產之後既後遺症有幾多嘛????

我希望大家明白或者理解一下，每個人既前途都會有唔同，相對地破左產要付出既代價既會有所不同！有D人破左產賺晒，有D永不翻身！*唔好再下下叫人破產啦*

呢到有好多舊會員成日都講自己當日點，我真係想講:你地所講，所知道既事都唔係實之全部(有D直頭100%水份)。

就假設你講出黎每一句都係事實！但是所有事情都會根據時代進步而改變。所以當天"對"，今天已經是"錯"！

欠債還錢，天公地道。
你有盡力還錢，完左咪有機會再批卡俾你囉！
你冇還過，你自己係銀行仲會唔會批呢??
係得破聯，得罪一句:有咩人可以一筆過去再買樓丫。大家咪又係去供....家陣冇人做按揭咪慘過死！到時候先後悔多左個破產身份就唔抵

總結:路係自己揀，仆街唔好喊！

作者: wahtung 時間: 19-10-2015 00:50

重新戰士發表於 18-10-2015 23:26
我加入破聯既日子都叫做非常淺，但我留意到好多舊同學既一種文化！我唔敢話呢種文化是咪破聯特有。但是就非 ...

眼瞓,聽日再補充

作者: 重新戰士 時間: 19-10-2015 18:45
其實於我個人㴝講，銀行真是又愛又恨！

作者: wahtung 時間: 19-10-2015 22:09
其實會唔會解破後的人士與剛入學心態唔同?

,無記錯幾年前政府的六仟元派錢計劃大多數人都絞盡腦汁要攞盡

作者: 新世界 時間: 20-10-2015 00:13
其實成功申請破產，已經係一個新開始，至少可以重新做人對家人負責對另一伴負責

作者: Yuequ520 時間: 20-10-2015 01:13
見大家感，我講返幾句，破佐好過成日俾人追數，擔驚受怕囖，要還幾多係注定的。

作者: kumiko1030 時間: 20-10-2015 03:31
其實我覺得我破咗係完全失去咗自由= =" 以前唔破我仲可以名正言順問馬會拎錢洗，宜家破咗，連生活樂趣都冇咗。唔係身體情況突然轉差到無能力再返全職，再加埋個官無厘頭的判決我真係唔會諗住破。有數嚮身的日子，我未試過俾人追過數，因為每期馬會都會定時定候俾返一千幾百嚟用。宜家冇咗bonus有少少失落

作者: sydney2000 時間: 20-10-2015 22:43

kumiko1030 發表於 20-10-2015 03:31
其實我覺得我破咗係完全失去咗自由= =" 以前唔破我仲可以名正言順問馬會拎錢洗，宜家破咗，連生活樂趣都冇 ...

生活樂趣,可以幫襯3哥,或者外圍哥哥

作者: kumiko1030 時間: 21-10-2015 04:52

sydney2000 發表於 20-10-2015 22:43
生活樂趣,可以幫襯3哥,或者外圍哥哥

有幫襯緊三哥，但衝極都上唔到二千分

作者: kumiko1030 時間: 21-10-2015 04:56

sydney2000 發表於 20-10-2015 22:43
生活樂趣,可以幫襯3哥,或者外圍哥哥

諗返以前60蚊收900幾，100蚊收二千幾，30蚊收千幾，300變4000，真係風頭一時無兩。齋買$10注位置過關2x3每場兩隻，都可以由$80變$2500真係好風光。嗰陣完全唔擔心唔夠錢用

作者: orewa_j 時間: 21-10-2015 16:52
嘩，師兄/姐眼光好準

作者: kumiko1030 時間: 21-10-2015 19:34

orewa_j 發表於 21-10-2015 16:52
嘩，師兄/姐眼光好準

有運嘛，我亂買都中。

2x3=6
1+10=11
3+6=9
9+3=12
4x3=12
2+4=6
2x4=8

真係加減乘除是但嚟買，買馬名、買檔位、買騎師、買馬號，打橫打直買都中

作者: kln747 時間: 21-10-2015 22:21

kumiko1030 發表於 21-10-2015 19:34
有運嘛，我亂買都中。

2x3=6

其實你係唔係賭神嘅師姐

作者: wahtung 時間: 21-10-2015 22:56
破產已經比左條生路→路係自己揀，仆街唔好喊→趁熱鬧加兩咀→呢個論壇有兩種好極端的朋友,係極度騰雞,另一種係藝高人膽大→擺到面前有得比你拎，就梗係拎到盡→銀行真是又愛又恨→六仟元派錢計劃大多數人都絞盡腦汁要攞盡→宜家冇咗bonus有少少失落→生活樂趣,可以幫襯3哥,或者外圍哥哥→師兄/姐眼光好準→打橫打直買都中→賭神嘅師姐????

話題越扯越複雜

作者: orewa_j 時間: 21-10-2015 23:02
我估，總有些朋友，人工唔差，破同唔破，每個月要還嘅金額都差唔多，所以多考慮。或者因為自身情況條件不利，令還嘅錢甚至更多，先會有所謂想拎到盡的情況……

作者: kumiko1030 時間: 22-10-2015 05:38

kln747 發表於 21-10-2015 22:21
其實你係唔係賭神嘅師姐

唔係，只係有第六感加睇馬。不過2012年開始，單睇馬匹狀態已經冇可能可以贏錢。

我2010-2011年馬季，睇晨操，加亂撞號碼
2011-2012年，除馬匹狀態外，另加騎練組合
2012-2013年，已走騎練路線加陰謀論
2013-2014年，騎練加陰謀論加操練時間加操練手法
2014-2015年，騎練加燈黨
2015-2016年，燈黨

歡迎光臨破產聯盟 (https://hkiva.org/)