眨吓眼就四年

新生命202012

由啱啱開始乜都唔識喺度睇資料，到而家眨吓眼已經四年過去，好多謝咁多位師兄幫手提供資料。而家等不反對通知書。希望一切順利。

仲記得當日喺金鐘打電話俾屋企人，同佢講我要申請破產，之後去申請，再約老婆講清楚。好好彩有屋企人同老婆嘅支持，四年入邊每個月上繳，其他生活一切如常，眨吓眼就四年。

申請之前記得將銀行戶口嘅錢提走做生活費，申請完之後所有銀行戶口好被凍結，直至到主任比開戶信你（我自己去東X銀行開）。

年報最好破產日前後一至兩星期交，要copy一份，之後去郵局用掛號寄過去，或者自己親身上去交。

就算嗰個月手頭緊都要入錢，唔入晒都要入啲，要有心理準備林尾一次過還清。盡量唔好拖數。

最後希望各位師兄師姐師弟師妹生活愉快！

CHENG12345

四年真系好快過，到今時今日，我先真正感受到過翻平常人生活，一齊加油

John2628

最緊要係千祈唔好再亂咁借錢

amberfung1983

恭喜師兄重獲新生！