「大飽口福」港分店突結業

wahtung

上個月我哋趕到尾班車喎

再有大量團購促銷的食肆結業！在內地有多間分店的「大飽口福」，設於香港銅鑼灣的唯一分店昨日突然結業，公司表明會按勞工法賠償給受結業影響的員工，以及在下月支付所有貨款予供應商。

發售該食肆團購券的Groupon向本報表示，會於下期經信用卡戶口退款給已團購的消費者，但就拒絕透露受影響人數。香港消費者委員會表示截至昨午未有接獲相關投訴。

Groupon早前售出的大飽口福團購券，分別是一百四十八元自助晚餐券及九十八元的消夜券，受影響人士可致電2342 2889或電郵support@groupon.hk安排退款。

大飽口福位於銅鑼灣伊利莎伯大廈二樓的店舖外，昨已張貼多張招租告示，另大飽口福亦貼出了三張告示，大意指由於經營成本持續高漲，該分店昨起暫停營業，所有員工按僱傭合約發放薪酬及代通知金，但國內分店會繼續營業，待香港經營成本回落至合理水平時，希望能於香港再次提供自助餐服務。

經營僅11個月口碑差昨日最少有兩名供應商登門了解，但均拒絕透露被拖欠的款額數目，其中酒行代表郭先生稱，前晚接獲該店通知昨起結業，並承諾下月初清還貨款，由於大飽口福在內地仍有四、五間分店，故他不擔心未能討回貨款，他前來是了解如何能取回借給食肆的器材。

記者現場所見有人在舖內執拾東西，但對方否認是大飽口福的職員或負責人，聲稱是依利莎伯大廈的職員，負責開門讓執達吏入舖盤點。

公司註冊處資料顯示，大飽口福以「大飽口福環球自助美食有限公司」名字註冊，董事為周德成，該公司經營至今僅十一個月。

有購買了大飽口福團購券的巿民在Groupon的facebook留言指：「即係話遲遲訂唔到枱可能仲好過喺訂枱及食物上都受咗唔少氣嘅朋友，依家大飽口福嘅網站已經開唔到，大家趁呢幾日仲留到言就快D申訴。」不過，有巿民留言指：「打咗去，佢話大約四至六個星期先退到款。」早前亦有巿民留言，批評大飽口福的晚餐令人失望，亦有投訴消夜自助餐「呃錢呃到不得了」。

消委會提醒巿民光顧預繳式消費時要小心，消委會今年首六個月接獲二千一百四十九宗涉及團購的投訴，一一年全年有五百四十八宗，一○年只有兩宗，顯示涉及團購的投訴大幅飆升。



http://the-sun.on.cc/cnt/news/20120724/00407_037.html

清風

好彩趕到,唔係就得啖笑

wahtung

清風 发表于 24-7-2012 13:25
好彩趕到,唔係就得啖笑

係呀,所有團購乃晒嘢

smallcat

wahtung 发表于 24-7-2012 13:27
係呀,所有團購乃晒嘢

咁快  ?  

japanesegirl

wahtung 发表于 24-7-2012 13:27
係呀,所有團購乃晒嘢

我地好好彩！

smallcat

又係團購 陷阱

smallcat

  等我發起 DaDa寫真集團購, 好似唔銷路......., 等我親自去傾, 1元一本

smallcat

Groupon 個朵 已經, 咁攪法 香港團購公司好快收.......... 畫皮

wahtung

smallcat 发表于 24-7-2012 13:49
等我發起 DaDa寫真集團購, 好似唔銷路......., 等我親自去傾, 1元一本  ...

咁快啲搞啦

wahtung

smallcat 发表于 24-7-2012 13:48
又係團購 陷阱

睇你夠唔夠運,係有風險

301

意料中事,
類似既好多,仲捱緊.

股市再冧,可能又執多間.

wahtung

japanesegirl 发表于 24-7-2012 13:48
我地好好彩！

係呀,之前我都領咗嘢,米線果單嘢我都係呢處講過,今次我哋算好彩

wahtung

301 发表于 24-7-2012 13:52
意料中事,
類似既好多,仲捱緊.

所以如大額盡量唔好團購

smallcat

已開始感到 經濟轉壞的感覺 .........   西班牙好快出事

smallcat

wahtung 发表于 24-7-2012 13:52
睇你夠唔夠運,係有風險

東莞 鞋廠, led 廠已經結業潮及破產潮再來, 強國正苦真係 底x死, 依家有錢就玩九d 廠家, A稅b稅萬歲萬萬稅成本高到不得了
人地依家已經去東南亞等地設廠  

wahtung

smallcat 发表于 24-7-2012 13:56
已開始感到 經濟轉壞的感覺 .........   西班牙好快出事

都唔使諗咁多,要愁大把人愁,全世界氣候係咁未必係怪事,重新洗牌啫

smallcat

wahtung 发表于 24-7-2012 13:59
都唔使諗咁多,要愁大把人愁,全世界氣候係咁未必係怪事,重新洗牌啫 ...

洗牌, d 2 仔 煙士都係使比 浸鷹哥既朋友  唔係普通市民

wahtung

smallcat 发表于 24-7-2012 14:01
洗牌, d 2 仔 煙士都係使比 浸鷹哥既朋友  唔係普通市民

全球性嘛,你估浸鷹隻手遮天咩

wahtung

smallcat 发表于 24-7-2012 13:58
東莞 鞋廠, led 廠已經結業潮及破產潮再來, 強國正苦真係 底x死, 依家有錢就玩九d 廠家, A稅b稅萬歲萬萬 ...

我就唔信歐美經濟差唔會影響强角

smallcat

wahtung 发表于 24-7-2012 14:24
全球性嘛,你估浸鷹隻手遮天咩

浸鷹 d 飯唔係比 羅飯飯堂食咩 ?