判令問題

ptwsam

小弟早幾日拎咗臨時破產令，安排咗8月上庭拎頒令。

想問下呢段時間，財仔係咪都仲可以不斷call我同屋企人朋友？近排佢地收到好多call

唔該各位。

23歲破產

你入得紙破產 就一律block哂啲電話 咩都唔好理 等頒令過新生活啦

Stanyan1229

你係一線定二線財仔？一線就fax 張臨時破產令比佢，正常都唔會再追。二線就要遇上左庭都煩多你一個月。

ptwsam

一二線都有
二線一日十幾call 話會上門 係靠嚇定真係會有行動 ？
律師話拎頒令後， 二線就唔會追。。。

Stanyan1229

ptwsam 發表於 30-6-2022 20:33
一二線都有
二線一日十幾call 話會上門 係靠嚇定真係會有行動 ？
律師話拎頒令後， 二線就唔會追。。。 ...

上門都係攝信封，拍下門講幾句粗口，叫你還錢。淋紅油通常扣底財先做。不過你要預電話一定炸爆。

欠一百萬

樓主, 你遞了呈請書, 給你的係排期頒令日期, 及破產案編號, 並不是臨時令, 不要人說你又說, 人錯你又錯.

未正式頒令, 就表示你未正式破產, 債權人追你數是不違法的.

Stanyan1229

欠一百萬 發表於 30-6-2022 20:47
樓主, 你遞了呈請書, 給你的係排期頒令日期, 及破產案編號, 並不是臨時令, 不要人說你又說, 人錯你又錯.

...

原來臨時破產令係無效的。謝謝百萬師兄！

ptwsam

欠一百萬 發表於 30-6-2022 20:47
樓主, 你遞了呈請書, 給你的係排期頒令日期, 及破產案編號, 並不是臨時令, 不要人說你又說, 人錯你又錯.

...

唔該晒
想問多少少，我之後會上兩次庭，咁中間我會拎到臨時破產令？定根本無呢回事？

欠一百萬

pHKIVAam 發表於 30-6-2022 22:00
唔該晒
想問多少少，我之後會上兩次庭，咁中間我會拎到臨時破產令？定根本無呢回事？ ...

點解上兩次庭? 你份呈請唔係寫了一個上庭日期.


由債務人申破產案, 除非有特殊情況, 就會有一項叫臨時命令(interim order),  並非入紙呈請的寫個個破產案號碼, 和頒令日期.

ptwsam

欠一百萬 發表於 30-6-2022 22:04
點解上兩次庭? 你份呈請唔係寫了一個上庭日期.

一日係解凍戶口，一日係8月頒令

欠一百萬

pHKIVAam 發表於 30-6-2022 22:09
一日係解凍戶口，一日係8月頒令

哦, 無其他甚麼臨時破產令頒布.

就係你講的解凍戶口事宜, 同埋正式頒令.


其實好簡單, 令 = order, 文字內容就一定會寫order is made on xxxx年-xx月-xx日.

ptwsam

欠一百萬 發表於 30-6-2022 22:16
哦, 無其他甚麼臨時破產令頒布.

就係你講的解凍戶口事宜, 同埋正式頒令.

嗰律師話因為呈請書上有high court 嗰印，佢哋都係照用嗰份野send俾一二線。
原來臨時令係兩回事。。。我份呈請書無order is made 字樣

欠一百萬

pHKIVAam 發表於 30-6-2022 22:33
嗰律師話因為呈請書上有high court 嗰印，佢哋都係照用嗰份野send俾一二線。
原來臨時令係兩回事。。。我 ...

律師樓做法係正確的, 用意就係通知債權人你已經申請破產, 而法院已經接受並且排期上庭.

一般的大機構都知繼續出信追你都係浪費資源, 因為這一刻你都唔會還款, 所以會停止你的戶口, 也停止追你. 其餘的一線以外有佢地喜歡的做法, 你亦無法阻止. 等正式頒令, 所有債權人都不能再追你數.

日後, 你收到正式的破產令, 內容自然會寫 Bankruptcy order is made on..........