之前借朋友錢，一定要上報？

cftong

朋友唔會追，但過去一年每月有分期還，銀行有紀錄，咁是否在26頁問訊時一定被問？所以要報落債權人一欄？
好多師兄討論生活費最困惱，但最大壓力不是問訊嗎？成年銀行紀錄逐條解釋？驚唔記得好大壓力。係咪破之前要溫書...？

後會有期

唔會條條問。 我銀行紀錄流水實多過你 十幾萬 出入。問都無問

後會有期

Ps: 係一條過數十幾萬 起碼有幾十宗交易

一個傻人

大家覺得傾生活費最困擾係因為大家想爭取多啲錢用
反而上去交26頁都無咩困擾

Yuyuyuu

問唔問都係睇邊個，唔係大數唔記得都無可厚非，唔會有事。至於報唔報朋友債，就睇你個人決定。

cftong

後會有期 發表於 25-3-2024 19:03
唔會條條問。 我銀行紀錄流水實多過你 十幾萬 出入。問都無問

竟然咁好！
爬文說會審查有冇資產轉移，轉錢比人唔會被懷疑嗎？

cftong

朋友錢3月起先停還，每月一萬，無借據，而家驚唔報，被人告資產轉移。
我呢個月驚到去超市買超過500蚊日用品都分幾次買，一家人食飯都要問酒樓可否分單。但唔簽卡唔得，真係冇錢生活。
借家人錢minpay, 盡拖時間，拖到條大loan月底到期，係咪好on9?

已填定表，捱多個月…

一個傻人

真係驚嘅就填埋落去
記住填落去要同朋友講聲，因為有信通知佢成為咗你嘅債權人
日常開支唔駛咁驚，破產都要生活架嘛
但係你已有破產決定仲用信用卡就有啲危
借屋企人錢去還min pay,不如借嚟做生活費

cftong

一個傻人 發表於 25-3-2024 22:13
真係驚嘅就填埋落去
記住填落去要同朋友講聲，因為有信通知佢成為咗你嘅債權人
日常開支唔駛咁驚，破產都要 ...

諗住一旦搵到工就唔破產，事實上一直有工見（提供證據），所以一直唔打算破產，一直捱直至大新loan到期都未搵到工的話，又無法再問家人借，先被逼破。咁解釋主任會否接受？

a981142

後會有期 發表於 25-3-2024 19:04
Ps: 係一條過數十幾萬 起碼有幾十宗交易

每筆10幾萬?咪幾百萬,咁有米?

a981142

cftong 發表於 25-3-2024 22:04
朋友錢3月起先停還，每月一萬，無借據，而家驚唔報，被人告資產轉移。
我呢個月驚到去超市買超過500蚊日用 ...

仲借家人錢還做乜,有錢都用黎生活啦
銀行拖一兩個月唔係問題,有no就通知佢地
破得產筆數都唔細啦,有工都未必做得長,又要還錢比家人
接受破產既事實啦

Yuyuyuu

cftong 發表於 25-3-2024 22:04
朋友錢3月起先停還，每月一萬，無借據，而家驚唔報，被人告資產轉移。
我呢個月驚到去超市買超過500蚊日用 ...

呢啲正常數目都唔明你驚乜，你了解下咩叫轉移資產先啦。唔係話有過數俾人就叫轉移資產。

cftong

a981142 發表於 26-3-2024 15:37
仲借家人錢還做乜,有錢都用黎生活啦
銀行拖一兩個月唔係問題,有no就通知佢地
破得產筆數都唔細啦,有工都 ...

係，計過，有工都要還5-6年…

銀行係咪會日日打來？會唔會打家居電話？我從未試過拖數，唔知咩時候舉手最合適。

cftong

Yuyuyuu 發表於 26-3-2024 17:05
呢啲正常數目都唔明你驚乜，你了解下咩叫轉移資產先啦。唔係話有過數俾人就叫轉移資產。 ...

法律上明嘅，只係驚壓力。唔知幾錢先會被留難，有啲師兄講到主任好似審犯咁。雖然最終未必會告。

如果一家7口食飯食左1000蚊係咪算奢侈，會唔會被問？或者問佢地有冇比返錢我？「點解唔AA?」
家人話返大陸拜山順便玩幾日，飲飲食食住酒店都一兩千，我應唔應該去？會唔會話「明知有可能破產仲去玩？」「拜完山點解唔返屋企？」

本來想8000蚊買部mac air想接job做嘢已經唔敢買，申破後先用現金買，係明智定傻仔？

插曲：我一直拎部5年前用9000蚊買嘅2.5kg低階電競notebook去見客，被客笑…

a981142

cftong 發表於 27-3-2024 11:06
法律上明嘅，只係驚壓力。唔知幾錢先會被留難，有啲師兄講到主任好似審犯咁。雖然最終未必會告。

如果一 ...

人比人比死人,自己唔好睇唔起自己先
人誰無過,何況大把人破產啦,之後好好理財就得
你自己搞,即日有no可以通知銀行啦

cftong

a981142 發表於 28-3-2024 12:04
人比人比死人,自己唔好睇唔起自己先
人誰無過,何況大把人破產啦,之後好好理財就得
你自己搞,即日有no可以 ...

瘋狂爬文發現,破產好似睇彩數咁,位位師兄都有不同經歷,好似完全被代理人玩晒.  

a981142

cftong 發表於 28-3-2024 16:55
瘋狂爬文發現,破產好似睇彩數咁,位位師兄都有不同經歷,好似完全被代理人玩晒.   ...

還唔起只有破,唔好再諗咁多嚇自己啦

frankie2022

朋友錢都寫埋落去  都算人渣

limlim

frankie2022 發表於 8-4-2024 11:08
朋友錢都寫埋落去  都算人渣

樓主係怕被懷疑資產轉移，所以問還畀朋友D 數使唔使報。

limlim

即使你報欠朋友錢，你朋友都要有證據佢借錢畀你才能成立，如: 借據，通訊記錄，等等。