破產聯盟

標題: 填表一問 [打印本頁]

作者: EWB 時間: 25-1-2014 05:02
標題: 填表一問
大家好，有d野想問 !!  申請破產之後係咪要填一份叫 "對破產人初步詢問" 既問卷呢？  這份野咩時間填呢？出左破產令後去見破產官時間填和交 or…？  但面份野問得好詳細喎…詳細過要申請破產時喎…!!! 而且，好多問題我都唔太明佢想問咩…真係好複雜咁!!!!
而另一份叫 "每月收入與開支平估表格" 又要幾時填和交呢？咁個份又同我申請破產時初初個份28c 內填既支出有咩分別呢？  係咪要填番一樣內容呢？

再者，我又見佢個份野要交出支出文件，係咪一定要比曬呢？有d 唔比又有冇大問題呢？始終，例如: 睇醫生個d貴開支唔係一定個個月有…和費用一樣…!!! 因我見佢要比副本既單句都好多…，但除左水，電，煤，電話費，上網費有實際單據外，其他真係未必比得出太多和太details 喎…!!! 如果比唔曬咁 detail，咁會唔會到時批生活費變好少呢？始終要衣食住行其他洗費…尤其女性更加多女性什費喎 (例如 : 化妝品，女性用品…等)，仲有隱形眼鏡每日用既野…咁個d我點批比我去開支呢？而事實上，個d亦係差唔多每日要用既野既費用嘛！
我真係覺得好煩…好煩!!! 點解28c咁簡單，反而之後咁複雜呢？  希望各位可以教教我點做先係最好和真係批比我既生活費正常!!!
其實，我一家三口 (2公婆和阿媽)，但老公只賺一萬，佢仲要供養佢阿媽，所以，我阿媽佢冇能力負責，而我地報稅表一向都各自有填供養阿媽個欄，所以，真係除左水，電煤和租個d叫公用，其他個d真係我自己和供養阿媽費用，請大家可以分享下或教我點填先批得最合理嗎？

作者: Heihei 時間: 25-1-2014 14:00
問卷你越早填越好，因為裡面有D野係要你準備的。如MPF戶口資料、水電煠單、報稅表......問卷同收支平估表係你頒完令之後5日內要交的。同28C一樣就得，但有少少出入應該無問題。COPY比得幾多就幾多.....至於個D女性什費可以係家庭雜項個到計哂。你都唔洗唸到咁複雜，你每個月既基本開資填哂就OK，個個月要睇醫生? 是否長期病患? 我都唔信可況個官/債權人，有D未發生既野個官/債權人係唔會睬你的。係個官/債權人既眼中有D咩野無左你係唔洗死的，化妝品呢D無左你係唔會死，隱形眼鏡每日用都唔洗每日買，你都係一次買一個月既用量，債權人則會覺得唔載隱形眼鏡轉反有匡眼鏡你唔會死......所以你要係債權人個角度唸。供養父母大約批1000-1500 1位(聽CHING講)......你填你母親就要比埋ID COPY佢...........

作者: EWB 時間: 25-1-2014 17:53

Heihei 發表於 25-1-2014 14:00
問卷你越早填越好，因為裡面有D野係要你準備的。如MPF戶口資料、水電煠單、報稅表......問卷同收支平估表係 ...

供養父母得一千至千五，報稅額平均每個月都有5千元一個月啦！1千蚊佢真係食粥水呀？至於其他，因為要返工見工等必須用嘛！

作者: Heihei 時間: 25-1-2014 18:22
咁.......就仲簡單啦，你應為係必須嘅咁你要用幾多寫幾多咪得囉，有咩好煩？

作者: Heihei 時間: 25-1-2014 18:23
本帖最後由 Heihei 於 25-1-2014 18:32 編輯

同埋，你不如爬下舊文先啦。其實破產人係一定有嘅責任，每個破產人都一定有佢嘅因由，但決定呢件事發生之前一定要清楚知道生活上有好多限制。都係個句你覺得必須的未必係債權人覺得必須。

歡迎光臨破產聯盟 (https://hkiva.org/)