已為破產人士但收到收數公司恐嚇

Ypy91

小妹已破接近半年欠嘅都係銀行數，Ub，幫民同電話數
呢幾個月一直相安無事

剛剛5/12 6點幾收到個message話係收數公司 叫我見字即回
我回咗後問佢邊間公司/代表邊間公司追佢唔肯答
外加粗口我問候我媽媽話我玩嘢唔合作會收嘢同上門淋油

佢話唔可以講係代表邊間公司向我追數，只講係兩間
話如果合作就繼續溝通，唔合作就做嘢
到我同佢講我已經破咗產，欠債問題由破產署處理佢就已讀不回同埋delete咗部份嘅message
(Delete咗佢自稱係邊間收數公司嘅一段文字）

由於我屋企由兩個年幼嘅小朋友，
所以剛剛10點幾已經喺警署報案，亦都同樓下保安姨姨講低大概情況
想問下咁多位師兄師姐，有無試過咁嘅情況？
收數佬仲會唔會繼續行動？

真係唔想住緊嘅呢幢大廈同屋企人都人盡皆知⋯剛剛出門口去警署嗰陣我都好驚，左望右望
一個女人真係唔知點算同埋好驚好徬徨

301

報了警，正確，再來追收電話通知佢已報警。
正常1線財務唔會咁做。
外界取到破產人士電話不難，古惑仔搏懵亦有可能。
現時正規追數公司唔會親手收錢及票，都是叫你交去分行或入數銀行。
用家居電話飛線減低滋擾。