破產聯盟

 找回密碼
 註冊
查看: 16025|回復: 0

破產FAQ - 01 申請前需知

[複製鏈接]
發表於 11-9-2008 23:39:35 | 顯示全部樓層 |閱讀模式
1. 係申請破產前3-6個月切勿再用現金透支、碌卡、申請私人貸款及信用card,否則會被破產管理處有權拒絕你的破產申請,嚴重的話,要坐監.

2. 至於你點樣諗辦法搵萬五至二萬銀來做律師費及比破產管理處的有關費用就要你自己諗辦法.

3. 以你現時card數,剩係比minimum payment已經死得咁濟,你唯有求其搵住d part-time做下先,吾好諗住做好好待遇的工作,起碼叫做有d生活費用住先,拖埋呢兩三個月,便索性申請破產,不過係未來呢幾個月你會受到各大收數佬的騷擾,而這是無可避免.

4. 我果一個年代(2000年)比較容易d申請破產,就算係申請前一個月碌card及現金透支都仲可以,但依加時代吾同,因為多左好多人申請破產.

5. 但破產的後遺症好大,你4年破產期完結後後吾駛旨意申請信用卡、私人貸款、購物分期付款、樓宇分期付款、支票戶口等,甚至個別銀行都可以有權拒絕你申請儲蓄戶口作出糧之用.

6. 如果你係女仔,反而以上問題不大,起碼第日可以明正言順靠晒老公;但如果你係男仔,咁日後你如何對你的伴侶談及你的破產經歷,及當你想供樓時,便會遇到申請貸款的困難.

7. 當然啦,發左達則另計;又或搵到一份高尚職業,到時銀行便會自動搵番你做佢生意.

8. 破產份表好易填,你話都叫做讀過大學,有乜野表格可以難到你.反而你要事前準備近6-12個月的銀行存摺記錄、信用card及私人貸款的月結單.

9. 及你要填一份表關於每個月的日常開支,而破產管理處就係根據呢個表及你的人工來判決將來的開支上限.即係話,如果佢批你$8000開支上限,而你月薪有$10000,咁你每個月一出糧便要交$2000比破產管理處;而如果你月入低於批准的開支,咁就乜都吾駛做.

10. 千祈吾好比藝員鍾振濤的破產經歷所影響,吾係個個人都可以係破產期間住大屋、有私家車出入、及有電影拍.一般破產人士係要過比較節儉而又清淡的生活!

11. 破產呢d野,最好搵律師搞,雖則份表格吾係難填,但因為一般人吾熟法律程序,又加上有時d錢真係要比人賺,與及d律師會提點下你點搞破產及點應付破產管理處.

12. 及某d專業工作及金融性質工作不接受曾經破產人士做,所以你要留意一下這個代價,都係果句,你日後發左達就做乜都得.

13. 最後係,如果真係走頭無路,及班到律師費,便去搞破產,起碼都叫做仲有條路行,只係日常生活會有一定程度的不便.及吾好去做傻事,例如自殺或去澳門的賭場博一博,而結果係越窮越見鬼!
您需要登錄後才可以回帖 登錄 | 註冊

本版積分規則

小黑屋|破產聯盟

free web stats

GMT+8, 19-3-2024 10:16 , Processed in 0.051986 second(s), 21 queries .

Powered by Discuz! X3

© 2001-2013 Comsenz Inc.

ٻظ 返回頂部 б