破產 FAQ 39- 如何在頒領後取得解凍信

roy

當正式頒領後,立即打比主任講要求申請開戶信.你試下同佢講份工好難拎假,希望即日來取信.以我所知,大部份都肯的,如果真係吾肯,你再要求明天上來拎,總知希望盡快拎到啦.

你係電話到,講出你係解凍邊間銀行,戶口號碼.而你要預備上去交既文件係銀行戶口首頁及最尾個頁的copy,工作証明(糧單或合約証明).
仲有一封簡單申請信內容,內容如下:
姓名:XXX
ID No:XXXXXXX
破產編號:XXXXXXXX
邊間銀行及A/C No: XX銀行,A/C:XXXXXXXXXXXXX
原因:XXXXXXXXXXXX

你記住拎左封信後對清楚信內的銀行A/C No是否正確,以免行多轉.
你拎住封信去銀行搞手續,一般都好快,而且個戶口即刻用到.不過如果你係中銀,就要去返你開戶銀行搞.

至於怎樣聯絡你位主任電話及地址,你大約在頒領前一星期會收到信,裡面會有資料.

roy

網友dik06的分享,係未正式頒令前可向破署申請解凍一個月嘅生活費.

原帖由 dik06 於 2009-3-19 22:29 發表
係可以解凍
因為你一入紙後,就算你嘅戶口有冇比人凍結都唔可以郁動你戶口入面d錢
但係响未正式頒令前,呢段時間你係需要生活費,咁你就入紙申請解凍一個月嘅生活費(响出糧戶口)
係可以唔需要比錢律師攪解凍戶口,不過你入紙申請破產後要盡早去攪解凍戶口,因為都要排期上庭嘅
我有個朋友都係揾我幫佢攪解凍戶口

另外網友van分享有關解凍戶口部門服務時間.

原帖由 van 於 2009-3-19 20:02 發表
今日終於申請左破產了......
感覺好似如釋重負.....
第一時間fax份表格3俾各債主,暫停追數行動....
不過今日有d問題發生
1.因為個人自己攪,真係(呢)咁hea,下午先去到,過左時間(3:00)攪唔到戶口解凍,之後請唔到假整, 月尾份糧都唔知點.....(呢度提醒各位巴打,攪戶口解凍既counter係收3:00.....請預早少少時間)

2.最尾影完印交份正本form俾存檔counter,佢唔收我份稅單/月結單既資料??各位brother知道會有問題嗎(係連id copy 都無收,只係收左28c同表格3正本)......
交份copy俾破產管理處時就係自己唔小心,又係只俾左28c同表格3......(我d資料都幾多,影印都影左成$40....)...

[ 本帖最後由 roy 於 2009-3-19 22:46 編輯 ]

roy

網友vickipig頒領後取得解凍信資料.

原帖由 vickipig 於 2009-6-13 21:43 發表
以我既經驗~你要用一張A4寫以下既野..
致破產管理署XXX主任:
    本人現致函申請有關開新戶口事宜,本人有關詳情如下:
             姓名英文+中文)
             身分證NO.:
             開戶銀行:
             原因:
             現有顧主:
             顧主地址:
             現有職位:
             有關薪酬:
最後簽番你個大名同日期就得架喇...
fax 呢張野同埋你既人工証明(如合約/糧單)
最好FAX之前打俾主任,我建議你神咁早就打俾佢,因為佢地好多時下午都唔係OFFICE...
打完俾佢話想即日拎(好D語氣喎..),佢一定答你盡可能啦咁既~咁你就最好出定去金鐘,等到咁上下睇佢打唔打俾你..
如果到3點都唔打俾你既話,你就自己走上去政府合署11樓,係門口個電話打內線俾佢/佢助手,咁佢就通常都會即刻俾你,佢問你話冇叫你上去既話,你咪話可能係自己誤會左今日有得拎,唔好意思呀之類既說話啦~咁就得架喇~
呢D野係我去交文件個時個個律師教我架!!希望幫到你啦~

roy

網友CPKing分享:

申請銀行開戶信貼士
好似我冇乜寫過 有關申請 銀行開戶信嘅，貼士 wor...

1) 基於你唔煩破產主任，佢地多數就唔多理你嘅大原則之下，將來有乜乜物物申請，建議大家都[先]以書面申請，即係唔好乜义野都打電話比佢。

2) 寫申請銀行開戶信比主任，內容必需要包括:-
a) 破署檔案號碼
b) 破產人姓名
c) 身分證號碼
d) 破產人聯絡電話
e) 申請理由，如出糧用，就要附上顧主証明信 或 合約[副本]
f) 顧主名稱，地址，電話 及Fax 就 [暫時唔駛]
g) 受顧職位，薪金及津貼

3) 一般，主任收到你書面申請後，大概第2天中午前，佢就會打電話約你下午或明天上去見個面，傾幾句，再比封信你。如果你唔係噤急要，約遲d見面比較好。

4) 取開戶信時，主任會比張正式申請表格你再填過的，內容同上面所講差唔多的。

5) Sorry，唔係好記得駛唔駛寫顧主電話或Fax號碼 tim? 但請放心，破署係唔會無啦啦揾你顧主的。除非顧主係自己做翻公積金，即唔係政府強制個隻；因為主任要[問]顧主攞d文件睇。

6) 想快，就去郵[局]寄信，通常今朝寄，明早破署會收到，中午左右就到主任手。

7) 取信後去到銀行時，留意有冇private booth空咗(即做大客個d位)，有就細細聲同職員講，想private小小，通常佢地會安排的。


有機會見主任，就揾張紙寫低有無其他野要問，佢地通常預1粒鐘同你[慢慢傾] 的。重有，主任好醒的，你千其咪老點佢，你老老實實，佢會幫(提)你的。

如有講漏，講錯，請大家補充/指正，唔該！