最嚴重收數做法

Butchuu

事緣我自己豬頭 信錯人 受騙 已報警但唔受理
總之而家負債係過百萬 (點解可以借到咁多唔係重點

有超過15間既電話數
銀行卡數唔多，都係嗰啲現金分期千零蚊至二千零
但有welxxx, 現金pro, 安x, k現金
另外仲有六至七間要收門口個種財務公司 (唔識分幾多線

因有好多要收門口既全部公司都係二月續過
律師講要申破都要等至5月中至尾先申請比較好

發生第一日已經即時同公司講 公司表明第二日開始休假
(冇直接講炒我 但係對外講我已離職
過期還款5日左右已開始貼街招
我電話已熄機 收數既已騷擾所有咨詢人
加哂入WhatsApp group 內容亦有恐嚇成份
例如淋紅油嘅相，生命威脅等等
已報警 有警察follow up緊

報警嘅隔兩日之後即時俾人淋紅油
另一個咨詢人地址亦被淋

問題來了
都明白咁多間肯定會俾人騷擾一段好長嘅時間
自己有個小朋友 諮詢晒各大嘅意見
就覺得小朋友繼續返學係冇問題
但係因為本人係女性 屋企人十級擔心我安危
所以落晒order絕對唔可以出門口

想請教大家見過最進擊嘅追數方法係點樣？
有冇聽過真係有收數會捉走欠債人？
例如捉去賣身還債、打一身之類同埋係咪一定要搬走最好？
但係即使我搬走咗 佢哋都係一樣騷擾嘅屋企
咁我搬唔搬係咪都一樣？

bankrupt1969

裝支cam係門口,佢地就唔敢亂來