入學好辛苦

小小則

見到人地輕輕鬆鬆，而自己每日抖啖氣都難受

無債一身輕，到呢刻先明白

我爭既都係銀行，雖然無再追我數，但一諗到前程，事業，我就不由自主咁愁起黎

好想喊，但喊唔出，反而更辛苦。其實大家係點捱過黎？

小小則

mirror0822 發表於 9-9-2022 10:18
完全無影響，我又唔係做專業工。只係倉務文員。

師兄依家第幾年？

當初入學會唔會好辛苦？

我依家出街見到銀行招牌已經好辛苦⋯⋯

就算我做倉務文員，我都驚俾老世睇身份證，我心理出晒事啦已經⋯⋯

小小則

Carman1216 發表於 9-9-2022 11:20
4年冇你想像中難過，反而你慢慢會覺得輕鬆左 唔使好似之前咁日日諗點交錢點搵錢，，，唯一一樣野我覺我有少 ...

我有7-8個銀行戶口，得返一個，係真係好唔方便

仲有依家無晒錢，如果返工做得唔開心，又係無得走⋯⋯無晒自由

小小則

mirror0822 發表於 9-9-2022 12:44
完全唔辛苦，交左比人幫我攪，已經攪緊解除破產令，律師已幫我同債權人傾掂，本來 連本加息要還40幾萬。 ...

你個本金原本係幾多？

我本金一百幾，好驚以後要解除，都要食我一大筆。我想問4年之後如果想還錢，係咪仲可以分期還？

小小則

gordon199871 發表於 9-9-2022 12:53
唔洗咁睇唔起自己wor 如果唔係專業人士或者做金融行業 普通公司唔會無啦啦查冊睇你有冇破產 頂盡只會查你有 ...

我自己係做會計，係係好影響前程。

感覺上都係有個污點喺人生，會覺得「佢破過產」同「佢係監犯」既感覺都係分別不大

小小則

Wong1985 發表於 9-9-2022 10:36
4年無你想像咁難過 初頭會自己睇唔起自己 但係你要好好記住 喺你低潮時仍然會有人支持你 唔好令佢哋失望 工 ...

聽完你咁講，嗰刻有d動力返工

不過一見到同事心態咁輕鬆，而自己就⋯⋯有苦自己知⋯⋯⋯

好需要時間

師兄第幾年啦？

小小則

sygarden 發表於 9-9-2022 10:54
舉手後我都冇做番本行.... 後來投靠全港最大公司...
唔係搵好多, 但勝在穩穩定定, 比以前開心 ...

師兄原本做盛行阿？

大家既心態都咁放鬆，究竟係咪我太執著⋯⋯唉

小小則

欠一百萬 發表於 9-9-2022 15:28
無錯,你是太執著

我好辛苦，一得閒就上破聯...

小小則

mzrx7hk 發表於 9-9-2022 15:34
放開d,每事有得必有失,與其執著過去,不如放眼將來

唔知係咪入學呢個代價係咪可以改變我執著既個性

希望我都可以做到你地咁從容

始終都會不由自主咁諗。師兄解破完未？

小小則

Carman1216 發表於 9-9-2022 15:36
無錢有無錢嘅生活方式，呢個心態唔係一時三刻調節到，最難過嘅時候都會過去，試諗下你以前成日俾人追數， ...

我成日諗，當初唔借錢，無咁大個頭唔好戴咁大頂帽就好

針唔拮到肉唔知痛。d人未經歷過，可能覺得好少事，如果主角係佢，可能佢都崩潰⋯⋯⋯

不過，朋友無當面奚落其實已經好好

即使人地唔知道，我自己係睇唔起自己～希望經呢件事，我識放低啦⋯⋯

小小則

Carman1216 發表於 9-9-2022 17:03
你係執著左啦⋯⋯

你一開始要幾耐時間先收拾好心情⋯⋯？

小小則

mzrx7hk 發表於 9-9-2022 17:16
我解左喇,你都可以的,加油

多謝⋯⋯我爭成百幾萬。其實諗緊4年之後想還清⋯⋯其實有無必要還，我煩緊以後還錢，咁樣係咪都係執著⋯⋯？

小小則

John2628 發表於 9-9-2022 17:28
你有冇配偶同子女？ 如果冇都冇太多問題，放低自己去接納事實

無....

係自己過唔到自己嗰關。

早知今日 何必當初，當初借錢不自量力，怪自己幼稚

小小則

Carman1216 發表於 9-9-2022 17:32
其實我除咗入學有信寄到屋企，知道阿媽同家姐相量話幫我還等我唔使入學嗰陣，心情有少少爭扎之外，我心情 ...

你當時爭幾多錢，如果屋企人幫到，我都唔想入學

如果有人借百幾萬俾我，又可以攤十年還，我都唔會揀入學

點解你當初入學既決心咁大？真係無咩人會想入學，又會無面，無自由，個底又花晒

好彩我同你一樣，屋企人好支持我，但錢銀太大真係幫唔到我⋯⋯⋯⋯⋯

你依家轉左咩行業？

我除左識做會計⋯⋯其他都唔掂⋯⋯⋯要轉行要好大勇氣架⋯⋯⋯一d都唔簡單⋯⋯

小小則

mzrx7hk 發表於 9-9-2022 19:04
冇必要咁做,破產期間你都有還款的,有錢留返傍身啦

4年之後廢止咗破產令之後，我係咪可以做返原本做唔到既野？

Eg 開返銀行戶口，工作上唔受影響eg 可以做銀行業 等等⋯⋯

小小則

Carman1216 發表於 9-9-2022 19:10
前面都有師兄師姐講過，其實除咗某些職業會查有冇破產外，正常人都唔會理身邊同事係咪破產囉，唔好俾無謂 ...

公務員，銀行就查⋯⋯

我做會計既，大公司都可能會查⋯⋯以後就少左上升機會⋯⋯男人嘛⋯⋯好睇重事業

我係衰自尊心，借貸過度都係為咗搵錢⋯⋯可惜⋯⋯⋯為咗搵錢，最終無晒不突止，仲害咗自己⋯⋯

我會學好放低所謂自尊心，要d時間⋯⋯⋯或者上天就係為咗俾個教訓我，好好做人⋯⋯

小小則

amberfung1983 發表於 9-9-2022 20:42
其實入學又唔係咁辛苦，個4年又唔係

師兄，又見到你真好

我好驚人生留有污點，好對唔住自己，好對唔住家人。我愈驚留有污點，最後反而污點搵上我。

我會盡力捱呢4年⋯⋯之前為咗搵錢，係因為錢係帶黎自由⋯⋯而我覺得自由最重要⋯⋯到頭來失去自由.....

師兄，我純粹廢話連篇感慨一下，咁樣我會舒服d⋯⋯多謝你入黎留言⋯⋯

小小則

amberfung1983 發表於 9-9-2022 20:54
食得訓得，有健康嘅身體，我已經好感恩。有時呢啲自己已經擁有嘅嘢，有啲人可能幾多錢都擁有唔到。珍惜當下 ...

多謝你阿師兄。我屋企都係咁樣鼓勵我.......

不過我唔能夠同地呻，佢地聽得多會好心煩，亦會好擔心我。因為我集中唔到做其他事，所以經常上黎呻，呻完會轉移下注意力，會舒服d, 唔好見怪.....

佢地都擔心我，驚我睇唔開，一放工就叫我返堅企...........同時間，我同理心又多左，明白多左97個負資產既人既心情，一時睇唔開真係會做蠢事......

我會盡力收拾心情，好d個陣再做返運動

小小則

yello 發表於 9-9-2022 21:22
條係大路通羅馬 師兄唔好再轉牛角尖..
諗黎都無用 順其自然啦....
4年好快過嫁炸

師兄你都係岩岩入學............

咁咁咁睇得開既...........好多師兄師姐都好睇得開........好明顯係我性格有問題........真係整定，上天要我改變呢個性格.........

小小則

Carman1216 發表於 9-9-2022 21:40
x2….師弟加油呀！

師兄/師姐，多謝支持.........

4 年唔算難過，我係難過我之後既人生，不過各師兄師姐都已經講定，諗黎都無用，都唔諗得咁多......理道我依家都明白，係要d時間，仲埋仍然會呻完又呻.........

得閒既話，多d上黎，因為破聯已經變左我聚腳地........無你地，我更捱唔住.....