終於第2次畢業啦

破產小孩子

入學期間因為手痕，去左3間2線收20%既財仔借錢
前前後後總數都借左10萬！
財仔大大話話果20%既都去左4萬多...
佢地明知你係破產都會照借比你！
但會係借貸合約上寫明本人未申報已破產...
講到明唔還就通知破產官...

期數又分得短....每個月都要還接近2萬...
又要交租...真係大半年都冇放過假
每日都要計掂呢個月d數點還好...
唔夠錢就要一日開兩份工....
唉，總之有苦自己知....

還剩大約3萬蚊左右
今日終於第21日了，正式拎破產解除令

因為工作太辛苦，個個月都係還錢
結果膽粗粗去左兄弟申請貸款4萬...
其實預左唔批，只係想比自己多一個希望...

申請完返屋企諗住早d訓，聽日早d起身返工啦！
點知下午4點收到電話，話已批4萬 分8期....
即時又仆返出去簽約...走果時仲問我申唔申請信用卡..
我拒絕了，批到4萬已經好感激呢間兄弟公司！

錢到手後，即時2話不說，出旺角還哂d錢先！
然後打去公司請返2日假！
用返剩餘果1萬蚊返大陸放鬆人生...
自己一個食串燒 生蠔 飲啤酒...
回憶過去人生...爛賭，仲要衰2次破產....真係抵死！

同時又好感激兄弟！
前前後後已經有兩次牙齒印，都仲肯借錢比我...
係咪想睇我幾時第三次入學呢？

兩次入學都係自己去破產管理處搞，
果份野每一頁 每一行點寫都熟哂，
連入學每一步 影乜野文件 需要準備d咩都記得哂！
仲免費親自幫過3位朋友教佢地點入學，諗返起真係好笑

我又可以重新做人了...重新過返正常人既生活！
反省了，長大了，戒賭了！

每次去借親2線，個心真係好痛，心如刀割...
我發誓以後就算要借錢都好，我寧願死都唔會再借2線財仔，簡直係無底深潭.....

cwy2013

恭喜你師兄畢業, 你係咪跟主任? 我仲有排捱

破產小孩子

cwy2013 發表於 6-8-2023 12:04
恭喜你師兄畢業, 你係咪跟主任? 我仲有排捱

第一次係跟主任，第二次跟外判

oring813

好好反省！重新做人

John2628

兩次加埋都九年時間⋯⋯ 人工冇幾多個十年！唔好再入學，戒咗賭癮吧！

eileenzhang

仲有係唔好再借！ 難得破產期內學曉有幾多洗幾多

lovehins4ever

仲諗住繼續借錢... 真係唔知可以講啲乜, 唯有祝你好運啦!

xyz001

樓主，我都準備自己搞入學，想問可唔可以指教下我？

Lmgo

恭喜曬

破產小孩子

xyz001 發表於 29-8-2023 13:29
樓主，我都準備自己搞入學，想問可唔可以指教下我？

有乜想問？

xyz001

填完28C同表格3之後，係咪就去交現金$1045+$8000？之後係咪即日有臨時號碼同埋即日宣誓？之後大約要等幾耐先會通知上庭頒令？

xyz001

破產小孩子 發表於 29-8-2023 22:04
有乜想問？

想問係咪填完28c同表格3之後，就去交現金$1045+$8000，然後就會即日去宣誓，有臨時號碼。跟手就fax埋去債權人通知佢地停止追數？

jackwonghk815

人生只可以破兩次，師兄都用盡兩次，犀利，希望戒到，戒唔到就小賭，，其實小賭慢慢養成大賭，小心

GRAPES0616

我畢咗業一年，啱啱出咗兄弟卡，20000 ，我其實都有啲二線數，我諗緊好唔好再申請兄弟貸款還左二線數，見到你嘅故事，我有啲信心去申請，希望我成功啦

cwh

二線數好麻煩又貴利息，自己衡量下頂唔頂得住，到時手痕怕二破

破產小孩子

GRAPES0616 發表於 1-11-2023 21:52
我畢咗業一年，啱啱出咗兄弟卡，20000 ，我其實都有啲二線數，我諗緊好唔好再申請兄弟貸款還左二線數，見到 ...

2線期數唔長 其實唔建議申請！
除非真係佔收入好重比例！

nakamura

jackwonghk815 發表於 5-9-2023 07:06
人生只可以破兩次，師兄都用盡兩次，犀利，希望戒到，戒唔到就小賭，，其實小賭慢慢養成大賭，小心 ...

邊個話只可以破兩次？

破產小孩子

nakamura 發表於 6-11-2023 22:44
邊個話只可以破兩次？

無知便無敵，我有朋友58歲已經第3次破產完！