本帖最后由 smallcat 于 18-1-2012 11:53 编辑
 終於去左債權人會議 現簡單說明一下比將來有機會去既師兄師姐有個心理準備
會議前
只需要早5分鐘到已經好足夠, 太早去都係要等, 其實好易搵, 去到政府大樓中間既位置, 有自動電梯, 長長又黑黑地咁, 就衝喇, 真係幾長, 無估錯都有3層樓咁, 上到去頂就會見到有個大堂, 咁去翻左邊就係上10樓既lift! 到左10樓有兩邊, 好簡單, 唔係主任做野個邊, 係去詢問處個邊, 直接問個詢問處職員佢會叫你搵個位坐, 等夠鐘有人叫名! 基本上個邊係唔夠位坐既, 不過, 都無所謂, 在等途中會見到有D類似顧問既男女,會教D人點攪, 大家唔使理當睇下戲咁得喇!
到夠鐘, 會有個職員叫名, 基本上叫左好似10個名, 但有一半人係無出現, ok喇, 有名就跟職員去翻另一邊, 即係主任工作個邊會有個會議室, 入去會望到有主任坐, 有外判職員坐, 房間唔係好大, 咁D師兄師姐大家就坐在一排既椅上, 自己揀個靚位, 等聽主任講野!
主任發言: 基本上係話呢個會議係債權人要求, 同埋會判比XXX律師樓做, 同埋講以後有野搵就搵外判, 主任自己唔會跟的了! 好喇, 主任會每個人叫名, 叫到你就出去主任那張台前面坐下, 主任會話比你聽, 係XX銀行 及 XX銀行要求開債權人會議 (我見D師兄師姐都係比兩間銀行同時出信要求會議 - 好大隻lion呀, 好大個兜呀咁大家知邊兩間, 仲有第3間星星 ), 有佢地銀行既信, 信下面有銀行負責寫信人既名, 如果D師兄要搵情人, 咁好記性就記住佢個名同電話喇, 哈哈, 不過, 佢都係幫銀行做野姐, 封信係唔會比你, 只係比你望下, 好喇, 無問題就簽個大名代表你出席左呢個會議!
外判
見完主任回坐位等外判叫名,叫名就去外判台前坐下,會有文件比你簽,３份,同解釋下入面文件既野,當中有份係你有額外收入就唔該交翻晒出來 同埋,如果申請左同用左六千蚊, 都係同你講要交翻出來, 文件例明左邊條條例 , 太詳細唔寫喇, 另外就係問翻你Ｄ資料，職員會一邊問, 一邊tick－tick左就係你下次見外判要帶既文件, 大概一個月後就會通知你上去外判處傾生活費,簽左文件就走得要幾耐睇你係排先定排後,一般一個人都要20分鐘左右, 加埋等下真係要45分鐘.
給跟了主任而未過３個月的師兄師姐 （根據dop123師兄資料,多過３個月都有機會,但依家貌似係唔係都會出信等你開心下,時間可能快過以前,記得以前睇過網上文章由一律師樓職員寫,係資產較多既人先會開,但依家感覺唔係,總之你有少少錢或無乜錢還都走唔到）
在現場所見, 大部份師兄師姐都衰在lion同大兜既兵器下, 所以, 如果師兄師姐在頒令後跟左主任, 而欠左lion,大兜既人情既話, 咁真係要有少少心理準備佢會幫你開個靚靚債權人會議幫你沖下喜 同埋如果單身既師兄師姐自問人工高過１皮,相信都準備定車錢去金鐘都要的了(星記,痕記,花記都有機會wor 小心小心)！（聽dopod123師兄講, 就算人工唔高都有機會, 哈哈, 咁我就唔知了, 就以我來說, 我只係個在 ＂華兄＂樓下賣下魚蛋牛肺雞蛋仔既小哥, 收入只夠糊口, 突然間感覺自己變左唐僧, 真係 high high 地）
六合彩揭曉
 講左咁耐, 大家都想知我中唔中頭獎, 當然係六合彩就無得中, 中到應應棍就有, 因為lion同大兜對各位欠佢人情既師兄師姐都會好好服侍, 送禮送藍罐曲奇, 外判當然係要有體面, 各位要有心理準備, 如果中左lion同大兜既箭,會有份大禮回敬比你 就係史上最強外判 沙＋石  ＜－－喜極而泣
特別嗚謝以下師兄在出發前等我有心理準備 （排名不分先後）：
小林林 , lulumason, macauranger, bbq_888, 華兄......等
dopod123 (有關債權人會議可能在３個月後會發生）
３０１板主（有關邊幾間債權人最常見會要求開債權人會議－
資料非常準確, 匯，渣，星，花）
|
狗仔卡
發表於 17-1-2012 23:20:18
提升卡
置頂卡
沉默卡
喧囂卡
變色卡
顯身卡
樓主
發表於 18-1-2012 00:39:36
