入學好辛苦

Carman1216

4年冇你想像中難過，反而你慢慢會覺得輕鬆左 唔使好似之前咁日日諗點交錢點搵錢，，，唯一一樣野我覺我有少少唔方便就係只可以有一個戶口，咁我so far又冇諗住轉工，直到而家過咗4年，，我都係做緊呢份工，用緊呢個戶口

Carman1216

小小則 發表於 9-9-2022 13:01
我有7-8個銀行戶口，得返一個，係真係好唔方便

仲有依家無晒錢，如果返工做得唔開心，又係無得走⋯⋯無 ...

無錢有無錢嘅生活方式，呢個心態唔係一時三刻調節到，最難過嘅時候都會過去，試諗下你以前成日俾人追數，月頭變月尾嘅生活，而家變成有番正常錢喺戶口做生活費，咁唔係已好好多咩？

同埋我想講，入學之後，你會知道邊d係真正朋友，我當初入學好怕俾人知，但直到我鼓起勇氣同我最好嗰個朋友講，佢只講咗句，唔緊要啦，而家都好多人係咁，我同佢到而家都重好好朋友架

Carman1216

gordon199871 發表於 9-9-2022 12:53
唔洗咁睇唔起自己wor 如果唔係專業人士或者做金融行業 普通公司唔會無啦啦查冊睇你有冇破產 頂盡只會查你有 ...

係㗎，正常都冇人會理你係咪破產，，最緊要自己唔好睇唔起自己

Carman1216

小小則 發表於 9-9-2022 17:00
我成日諗，當初唔借錢，無咁大個頭唔好戴咁大頂帽就好

針唔拮到肉唔知痛。d人未經歷過，可能覺得好少事 ...

你係執著左啦⋯⋯

Carman1216

小小則 發表於 9-9-2022 17:13
你一開始要幾耐時間先收拾好心情⋯⋯？

其實我除咗入學有信寄到屋企，知道阿媽同家姐相量話幫我還等我唔使入學嗰陣，心情有少少爭扎之外，我心情反而係冇乜特別，因為嗰陣我係把心一橫從新開始，直情由以前做餐廳轉行，去一個新環境從頭黎過~~

Carman1216

小小則 發表於 9-9-2022 18:14
你當時爭幾多錢，如果屋企人幫到，我都唔想入學

如果有人借百幾萬俾我，又可以攤十年還，我都唔會揀入學 ...

前面都有師兄師姐講過，其實除咗某些職業會查有冇破產外，正常人都唔會理身邊同事係咪破產囉，唔好俾無謂嘅面子，自尊廹自己埋一邊，呢個過渡期要靠自己㗎⋯⋯

Carman1216

有時間掃下再前啲嘅post，，好多師姐師兄經歷嘅情況，你個心會釋懷好多，，，入咗學有份生活費，扣減正常開支，重有少少錢儲或者買下自己想要嘅嘢，如果冇入學，，只有不停輪迴諗點還點盛，，，

Carman1216

yello 發表於 9-9-2022 21:22
條係大路通羅馬 師兄唔好再轉牛角尖..
諗黎都無用 順其自然啦....
4年好快過嫁炸

x2….師弟加油呀！

Carman1216

魔人布歐 發表於 9-9-2022 22:45
其實呢度有幾多人係破到第二或第三次？

前排有人開post話自己預備破第二次，問左個幾月問題都好似未入學，之後佢發脾氣話以後都唔問問題，，，唔知佢入咗學未嚕，，，

Carman1216

貓女 發表於 10-9-2022 17:56
有正能量每一個難關也會比較容易過亦唔駛令自己咁辛苦...
既成事實既事無必要日日夜夜咁沉淪係負面情緒中,  ...

我有印象你嗰期重有個同學仔叫萬念俱灰同之前comment過嘅Stanyan1229，唔知佢而家過成點呢？

Carman1216

小小則 發表於 10-9-2022 18:07
原本就北美....依家多數係UK........唉....

講真我唔死都無用, 爭銀行百幾，另外又蝕左屋企幾十

爭屋企嘅，你生生性性俾心機從新做人，揾到錢慢慢還都唔遲，，

我臨畢業前家姐幫我開咗支票交哂欠嘅上徼，，，佢唯一要求我每月按時俾返家用，再慢慢還

Carman1216

小小則 發表於 10-9-2022 22:17
師兄，你講緊我既行業既話，個底花左去到邊都唔未必都可以重新黎過嗎？

如果你係指呢樣既話，的確係，去 ...

你個底又可以會有幾花？花得過有案底？

根本冇人會無端端同其他人講，喂，講樣野你知丫，我破產呀⋯⋯
只不過你份工較敏感，
前面都有人講過，至多咪轉行再黎過～
我由10幾歲一直做飲食10幾年，入學嗰年連工種都轉埋，從新學過所有野咪又係咁，
你重細個，做唔返本行咪試吓轉行囉，
冇嘢係行唔返出嚟，

我係你，而家就乜都唔諗住，處理好入學嘅嘢先再諗下一步，同埋，真係唔好再諗埋一邊

Carman1216

John2628 發表於 10-9-2022 23:13
樓主係放唔開之前努力得到的會計專業資格，因為自己的過錯失去左大好河山。人生就係咁當你以為一心專心投 ...

我理解，所以好希望佢可以慢慢接受返同唔好亂諗嘢，，，可以調節好心態

Carman1216

Stanyan1229 發表於 10-9-2022 23:35
今日中秋節，祝各位師兄、姐、弟、妹。中秋節快樂呀！師弟，你以家最大問題係放唔低過去，其實4年真係好快 ...

真係咁啱，，，剛掃電話，話mirror嗰件事嘅阿Mo爸爸話阿Mo都接受左打後長時間要訓床同接受治療⋯⋯佢都好努力咁去生存，師弟師妹師兄師姐而家定將來都要加油呀！

中秋節快樂

Carman1216

Stanyan1229 發表於 10-9-2022 23:50
我貓女係同期，萬念遲我哋少少。
我結咗婚啦！過啲平淡生活，計劃畢業後先生小朋友。 ...

恭喜哂呀～～～

Carman1216

cacawong 發表於 12-9-2022 20:54
你講的真，入左學無得先洗未來錢，其實係好事，張卡比你幾大簽帳額有咩用？D 錢都唔係自己。破左後反而洗 ...

係㗎，，，未入學乜嘢都買都碌，，，4年過後，，慣咗有錢先買，，，好好多

Carman1216

amberfung1983 發表於 13-9-2022 21:21
完全同意呀！入學個4年真係學習理財嘅好時機！

係㗎，未入學，每個月唔好話買嘢俾自己，連基本生活費都窄窄地又要諗點交錢，，，

Carman1216

amberfung1983 發表於 13-9-2022 23:48
而家諗起以前係咁亂買嘢，都唔記得啲錢使左去邊。喺入學時限住用錢，每次都要計過度過，精打細算後，反而 ...

我都係咁樣，真係唔知d錢用左去邊，到而家畢咗業2年，，有返自己社交圈子，起碼唔使驚朋友約食飯貴，放假都摺埋喺屋企，，，過去4年我會當係俾自己一個重生嘅機會，同埋真係老土啲講，真係知邊個係真心朋友㗎

Carman1216

唔好成日諗以前幾好幾成功，要望嘅就望將來，冇人會知將來會係點，但現實世界大把例子你睇，，，

Carman1216

想講嘅大致同其他師兄師姐一樣，，我想補充一句，，，從來冇人睇唔起你，但如果連我自己都睇唔起自己，講幾多，諗通幾多都冇用，，，爬文都知有幾多同學直情財仔打電話去公司，拉屋企人入群，，嗰啲同學仔情況重悪劣，咪一樣咁樣捱緊，，我哋呢度幾個女人仔都係咁捱過咗，你男仔無理由唔得㗎，，，加油啦，，，