畢業後續問題

benji7

爬左呢個版面D文, 有少少野都係唔太清楚, 同分享少少資訊比大家:
先分享少少先:
我2017年2月申破, 2021年2月就自動解破, 我係跟黃+石既, 爬文睇到大家話佢地慢, 結果真係好慢...於是:
* 打去問佢地, 佢地覆話要等半年, 結果, 我2月fax話要拎不反對比佢地, 等到9月先拎到..
* 拎到後, 我就諗比3姓律師行搞可能又快又方便自己, 就喺拎到不反對當日我就去左律師樓比佢地搞(千幾蚊), 跟住等到10月, 律師果邊話要約宣誓(律師樓宣), 咁都OK方便, 但宣完誓之後等到12月中, 我先拎到 (中間要whatsapp佢地問搞成點..)
* 結論係比律師搞都唔見得有幾快...有時間睇其他人分享過點樣自己去法院搞既我諗可能仲快..以上呢D等待既時間點比大家參考下..

然後有少少解破後續問題想請教大家:
1. 係咪拎到解破後主動email比環聯(TU)解除破產狀態比較好? 因為我都想搞返好過信用, 想好似大家咁講先申請一張信用卡
2. 係咪email完過去後收到TU回覆, 就可以去申請信用卡? 等可以同步進行?
3. 係咪唔需要比錢去睇自己喺TU個狀態? 我見有人講過話比錢去check左先...
4. 如果想開新銀行戶口, 係咪唔需要向各銀行交自己張解破架啦? 證明自已冇左破產咁樣? 同埋已凍結戶口又要唔要主動交解破呢..? (記得申破時話會向各銀行通知凍結我D非出糧戶口)
5. 我想申請個馬會戶口得下六合彩... 未拎解破令前, 處於自動解破狀態時, 以為申請馬會戶口冇咩大礙, 但點知馬會睇到我仲係破產狀態, 唔比申請...當時真係有D尷尬...咁想問下大家, 而家頒左令, 要唔要主動比埋呢張令比馬會架? 定其實佢地都係睇TU, 我比TU就已經解決晒....

Joannywalker131

我當日羅左不反對封信，直接去高院宣誓，過程順利，三個星期左右返去羅解破信，利申，2013年六月申破，2017年六月解破，明年六月就無哂的往事，解破破到现在已經雍有14張信用卡

tsang123

4. 如果想開新銀行戶口, 係咪唔需要向各銀行交自己張解破架啦? 證明自已冇左破產咁樣? 同埋已凍結戶口又要唔要主動交解破呢..? (記得申破時話會向各銀行通知凍結我D非出糧戶口)

唔好意思,我都有小問題想問

拎左解破證明書 , 係咪每次申請銀行户口都要用?   (定係第一次申請銀行户口, 之後申請都唔洗提供?)