熱度 3|
踏出機場第一眼的台中,有種"就是這樣"的感覺。
見到接機架車,都不禁苦笑,使唔使咁大架呀!?
大約40分鐘就到達旅店,嘩!驚艷!
整條走廊都充滿設計感,
房間雖小,但設計得好舒服、好靚!
休息一陣才想起未買電話卡,落街行咗一圈,問咗2間都買唔到,
返旅店叫架的士直接去逢甲行夜市,因為問咗人話逢甲嗰邊有"大哥大"。
呢個的士司機叫阿貴,充份表現出台中人嘅熱誠同好客,沿途除了介紹景點外,講到仔仔讀書嘅事,佢不但有傾佢仔女讀書嘅經驗,仲有教我哋去申請讀書津貼等,最後更比埋咭片,拍哂心口叫我哋放心,話我哋個仔喺嗰邊生活,遇到乜嘢問題,即管揾佢,一定幫手咁話!
當然,我只係當客氣說話啫,不過,過幾日仲有啲嘢係關於呢位阿貴哥嘅,遲啲再講。
半個多鐘頭車程就到,阿貴哥指埋比我睇附近"大哥大"嘅位置,我就諗住行一陣再去開咭。
星期四晚就已經人山人海,水洩不通,假期時侯環境也可以想像了。
呢個"便所"招牌好過引,不過我無入到去
全場最正呢2樣,抵食加好味,正!
啲蝦好多種口味嘅,買咗一合返旅店消夜
行行吓竟然揾唔返路去"大哥大",結果繞咗好大個圈至揾到.......
開完張電話咭已經差唔多11點囉,仲好似越來越多人咁。
上架的士返旅店食大蝦。
第一天就咁過去......
20202003: 台灣 D 夜市 熱鬧過香港好多!!!
因為香港扮晒高級 ~~~~~ 唉 ~!!!
bb_q_888: 10十下皇帝房,加大頭蝦....與出電話,一頭好"旺"開始.
温sir: 都唔算嘅......台灣 D 夜市 咪同 香港 女人街 差唔多
不過嗰邊就熱鬧好多....好多囉
你10月幾時去呀? ...
温sir: 嘩!妳仲誇過我!.....出電話"咭"咋
....鴨舌無買到呀!太陽餅食唔食??.........不過都好似派哂囉 ...
Powered by Discuz! X3
© 2001-2013 Comsenz Inc.