解破後想申請信用咭一問

重新戰士

講開，我都係等到收到第1張卡返黎先夠膽掉之前 D TU REPORT，我有成10份，每份25頁大家可以想像我D數幾厚！

mickey7100

重新戰士 發表於 17-8-2015 00:44
我係到多講原因是，過去2年之前，家中有事需要錢！我自己又供緊未斷，(我搞DRP屋企人冇人知)係呢個情況下我 ...

師兄你話你一完咗就叫銀行刪除紀錄,你既意思係咪還番哂錢俾銀行,因你係攪DRP,如果你還哂叫銀行刪除紀錄都正常,但我地就好難叫銀行刪除紀錄.

其實之前4年都冇用卡,都已經慣咗用現金,申請番張卡都只係方便上網買嘢同訂酒店等,正常出街買嘢食飯都唔會用卡,所以邊間都冇咩所謂.但我認同,只要你係同一間公司做得耐,有固定出糧紀錄,有錢剩係銀行,相信間銀行都好快會自行刪除紀錄

重新戰士

同意你所講。唔係個個人既情況都可以一概而論，我所言都只屬參考作用！
而我好希望發放一D正面既信息俾大家，有好多情況我們是可以作出主導，唔係樣樣都要俾銀行或者收數公司話事。
我見大家都話AExON 可以批卡，其實如果一有咩事佢地一樣即交俾"足褲"收數。我仲好記得，當日5,000蚊數，15日後變左30,000。入左15000 話俾一個月我再跑，佢仲日日打黎公司追。目的只是要我盡快還，又話俾期數我個人走左，講左等於冇講。最後搞到我去澳門借。當晚仲係旺角分行交錢仲打黎問候我，所以我對呢間野都好避忌，申請 / 用都冇問題，只希望大家小心，盡可能都用返銀行服務比較好，話晒你去銀管局同報警，所有收數即時要停先！*兄弟我就唔知，當日都冇呢間財仔*
行錯路唔駛死人，負起責任重新做人！

Bencsc

不過破過的我，就真係難申請D啦

Bencsc

我都有份做咗十年的大公司工，自動轉賬出糧，戶口個個月有10皮係度，都係唔批，有D灰，只係想有張咭放便D

sydney2000

我覺得銀行信用卡同財仔信用卡, 用起黎冇分別

重新戰士

Bencsc 發表於 17-8-2015 22:30
我都有份做咗十年的大公司工，自動轉賬出糧，戶口個個月有10皮係度，都係唔批，有D灰，只係想有張咭放便D ...

如果你唔介意，可以俾D資料我講下我既睇法俾你
你現在出糧銀行之前是否有過節?
你工作性質是咩?
當年老破數目
你咩學歷(呢個係銀行計分用)以小弟所知有D銀行會照顧D低學歷人事

重新戰士

sydney2000 發表於 17-8-2015 22:41
我覺得銀行信用卡同財仔信用卡, 用起黎冇分別

同意!除左以下情況
冇左信用卡免息分期 (呢個好2面刃)如果控制得好就慳左又舒服D，一下唔留神分分鐘又出事
貴D利息
冇左D 咩積分
財仔卡好似冇咩信用額免息透支 (有每個月HK$12蚊手續費)

Bencsc

多謝戰士兄

Bencsc

用緊中X，無過節，

Bencsc

做緊sales 中七畢業

Bencsc

重新戰士 發表於 17-8-2015 23:04
如果你唔介意，可以俾D資料我講下我既睇法俾你
你現在出糧銀行之前是否有過節?
你工作性質是咩?

多謝先
用緊中X，之前無過節，中七畢業，sales,破前欠大約40個，因為10年前唔係好記得

重新戰士

以下是小弟所略知既分析(只作參考作用)
- 宗X銀行一向對SALES 比較保守！所以就算你冇過節，冇老破，除左你有定期或物業MPF，如果唔係都難批。佢地既卡都叫做難批！之前我冇出事都唔批
- 中7 已經叫唔錯但分數是一個偏低既位置 *唔好介意*( 我中5直頭低分)
- 事間已經一段幾多時間，TU REPORT 唔知道你有冇睇！唔知道D 記錄仲係唔係到???我先假設你已經更新左TU
我會有以下建議:
係老痕同健康銀行開一個普通戶口，之後每個月都分開儲D錢入去。最少500。(記得定期去轉賬)
6-12個月後你可以先申請 UNJOY卡-紅卡。
申請時提供多D資料，如果可以好似我咁多就更理想。
交FORM後唔好打去HOTLINE到查詢批刻情況。因為呢D係CS SYSTEM全部有記錄。每一日早上11:00前要將呢D記錄上一個 SYSTEM 詳細唔可以講。
等30個工作天後就有人SENT SMS對你D資料。(等於成功)之後收卡
如果唔得。
等多3個月先再去健康銀行申請 HIG 信用卡。
以我所知道呢2張是最進取同唔係職業分。之前都有C HING提過。
其他細行都比較保守。
民眾同富貴都OK不過好似冇咁著數

Bencsc

重新戰士 發表於 18-8-2015 00:02
以下是小弟所略知既分析(只作參考作用)
- 宗X銀行一向對SALES 比較保守！所以就算你冇過節，冇老破，除左你 ...

恆記同健康(即以前A十A)都有數，為有試下富記

Bencsc

重新戰士 發表於 18-8-2015 00:02
以下是小弟所略知既分析(只作參考作用)
- 宗X銀行一向對SALES 比較保守！所以就算你冇過節，冇老破，除左你 ...

TU有更新，D級兩月前的事，及有張A字頭的咭用左2個月，但得5K未有得加額，因為年尾想去自由行，5K額，唔夠訂酒店及機票，所以想出張銀行咭額大D放便D。希望可以成功啦

lionpig

戰士兄，我08年解破,今年年頭申請過姨昂同健康都唔批,後來去左update tu, 而家評分係D,report冇晒撇賬,我想申請多次.  你認為該如何處理?健康之前冇欠$,有人仔做緊定期,姨昂有爭$,本人係sales同一公司做左8年，專上學院文憑畢業, 月入約$25000有咩意見?

重新戰士

lionpig 發表於 19-8-2015 03:58
戰士兄，我08年解破,今年年頭申請過姨昂同健康都唔批,後來去左update tu, 而家評分係D,report冇晒撇賬,我想 ...

健康銀行好"鐵"即係好緊。佢唔批你一次，你下次再申請一定要有大變動先會有機會再批。你有幾多錢都係假。
我建議你:
由今個月起儲起晒D月結單
等出年(坐多4個月監)
之後跟我一樣提供晒所有資料。
今日向人取經下得知道。原來銀行都幾睇我地(過來人)份稅單,假設你年薪25萬去申請一張白金卡(年薪要求15萬)由於銀行只會用你年薪一半去計(初次申請)所以唔會批卡俾你。
你有COMMISION仲要打折。所以你都唔駛想有白金(除了D假白金) UNJOY其中之一
我估我地之中冇可能會有Infinity level既卡
去痕生銀行申請紅UNJOY啦！

lionpig

其實我不奢望申請白金咭,我呢D過來人只希望有張信用咭方便下, 恒生我有爭佢地$,健康冇爭,唯有再等下囉

lionpig

如果我申請再姨昂,唔知有冇機呢?

重新戰士

lionpig 發表於 19-8-2015 20:44
如果我申請再姨昂,唔知有冇機呢?

垣白講:民眾銀行都可以申請,不過以我所知唔會多過7000。幫助不大！
冇咩野唔好搞個TU啦，如果你真係極度需要，等多D文件去兄弟卡，有案例。有交過手都批卡